កីឡាជាតិ
ជាតិ
បុណ្យសមុទ្រ៖ ក្រុមរាជធានីភ្នំពេញទទួលបានមេដាយមាសលើវិញ្ញាសារបាល់ទះឆ្នេរខ្សាច់
×![]()
ភ្នំពេញ៖ ការប្រកួតក្នុងវិញ្ញាសារប្រកួតបាល់ទះលើឆ្នេរខ្សាច់ រយៈពេលពីរ គិតចាប់ពីថ្ងៃទី១២ និង១៣ ខែធ្នូ នេះ មេដាយមាសត្រូវបានធ្លាក់លើ ក្រុមរាជធានីភ្នំពេញមេដាយប្រាក់បានលើ ក្រុមខេត្តព្រះសីហនុ និងក្រុមបាល់ទះថៃបានមេដាយសំរឹទ្ធ។នេះបើតាម លោក បឹង គឹមសោ ប្រធានគណៈកម្មការរៀបចំការប្រកួតបាល់ទះលើឆ្នេរខ្សាច់។
នៅក្នុងពិធីបុណ្យសមុទ្រ លើកទី៣នេះ ការប្រកួតបាល់ទះលើឆ្នេរខ្សាច់មានចំនួន ៤គូរប្រកួត ក្នុងនោះរួមមាន ក្រុមកីឡាករបុរសមកពីរាជធានីភ្នំពេញ ថៃ ខេត្តព្រះសីហនុ និងខេត្តកោះកុង។
នៅថ្ងៃទីមួយ ក្រុមរាជធានីភ្នំពេញ បានយកឈ្នះពិន្ទុលើខេត្តកោះកុង ២ ទល់នឹង ០ ក្នុងពិន្ទុ ២១ទល់ ០៦ និង២១ ទល់ ១០ ។
ក្រុមកីឡាករថៃ បានចាញ់ពិន្ទុក្រុមខេត្តព្រះសីហនុ ០ ទល់នឹង ២ ក្នុងពិន្ទុ ១៧ ទល់ ២១ និង ១៥ ទល់ ២១ ។
ក្រុមរាជធានីភ្នំពេញ បានយកឈ្នះលើក្រុមខេត្តព្រះសីហនុ ២ ទល់នឹង ០ ក្នុងពិន្ទុ ២១ ទល់ ០៨ និង ២១ ទល់ ១៧ ។
នៅថ្ងៃប្រកួតទីពីរ ក្រុមកីឡារកថៃ បានឈ្នះក្រុមខេត្តកោះកុង ដោយស្វ័យប្រវត្តិ ដោយសារក្រុម កោះកុង អវត្តមាន។
ក្រុមខេត្តព្រះសីហនុ យកឈ្នះក្រុមកោះកុង ២ ទល់នឹង ០ ក្នុងពិន្ទុ ២១ ទល់ ១១ និង ២១ ទល់ ១៤ ។
ចុងក្រោយគឺ ក្រុម រាជធានីភ្នំពេញ បានយកឈ្នះក្រុមកីឡាករថៃ ២ ទល់នឹង ០ ក្នុងពិន្ទុ ២១ ទល់ ១១ និង ២១ ទល់ ១១ ៕
© រក្សាសិទ្ធិដោយ thmeythmey.com
