កីឡាជាតិ
ជាតិ
Binh Phuoc TV Cup 2014៖ ស្វាយរៀងចេញទៅប្រកួតនៅវៀតណាមមុនគេ
× ក្រុមបាល់ទាត់ខេត្តស្វាយរៀង បានចេញដំណើរមុនគេ ទៅចូលរួមប្រកួតក្នុងពានរង្វាន់កងកម្លាំងប្រដាប់អាវុធប្រចាំឆ្នាំ ២០១៤ (Binh Phuoc TV Cup 2014) ដែលរៀបចំនៅខេត្តប៊ីញភឿក ប្រទេសវៀតណាម ខណៈក្រុម ២ ផ្សេងទៀតមាន ចម្ការកៅស៊ូបឹងកេត និង អគ្គស្នងការដ្ឋាននគរបាលជាតិ ចេញទៅជាបន្តបន្ទាប់។
សម្រាប់ក្រុមខេត្តស្វាយរៀង បានជូនដំណឹងតាមរយៈទំព័រហ៊្វេសប៊ុកថា កីឡាករចំនួន ២០ នាក់រួមទាំងថ្នាក់ដឹកនាំចំនួន ៨ នាក់នឹងចេញដំណើរតាំងពីម៉ោង ៨ ព្រឹកថ្ងៃទី ១៨ ធ្នូ នេះតាមរថយន្តក្រុងឆ្ពោះទៅកាន់ទីកន្លែងប្រកួតតែម្ដង។
កីឡាករទាំង ២០ នាក់មាន៖
អ្នកចាទី៖ អាំ ឧត្តម, អាំ សុវណ្ណរ៉ាត់ និង ប៊ុន ច័ន្ទឧត្តម។
កីឡាករ៖ រស់ គង់សំរេច, សារ៉េត កិត្យា, មូល ដារ៉ាវ័ន្ត, មូន ណារ៉ា, ប្រាក់ មុន្នីឧត្តម, ជា សំណាង, ណុប តុលា, មួង មករា, សុខ សំណាង, យុន មេសា, ហួយ ផល្លីន, សួន វាសនា, ឡាយ រស្មី, សឿយ វិសាល, សំអឿន ពិដោ, នេន សុធារ័ត្ន និង ផានី អ៊ីរដ្ឋា។
ចំណែកក្រុមចម្ការកៅស៊ូបឹងកេត គ្រោងចេញដំណើរនៅព្រឹកថ្ងៃទី ១៩ ធ្នូ ស្អែកនេះ អមដោយកីឡាករចំនួន ២២ នាក់ ខណៈក្រុមអគ្គស្នងការដ្ឋាននគរបាលជាតិនឹងចេញទៅនៅថ្ងៃទី ២០ ធ្នូ ឆ្នាំ ២០១៤ ចុងក្រោយគេ។
ក្រុមកម្ពុជាក្នុងលីកកម្ពុជា ចំនួន ៣ ក្រុមរួមមាន អគ្គស្នងការដ្ឋាននគរបាលជាតិ, ស្វាយរៀង និង ចម្ការកៅស៊ូបឹងកេត ធ្វើដំណើរចេញទៅប្រកួតស្របតាមការអញ្ជើញរបស់ក្រុមម្ចាស់ផ្ទះវៀតណាម ដើម្បីប្រកួតដណ្ដើមពានរង្វាន់ Binh Phuoc TV Cup 2014 ជាមួយក្រុម ៥ ផ្សេងទៀតមកពីវៀតណាម និង ១ ក្រុមមកពីប្រទេសឡាវ។ ពានរង្វាន់នេះរៀបចំ ចាប់ពីថ្ងៃទី ២១ ដល់ ៣១ ខែធ្នូ ឆ្នាំ ២០១៤៕
© រក្សាសិទ្ធិដោយ thmeythmey.com