អន្តរជាតិ
៦ម៉ោងក្រោយការចាប់ចំណាប់ខ្មាំង គ្មានការទាក់ទងពីក្រុមខ្មាន់កាំភ្លើងឡើយ
×![]()
ដោយ: ថ្មីៗ
មកទល់ថ្មើរនេះ ការចាប់ចំណាប់ខ្មាំងនៅហាងកាហ្វេអូស្ត្រាលីមានរយៈពេល៦ម៉ោងរួចទៅហើយ ប៉ុន្តែមន្ត្រីប៉ូលីបានប្រកាសថា ខ្លួនមិនទាន់ទទួលបានទទួលការទាក់ទងណាមួយពីក្រុមខ្មាន់កាំភ្លើងឡើយ។ គេមិនដឹងថាក្រុមប្រដាប់អាវុធនេះ ចង់បានអ្វីអោយប្រាកដឡើយ ប៉ុន្តែមន្ត្រីប្រចាំតំបន់ New South Wales បានប្រកាសថា កងម្លាំងអូស្ត្រាលីនឹងធ្វើអ្វីគ្រប់យ៉ាងតាមដែលអាចធ្វើបានដើម្បីរំដោះចំណាប់ខ្មាំងដោយសន្តិភាព។
កងកម្លាំងប្រដាប់អាវុធអូស្ត្រាលីនៅបន្តប្រតិបត្តិការរបស់ខ្លួនយ៉ាងសស្រាក់សស្រាំជាទីបំផុតដើម្បីត្រៀមរំដោះចំណាប់ខ្មាំង ប៉ុន្តែមកទល់ពេលនេះអាជ្ញាធរអូស្ត្រាលីនៅមិនទាន់បានទទួលការទាក់ទងពីក្រុមប្រដាប់អាវុធនៅឡើយទេ។ គេមិនដឹងថា ក្រុមប្រដាប់អាវុធទាំងអស់នោះមានចេតនា ឬគោលបំណងណាមួយអោយប្រាកដឡើយ ហើយការបារម្ភពីសុវត្ថិភាពរបស់ចំណាប់ខ្មាំងកំពុងតែកើនឡើងថែមទៀតផង។
ដោយឡែកស្នងការប៉ូលីស New South Wales លោក Andrew Scipione បានប្រកាសអោយដឹងថា លោកសង្ឃឹមយ៉ាងមុតមាំថា ប្រតិបត្តិការរំដោះចំណាប់ខ្មាំងអាចនឹងទទួលបានជោគជ័យនិងដោយសន្តិវិធីមិនមានគ្រោះថ្នាក់អ្វីមួយកើតឡើង។ លោក បានសង្កត់ធ្ងន់ថា អាជ្ញាធរនឹងព្យាយាមធ្វើអ្វីគ្រប់យ៉ាងតាមដែលអាចធ្វើបានដើម្បីបញ្ចប់វិបត្តិនៃការចាប់ជាចំណាប់នេះដោយសន្តិវិធី ហើយលោកបានបង្ហើបថា រដ្ឋាភិបាលអូស្ត្រាលីមិនព្យាយាមទាក់ទងដោយផ្ទាល់ទៅក្រុមប្រដាប់អាវុធឡើយ ប៉ុន្តែគេតាមដានមើលនិងស្វែងរកមូលហេតុដែលនៃពីក្រោយសកម្មភាពចាប់ចំណាប់ខ្មាំងនេះ។
លោកស្នងការប៉ូលីសខាងលើនៅតែបញ្ជាក់ជាថ្មីថា មកទល់ពេលនេះខាងអាជ្ញាធរមិនទាន់បានដឹងពីចំនួនពិតប្រាកដនៃចំណាប់ខ្មាំងដែលស្ថិតក្រោមកណ្តាប់ដៃក្រុមខ្មាន់កាំភ្លើងនៅឡើយទេ បើទោះជាសារព័ត៌មានមួយចំនួនអះអាងថា មានរហូតដល់៥០នាក់ផងក៏ដោយ។ដោយឡែកនាយករដ្ឋមន្ត្រីអូស្ត្រាលីលោក តូនី អាបូត បានថ្លែងសុន្ទរកថាផងដែរជុំវិញវិបត្តិចាប់ចំណាប់ខ្មាំងនៅកណ្តាលទីប្រជុំជននាទីក្រុងស៊ីដនីនេះ ដោយលោកបញ្ជាក់ថា សកម្មភាពទាំងអស់វាជាសកម្មភាហិង្សាជំរុញដោយផ្នែកនយោបាយតែប៉ុណ្ណោះ។
លោកបានបន្ថែមថា សកម្មភាពនេះបង្កើតឡើងដើម្បីបន្លាចប្រជាជនអូស្តាលីតែប៉ុណ្ណោះ ហើយលោកអំពាវនាវអោយប្រជាជនអូស្ត្រាលីទាំងឈប់ភ័យខ្លាំងនិងត្រលប់ប្រកបរបររកស៊ីជាធម្មតាវិញ។ លោក អាបូត រំលឹកផងដែរថា អូស្ត្រាលី ជាសង្គមមួយពោរពេញដោយសន្តិភាព បើកចំហរ និងមានសណ្តានចិត្តល្អ ដូច្នេះគ្មានអ្វីដែលអាចផ្លាស់ប្តូរជំហរអូស្ត្រាលីបានឡើយ។ យ៉ាងណាក៏ដោយក្រោយមានការចាប់ចំណាប់ខ្មាំងកើតឡើង សារព័ត៌មានក្នុងស្រុកបានអះអាងថាខ្មាន់កាំភ្លើងទាមទារនិយាយជាមួយនាយករដ្ឋមន្ត្រីអូស្ត្រាលី ហើយខ្មាន់កាំភ្លងមានគ្នាមិនតិចជាពីរនាក់ឡើយ៕
កងកម្លាំងប្រដាប់អាវុធអូស្ត្រាលីនៅបន្តប្រតិបត្តិការរបស់ខ្លួនយ៉ាងសស្រាក់សស្រាំជាទីបំផុតដើម្បីត្រៀមរំដោះចំណាប់ខ្មាំង ប៉ុន្តែមកទល់ពេលនេះអាជ្ញាធរអូស្ត្រាលីនៅមិនទាន់បានទទួលការទាក់ទងពីក្រុមប្រដាប់អាវុធនៅឡើយទេ។ គេមិនដឹងថា ក្រុមប្រដាប់អាវុធទាំងអស់នោះមានចេតនា ឬគោលបំណងណាមួយអោយប្រាកដឡើយ ហើយការបារម្ភពីសុវត្ថិភាពរបស់ចំណាប់ខ្មាំងកំពុងតែកើនឡើងថែមទៀតផង។
ដោយឡែកស្នងការប៉ូលីស New South Wales លោក Andrew Scipione បានប្រកាសអោយដឹងថា លោកសង្ឃឹមយ៉ាងមុតមាំថា ប្រតិបត្តិការរំដោះចំណាប់ខ្មាំងអាចនឹងទទួលបានជោគជ័យនិងដោយសន្តិវិធីមិនមានគ្រោះថ្នាក់អ្វីមួយកើតឡើង។ លោក បានសង្កត់ធ្ងន់ថា អាជ្ញាធរនឹងព្យាយាមធ្វើអ្វីគ្រប់យ៉ាងតាមដែលអាចធ្វើបានដើម្បីបញ្ចប់វិបត្តិនៃការចាប់ជាចំណាប់នេះដោយសន្តិវិធី ហើយលោកបានបង្ហើបថា រដ្ឋាភិបាលអូស្ត្រាលីមិនព្យាយាមទាក់ទងដោយផ្ទាល់ទៅក្រុមប្រដាប់អាវុធឡើយ ប៉ុន្តែគេតាមដានមើលនិងស្វែងរកមូលហេតុដែលនៃពីក្រោយសកម្មភាពចាប់ចំណាប់ខ្មាំងនេះ។
លោកស្នងការប៉ូលីសខាងលើនៅតែបញ្ជាក់ជាថ្មីថា មកទល់ពេលនេះខាងអាជ្ញាធរមិនទាន់បានដឹងពីចំនួនពិតប្រាកដនៃចំណាប់ខ្មាំងដែលស្ថិតក្រោមកណ្តាប់ដៃក្រុមខ្មាន់កាំភ្លើងនៅឡើយទេ បើទោះជាសារព័ត៌មានមួយចំនួនអះអាងថា មានរហូតដល់៥០នាក់ផងក៏ដោយ។ដោយឡែកនាយករដ្ឋមន្ត្រីអូស្ត្រាលីលោក តូនី អាបូត បានថ្លែងសុន្ទរកថាផងដែរជុំវិញវិបត្តិចាប់ចំណាប់ខ្មាំងនៅកណ្តាលទីប្រជុំជននាទីក្រុងស៊ីដនីនេះ ដោយលោកបញ្ជាក់ថា សកម្មភាពទាំងអស់វាជាសកម្មភាហិង្សាជំរុញដោយផ្នែកនយោបាយតែប៉ុណ្ណោះ។
លោកបានបន្ថែមថា សកម្មភាពនេះបង្កើតឡើងដើម្បីបន្លាចប្រជាជនអូស្តាលីតែប៉ុណ្ណោះ ហើយលោកអំពាវនាវអោយប្រជាជនអូស្ត្រាលីទាំងឈប់ភ័យខ្លាំងនិងត្រលប់ប្រកបរបររកស៊ីជាធម្មតាវិញ។ លោក អាបូត រំលឹកផងដែរថា អូស្ត្រាលី ជាសង្គមមួយពោរពេញដោយសន្តិភាព បើកចំហរ និងមានសណ្តានចិត្តល្អ ដូច្នេះគ្មានអ្វីដែលអាចផ្លាស់ប្តូរជំហរអូស្ត្រាលីបានឡើយ។ យ៉ាងណាក៏ដោយក្រោយមានការចាប់ចំណាប់ខ្មាំងកើតឡើង សារព័ត៌មានក្នុងស្រុកបានអះអាងថាខ្មាន់កាំភ្លើងទាមទារនិយាយជាមួយនាយករដ្ឋមន្ត្រីអូស្ត្រាលី ហើយខ្មាន់កាំភ្លងមានគ្នាមិនតិចជាពីរនាក់ឡើយ៕
© រក្សាសិទ្ធិដោយ thmeythmey.com
