ជាតិ
អត្ថបទពាណិជ្ជកម្ម
កម្ពុជាត្រូវការការអភិវឌ្ឍវិស័យព័ត៌មានវិទ្យា ដើម្បីជម្រុញកំណើនសេដ្ឋកិច្ច
×![]()
ដោយ: ថ្មីៗ
ភ្នំពេញ៖ ក្នុងរយៈពេលប៉ុន្មានឆ្នាំចុងក្រោយនេះ ប្រជាជនកម្ពុជា មានយល់ដឹងច្រើនទៅលើ វិស័យព័ត៌មានវិទ្យា ហើយបណ្តាស្ថាប័នរដ្ឋ និងអន្តរជាតិ ព្រមទាំងពាណិជ្ជកម្ម ចាប់ផ្តើម បង្កើតគេហទំព័រផ្ទាល់ខ្លួន ក្នុងគោលបំណងផ្សព្វផ្សាយរាល់ព័ត៌មាន ដើម្បីបង្កភាពងាយ ស្រួលដល់អ្នកអាន និងអតិថិជនរបស់ពួកគេ។ នេះបើយោងតាមការអះអាងពីប្រធាន គ្រប់គ្រងសេវាកម្មប្រតិបត្តិការ របស់ក្រុមហ៊ុន សើវីងវែប សូលុយស្សុង (Serving Web Solution)។
មូលហេតុដែលក្រុមហ៊ុនរបស់លោក ចាប់ផ្តើមបង្កើតសេវាកម្មបង្កើតគេហទំព័រ ដោយលោកមើលឃើញថា មាននិស្សិតបញ្ញាវ័ន្តភាគច្រើនចាប់យកជំនាញកុំព្យូទ័រ និងមានការបង្កើតគេហទំព័រថ្មីៗយ៉ាងច្រើន មានកំណើនកើនឡើងនៃការប្រើប្រាស់អិនធឺណែតតាមកុំព្យូទ័រ មានប្រជាជនកម្ពុជាចាប់ផ្តើមយល់ពីអត្ថប្រយោជន៌នៃគេហទំព័រ ហើយស្របពេលជាមួយគ្នានេះដែរ ក្រុមហ៊ុនមានសមត្ថភាពគ្រប់គ្រាន់ក្នុងការបំរើសេវាកម្មដល់អតិថិជន។ មូលហេតុទាំងនេះហើយទើបជំរុញឱ្យក្រុមហ៊ុនរបស់លោកផ្តល់សេវាកម្មបែបនេះ ដើម្បីផ្តល់ភាពងាយស្រួល ដល់ក្រុមហ៊ុននានា ធ្វើការផ្សព្វផ្សាយផលិតផល និង សេវាកម្ម របស់ក្រុមហ៊ុនពួកគេ។
លោក ហេង ប៊ុនសុង បានលើកឡើងថា “ ការវិវត្តយ៉ាងខ្លាំង នៃសេវាកម្មទូរស័ព្ទ និង អ៊ីនធឺណិតនៅកម្ពុជា ដែលធ្វើឱ្យប្រជាជនជាទូទៅ បានដឹងបានស្គាល់ពីគេហទំព័រនានានៅលើសកលលោក និងបានជួយផ្តើមជាគំនិត សម្រាប់ក្រុមហ៊ុនបង្កើតគេហទំព័រ” ។
លោកប្រធានគ្រប់គ្រងសេវាកម្មប្រតិបត្តិការ បានគូសបញ្ជាក់ ពីអត្ថប្រយោជន៍ នៃការបង្កើត គេហទំព័រឱ្យដឹងថែមទៀតថា គេហទំព័របង្កភាពងាយស្រួល ក្នុងការផ្តល់ព័ត៌មាន ដល់អតិថិជន ចំណាយពេលខ្លី ព្រមទាំងមានព័ត៌មានជាច្រើន សម្រាប់អតិថិជន បង្កើនទំនុកចិត្តលើផ្លាកសញ្ញាក្រុមហ៊ុន និងអង្គភាព ជួយផ្សព្វផ្សាយព័ត៌មានពីផលិតផល និងសេវាកម្មដល់អតិថិជន។ លើសពីនេះ វាក៏រួមចំណែក បង្កើនទំនុកចិត្តពីសាធារណៈជន និង ថែមទាំងបង្កើនទំនុកចិត្តលើស្លាកសញ្ញាក្រុមហ៊ុន និង អង្គភាព។
គួរបញ្ជាក់ថាក្រុមហ៊ុនសើវីងវែប មានផ្តល់សេវាកម្មដូចជា រចនាគេហទំព័រ (Website Design) បង្កើតអ៊ីមែល និងហូសស្ទីង (Email and Hosting Service) រចនាក្រាហ្វិក Mini Mart Software កម្មវិធីគ្រប់គ្រងក្នុងមីនី ម៉ាត និងម៉ាស៊ីនគិតលុយ Restaurant Management Application កម្មវិធីគ្រប់គ្រងការលក់ក្នុងភោជនីយដ្ឋាន University Management System and Library Management System និងការផ្សព្វផ្សាយតាមប្រព័ន្ទអីនធឺណែត។ ក្រៅពីនោះ ក្រុមហ៊ុនក៏បានបង្កើតគេហទំព័រជាច្រើនផងដែរសម្រាប់បំរើជួនដល់ផលប្រយោជន៍សាធារណៈជនដូចជា www.angkorsong.com, www.thmeythmey.com, www.angkorsong.com, www.cambowork.com ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
