ជាតិ
អ្នកស្រី នាង ផល្លា មានឈ្មោះប្រជែងយករង្វាន់១លានដុល្លាក្នុងកម្មវិធីGlobal Teacher Prize
អ្នកស្រី នាង ផល្លា។ រូបថត អង្គការគ្រួសារថ្មី
×![]()
ដោយ: រួបរួម
ឆ្លងកាត់បទពិសោធន៍ជាង២០ឆ្នាំលើការបង្រៀនកុមារពិការភ្នែក អ្នកស្រី នាង ផល្លា ត្រូវបានជ្រើសរើសក្នុងបញ្ជីបេក្ខជន៥០នាក់លើពិភពលោក ដែលត្រូវប្រជែងយកប្រាក់រង្វាន់១លានដុល្លារអាមេរិកពីកម្មវិធី Global Teacher Prize ក្រោមការរៀបចំរបស់មូលនិធិអប់រំ Varkey Foundation ដែលមានទីស្នាក់ការនៅទីក្រុងឌូបៃ ប្រទេសអារ៉ាប់រួម អេមីរ៉េត។
អ្នកស្រី នាង ផល្លា បានចាប់ផ្តើមធ្វើការជាមួយកុមារពិការភ្នែកនាឆ្នាំ១៩៨៦ ក្នុងតួនាទីជានាយិកាសាលាមួយរបស់អង្គការសហប្រជាជាតិនៅជំរុំភៀសខ្លួនលើទឹកដីថៃ។ អ្នកស្រី បានវិលត្រឡប់មកកាន់កម្ពុជាវិញក្នុងឆ្នាំ១៩៩៣ ហើយបានក្លាយជាគ្រូបង្រៀនអក្សរប្រាយ (សម្រាប់កុមារពិការភ្នែក) ជាលើកដំបូងនៅកម្ពុជា។
អ្នកស្រី ផល្លា បានរួមចំណែកយ៉ាងផុសផុលក្នុងការបើកឲ្យមានសាលាកុមារពិការភ្នែកនៅក្នុងប្រទេស និងការបង្កើតអក្សរប្រាយជាភាសាខ្មែរ។ ក្រៅពីនេះ អ្នកគ្រូដ៏ឆ្នើមរូបនេះ បានបង្រៀនជំនាញយ៉ាងច្រើនដល់កុមារពិការភ្នែកដូចជាភាសាអង់គ្លេស និងកុំព្យូទ័រជាដើម។
អ្នកស្រី នាង ផល្លា ដែលបច្ចុប្បន្នជានាយិកាសាលាកុមារពិការភ្នែកភ្នំពេញថ្មី និងជាប្រធានសម្របសម្រួល កម្មវិធីអប់រំកុមារពិការភ្នែក និងគថ្លង់របស់អង្គការគ្រួសារថ្មី គឺជាបេក្ខភាពតែម្នាក់គត់របស់កម្ពុជាដែលត្រូវប្រជែងយកប្រាក់រង្វាន់១លានដុល្លារអាមេរិកពីកម្មវិធី Global Teacher Prize។
ក្នុងចំណោមបេក្ខជនទាំង៥០រូប មានមកពី២៦ប្រទេសផ្សេងៗគ្នា ដែលក្នុងនោះមានគ្រូបង្រៀនពីសហរដ្ឋអាមេរិកចំនួន១៦នាក់ កាណាដា៣នាក់ ឥណ្ឌា៣នាក់ អង់គ្លេស២នាក់ អូស្ត្រាលី២ អ៊ីតាលី២ ហ្ស៊កដានី២ រីឯបណ្តាប្រទេសដែលមានបេក្ខជនមួយរូបរួមមាន កម្ពុជា ចិន អាហ្វហ្គានីស្ថាន អាសៀបៃហ្សង់ អេស្តូនី ឥណ្ឌូនេស៊ី អាល្លឺម៉ង់ ហៃទី កេនយ៉ា ម៉ាសេដូនី ម៉ាដាហ្គាស្កា ម៉ាឡាវី ម៉ាឡេស៊ី ម៉ិកស៊ិក ម៉ារ៉ុក អេស្ប៉ា តង់ហ្សានី ហូឡង់ តួកគី និងអ៊ូហ្គង់ដា។
បេក្ខជនទាំង៥០រូបបានត្រូវជ្រើសចេញពីបេក្ខជនទាំង៥០០០នាក់មកពី១២៧ប្រទេសទូទាំងពិភពលោក។ បញ្ជីជម្រុះ១០នាក់ចុងក្រោយនឹងត្រូវប្រកាសនៅពាក់កណ្តាលខែកុម្ភៈ ឆ្នាំ២០១៥ ហើយជ័យលាភីដែលត្រូវឈ្នះប្រាក់រង្វាន់១លានដុល្លារអាមេរិក នឹងត្រូវប្រកាសនាវេទិកា Global Education and Skills Forum នៅក្នុងទីក្រុងឌូបៃ នាថ្ងៃទី១៦ ខែមិនា ឆ្នាំ២០១៥ ៕
អ្នកស្រី នាង ផល្លា បានចាប់ផ្តើមធ្វើការជាមួយកុមារពិការភ្នែកនាឆ្នាំ១៩៨៦ ក្នុងតួនាទីជានាយិកាសាលាមួយរបស់អង្គការសហប្រជាជាតិនៅជំរុំភៀសខ្លួនលើទឹកដីថៃ។ អ្នកស្រី បានវិលត្រឡប់មកកាន់កម្ពុជាវិញក្នុងឆ្នាំ១៩៩៣ ហើយបានក្លាយជាគ្រូបង្រៀនអក្សរប្រាយ (សម្រាប់កុមារពិការភ្នែក) ជាលើកដំបូងនៅកម្ពុជា។
អ្នកស្រី ផល្លា បានរួមចំណែកយ៉ាងផុសផុលក្នុងការបើកឲ្យមានសាលាកុមារពិការភ្នែកនៅក្នុងប្រទេស និងការបង្កើតអក្សរប្រាយជាភាសាខ្មែរ។ ក្រៅពីនេះ អ្នកគ្រូដ៏ឆ្នើមរូបនេះ បានបង្រៀនជំនាញយ៉ាងច្រើនដល់កុមារពិការភ្នែកដូចជាភាសាអង់គ្លេស និងកុំព្យូទ័រជាដើម។
អ្នកស្រី នាង ផល្លា ដែលបច្ចុប្បន្នជានាយិកាសាលាកុមារពិការភ្នែកភ្នំពេញថ្មី និងជាប្រធានសម្របសម្រួល កម្មវិធីអប់រំកុមារពិការភ្នែក និងគថ្លង់របស់អង្គការគ្រួសារថ្មី គឺជាបេក្ខភាពតែម្នាក់គត់របស់កម្ពុជាដែលត្រូវប្រជែងយកប្រាក់រង្វាន់១លានដុល្លារអាមេរិកពីកម្មវិធី Global Teacher Prize។
ក្នុងចំណោមបេក្ខជនទាំង៥០រូប មានមកពី២៦ប្រទេសផ្សេងៗគ្នា ដែលក្នុងនោះមានគ្រូបង្រៀនពីសហរដ្ឋអាមេរិកចំនួន១៦នាក់ កាណាដា៣នាក់ ឥណ្ឌា៣នាក់ អង់គ្លេស២នាក់ អូស្ត្រាលី២ អ៊ីតាលី២ ហ្ស៊កដានី២ រីឯបណ្តាប្រទេសដែលមានបេក្ខជនមួយរូបរួមមាន កម្ពុជា ចិន អាហ្វហ្គានីស្ថាន អាសៀបៃហ្សង់ អេស្តូនី ឥណ្ឌូនេស៊ី អាល្លឺម៉ង់ ហៃទី កេនយ៉ា ម៉ាសេដូនី ម៉ាដាហ្គាស្កា ម៉ាឡាវី ម៉ាឡេស៊ី ម៉ិកស៊ិក ម៉ារ៉ុក អេស្ប៉ា តង់ហ្សានី ហូឡង់ តួកគី និងអ៊ូហ្គង់ដា។
បេក្ខជនទាំង៥០រូបបានត្រូវជ្រើសចេញពីបេក្ខជនទាំង៥០០០នាក់មកពី១២៧ប្រទេសទូទាំងពិភពលោក។ បញ្ជីជម្រុះ១០នាក់ចុងក្រោយនឹងត្រូវប្រកាសនៅពាក់កណ្តាលខែកុម្ភៈ ឆ្នាំ២០១៥ ហើយជ័យលាភីដែលត្រូវឈ្នះប្រាក់រង្វាន់១លានដុល្លារអាមេរិក នឹងត្រូវប្រកាសនាវេទិកា Global Education and Skills Forum នៅក្នុងទីក្រុងឌូបៃ នាថ្ងៃទី១៦ ខែមិនា ឆ្នាំ២០១៥ ៕
© រក្សាសិទ្ធិដោយ thmeythmey.com
