អន្តរជាតិ
អ្នកនេសាទលឺសំឡេងផ្ទុះលើអាកាស ស្របពេលយន្តហោះ Air Asia បាត់ខ្លួន
×![]()
មកទល់ពេលនេះប្រតិបត្តិការស្វែងរកយន្តហោះក្រុមហ៊ុន Air Asiaដែលបានបាត់ពេលហោះចេញពីឥណ្ឌូនេស៊ីទៅសិង្ហបុរីនៅបន្តធ្វើឡើងយ៉ាងសស្រាក់សស្រាំជាទីបំផុតប៉ុន្តែមិនទាន់មានតម្រុយណាមួយបញ្ជាក់ថា យន្តហោះដែលបាត់ខ្លួននោះនៅទីណាឡើយ។ គេសង្កេតឃើញក្រុមជួយសង្គ្រោះជាច្រើនចូលរួមក្នុងប្រតិបត្តិការនេះ ក្នុងនោះក៏មានការចូលរួមពីសំណាក់កងទ័ពអាកាសអូស្ត្រាលីផងដែ ហើយរដ្ឋាភិបាលចិនបានប្រកាសបញ្ជូនយន្តហោះ និងកប៉ាល់ទៅចូលរួមផងដែរ។ ចំណែករដ្ឋាភិបាលប្រទេសជិតខាងមានម៉ាឡេស៊ី សិង្ហបុរី ក៏បានបញ្ជូនកងកម្លាំងជួយស្វែងរកយន្តហោះដែលបាត់ផងដែរ។ យ៉ាងណាក៏ដោយ បើទោះជាមិនមានតម្រុយច្បាស់លាស់ក្តី ខាងក្រុមជួយសង្គ្រោះបានសន្និដ្ឋានថា យន្តហោះប្រហែលជាធ្លាក់នៅក្រោមបាតសមុទ្រ ហើយក្រុមអ្នកនេសាទអះអាងថាពួកគេលឺសំឡេងផ្ទុះលើអាកាសនៅម៉ោងប្រហាក់ប្រហែលយន្តហោះបាត់ខ្លួន។
សូមស្តាប់ការបកស្រាយរបស់លោក សៅ ផលនិស្ស័យ ឆ្លើយតបនឹងការចោទសួររបស់លោក ជាវ សំណាងពាក់ព័ន្ធករណីនេះ៖
១.សំណួរ៖ និស្ស័យថ្ងៃនេះយើងផ្តោតការចាប់អារម្មណ៍លើការបាត់ខ្លួន និងការរុករកយន្តហោះក្រុមហ៊ុន Air Asia។ តើមកទល់ពេលនេះគេបានទទួលដំណឹង ឬបានតម្រុយខ្លះឬទេពីយន្តហោះដែលបាត់នោះបាទ?
១.ចម្លើយ៖ មកទល់ពេលនេះ មិនមាននៅឡើយទេ ហើយខាងក្រុមជួយស្វែងរកយន្តហោះនោះកំពុងតែបន្តប្រតិបត្តិការរបស់ខ្លួនយ៉ាងសស្រាក់សស្រាំជាទីបំផុត។ តាមពិតទៅការប្រតិបត្តិការរុករកយន្តហោះទើបតែចាប់ផ្តើមឡើងវិញនៅពេលព្រឹកថ្ងៃចន្ទនេះទេ ហើយគេឃើញមានប្រទេសជិតខាងមួយចំនួនសហការជួយឥណ្ឌូនេស៊ីរកយន្តហោះដែលបាត់។ យ៉ាងណាការបន្តរុករកនេះធ្វើឡើងដោយមិនមានគោលដៅ ឬដឹងពីទីកន្លែងយន្តហោះបាត់ច្បាស់លាស់ឡើយ ដូច្នេះបានជាវាមានការលំបាកក្នុងការរុករក។ បើតាមការអះអាងរបស់ក្រុមអ្នករុករកយន្តហោះ ការស្វែងរកយន្តហោះធ្វើឡើងតាមផ្លូវដែលយន្តហោះត្រូវធ្វើដំណើរ ប៉ុណ្ណោះ។ គេរំពឹងថា គេត្រូវចំណាយពេលវេលាច្រើនដើម្បីស្វែងរកយន្តហោះដែលបាត់ខ្លួននេះ ប៉ុន្តែគេមិនរំពឹងថា ការបាត់ខ្លួននៃយន្តហោះនេះដូចគ្នាទៅនឹងការបាត់ខ្លួននៃយន្តហោះក្រុមម៉ាឡេស៊ី MH370ឡើយ។
២.សំណួរ៖ ការរុករកកំពុងតែបន្តទៅមុខ ប៉ុន្តែរកយន្តហោះមិនឃើញ។ តើមកទល់ពេលនេះប្រទេសណាខ្លះដែលផ្តល់ការសហការដើម្បីរុករកយន្តហោះនេះ?
២.ចម្លើយ៖ មកទល់ពេលនេះមានប្រទេសច្រើនដែរដែលបានស្ម័គ្រចិត្តជួយរុករកយន្តហោះក្រុមហ៊ុន Air Asia ដែលដឹកនាំមនុស្សប្រមាណ ១៦២នាក់ដែលបាត់ខ្លួននេះ។ កាលពីម្សិលមិញគេឃើញមានការបញ្ជូនកងទ័ពសិង្ហបុរីទៅចូលរួមក្នុងប្រតិបត្តិការជួយរុករកយន្តហោះផងដែរ ស្របពេលដែលម៉ាឡេស៊ីបញ្ជូននាវាបីគ្រឿង និងយន្តហោះបីគ្រឿងទៅចូលរួមជាមួយក្រុមរុករកដឹកនាំដោយឥណ្ឌូនេស៊ី។ ចំណែកនៅថ្ងៃចន្ទ រដ្ឋាភិបាលអូស្ត្រាលីរបស់លោក តូនី អាបូត បានប្រកាសផ្តល់កងកម្លាំង យន្តហោះស៊ើបការណ៍ និងប្រព័័ន្ធបច្ចេកវិទ្យាទំនើបៗជាច្រើនទៀតដើម្បីជួយសម្រួលដល់ប្រតិបត្តិការរុករកយន្តហោះនេះ។ ដោយឡែកថ្ងៃចន្ទនេះដែរ រដ្ឋាភិបាលក្រុងប៉េកាំងបានប្រកាសបញ្ជូននាវាជាច្រើនគ្រឿង និងយន្តហោះដើម្បីទៅចូលរួមជាមួយក្រុមសង្គ្រោះផ្សេងទៀតផងដែរ ហើយចិនបានអះអាងថាខ្លួននឹងផ្តល់ជំនួយផ្សេងទៀតប្រសិនបើរដ្ឋាភិបាលឥណ្ឌូនេស៊ីត្រូវការជំនួយនោះ។ ចំណែកសហរដ្ឋអាមេរិកបានអះអាងថា នាវាចម្បាំងទី៧របស់ត្រៀមខ្លួនរួចរាល់ហើយដើម្បីជួយឥណ្ឌូនេស៊ី ប៉ុន្តែគេមិនទាន់បានទទួលការស្នើសុំឡើយ។ យ៉ាងណាឥណ្ឌូនេស៊ីប្រហែលជាអាចនឹងស្នើសុំអាមេរិក និងបណ្តាប្រទេសជាមិត្តផ្សេងទៀតមានបារាំង អង់គ្លេសជួយផ្តល់បច្ចេកវិទ្យាគាំទ្រការរុករកក្រោមបាតសមុទ្រ។ គេឃើញមានយន្តហោះ នាវា និងឧទ្ធម្ភាគចក្រជាច្រើនគ្រឿងកំពុងបន្តប្រតិបត្តិការរុករកយន្តហោះដែលបាត់ខ្លួននេះ។
៣.សំណួរ៖ និស្ស័យ ទាក់ទិននឹងការបាត់ខ្លួនយន្តហោះនេះដែរ គេអាចរកសន្និដ្ឋានមូលហេតុជាបឋមបានហើយឬនៅបាទ?
៣.ចម្លើយ៖ គេសន្និដ្ឋានថា យន្តហោះដែលបាត់ខ្លួននេះអាចបណ្តាលមកពីបញ្ហាអាកាសធាតុមិនល្អ។ គេសន្និដ្ឋានបែបនេះ ព្រោះបើតាមមន្ត្រីគ្រប់គ្រងចរាចរណ៍អាកាសមុនយន្តហោះបាត់ការទាក់ទង អ្នកបើកបរយន្តហោះដែលបាត់នោះបានស្នើសុំផ្លាស់ប្តូរផ្លូវធើ្វដំណើរ និងហោះហើរអោយខ្ពស់ជាមុន ពីព្រោះអាកាសធាតុមិនល្អ។ ក្រោយស្នើសុំខាងមន្ត្រីគ្រប់គ្រងចរាចរណ៍អាកាស អនុញ្ញាតអោយអ្នកបើកយន្តហោះនេះផ្លាស់ប្តូរផ្លូវ ប៉ុន្តែមិនបានអនុញ្ញាតអោយអ្នកបើកបើរបង្កើតកម្ពស់ការហោះហើរនោះឡើយ។ ចាប់ពីពេលនេះក៏បាត់ដំណឹងយន្តហោះនេះតែម្តង។ យ៉ាងណាក៏ដោយ ប្រធានភ្នាក់ងារជាតិស្វែងរកនិងសង្គ្រោះ បានថ្លែងថា យន្តហោះដែលបាត់ទំនងជាស្ថិតនៅក្រោមបាតសមុទ្របន្ទាប់ពីធ្លាក់។ យ៉ាងណាក៏ដោយ គេទើបទទួលបានព័ត៌មានចុងក្រោយថា អ្នកនេសាទ នៅក្នុងសមុទ្រនៅក្បែរផ្លូវដែលយន្តហោះធ្វើដំណើរឆ្លងកាត់នោះបាន អះអាងថា ពួកគេលឹសូរសំឡេងផ្ទុះ នៅម៉ោងប្រហាក់ប្រហែលដែលយន្តហោះនោះបានបាត់ខ្លួនថែមទៀតផង។ ប៉ុន្តែគេមិនទាន់ច្បាស់ថា វាជាសំឡេងយន្តហោះផ្ទុះ ឬមិនមែនឡើយ បើទោះជាមានអ្នកខ្លះអះអាងថា វាជាសម្លេងយន្តហោះផ្ទុះលើលំហរអាកាសមុននឹងធ្លាក់ចុះមកដី។ គេចាំមើលព័ត៌មានបន្ថែម ទាក់ទិនបញ្ហានេះទៀត។
៤.សំណួរ៖ ជាសំណួរចុងក្រោយរបស់ខ្ញុំនិស្ស័យ យន្តហោះដែលបាត់ខ្លួននេះក៏ជាយន្តហោះក្រុមហ៊ុនម៉ាឡេស៊ីដែរ។ តើវានឹងធ្វើអោយប៉ះពាល់ខ្លាំងដែរឬទេចំពោះការដំណើរការរបស់ក្រុមហ៊ុន និងប្រទេសម៉ាឡេស៊ី?
៤.ចម្លើយ៖ វាជាការពិតហើយ ឧបទ្ទវហេតុនេះពិតជាប៉ះពាល់ខ្លាំងបំផុតដល់ដំណើរការក្រុមហ៊ុន និងក្រុមហ៊ុនអាកាសចរណ៍ម៉ាឡេស៊ី។ រាល់ឧទ្ទវហេតុបែបនេះធ្វើអោយអ្នកដំណើរបាត់បង់ជំនឿចិត្ត ឬភ័យខ្លាចក្នុងការធ្វើដំណើរតាមផ្លូវអាកាសជាមួយក្រុមហ៊ុនទៀត។ ឧទាហរណ៍ កាលក្រោយមានការបាត់ខ្លួនយន្តហោះ MH 370 ដែលអ្នកដំណើរប្រហែល ២៣៩នាក់ និងក្រោយមកមានការធ្លាក់យន្តហោះMH 17 សម្លាប់មនុស្សរហូតដល់២៩៨នាក់នៅអ៊ុយក្រែននោះ ក្រុមហ៊ុន Malaysia Airline ប្រឈមមុខបញ្ហា ដោយគ្មានអ្នកដំណើរហ៊ានជិះយន្តហោះនោះឡើយ ។ បើគ្មានការគ្មានការជួយទំនុកបម្រុងពីរដ្ឋទេនោះ ម្ល៉េះក្រុមហ៊ុននេះនឹងត្រូវក្ស័យធនបាត់ទៅហើយ៕
សូមស្តាប់ការបកស្រាយរបស់លោក សៅ ផលនិស្ស័យ ឆ្លើយតបនឹងការចោទសួររបស់លោក ជាវ សំណាងពាក់ព័ន្ធករណីនេះ៖
១.សំណួរ៖ និស្ស័យថ្ងៃនេះយើងផ្តោតការចាប់អារម្មណ៍លើការបាត់ខ្លួន និងការរុករកយន្តហោះក្រុមហ៊ុន Air Asia។ តើមកទល់ពេលនេះគេបានទទួលដំណឹង ឬបានតម្រុយខ្លះឬទេពីយន្តហោះដែលបាត់នោះបាទ?
១.ចម្លើយ៖ មកទល់ពេលនេះ មិនមាននៅឡើយទេ ហើយខាងក្រុមជួយស្វែងរកយន្តហោះនោះកំពុងតែបន្តប្រតិបត្តិការរបស់ខ្លួនយ៉ាងសស្រាក់សស្រាំជាទីបំផុត។ តាមពិតទៅការប្រតិបត្តិការរុករកយន្តហោះទើបតែចាប់ផ្តើមឡើងវិញនៅពេលព្រឹកថ្ងៃចន្ទនេះទេ ហើយគេឃើញមានប្រទេសជិតខាងមួយចំនួនសហការជួយឥណ្ឌូនេស៊ីរកយន្តហោះដែលបាត់។ យ៉ាងណាការបន្តរុករកនេះធ្វើឡើងដោយមិនមានគោលដៅ ឬដឹងពីទីកន្លែងយន្តហោះបាត់ច្បាស់លាស់ឡើយ ដូច្នេះបានជាវាមានការលំបាកក្នុងការរុករក។ បើតាមការអះអាងរបស់ក្រុមអ្នករុករកយន្តហោះ ការស្វែងរកយន្តហោះធ្វើឡើងតាមផ្លូវដែលយន្តហោះត្រូវធ្វើដំណើរ ប៉ុណ្ណោះ។ គេរំពឹងថា គេត្រូវចំណាយពេលវេលាច្រើនដើម្បីស្វែងរកយន្តហោះដែលបាត់ខ្លួននេះ ប៉ុន្តែគេមិនរំពឹងថា ការបាត់ខ្លួននៃយន្តហោះនេះដូចគ្នាទៅនឹងការបាត់ខ្លួននៃយន្តហោះក្រុមម៉ាឡេស៊ី MH370ឡើយ។
២.សំណួរ៖ ការរុករកកំពុងតែបន្តទៅមុខ ប៉ុន្តែរកយន្តហោះមិនឃើញ។ តើមកទល់ពេលនេះប្រទេសណាខ្លះដែលផ្តល់ការសហការដើម្បីរុករកយន្តហោះនេះ?
២.ចម្លើយ៖ មកទល់ពេលនេះមានប្រទេសច្រើនដែរដែលបានស្ម័គ្រចិត្តជួយរុករកយន្តហោះក្រុមហ៊ុន Air Asia ដែលដឹកនាំមនុស្សប្រមាណ ១៦២នាក់ដែលបាត់ខ្លួននេះ។ កាលពីម្សិលមិញគេឃើញមានការបញ្ជូនកងទ័ពសិង្ហបុរីទៅចូលរួមក្នុងប្រតិបត្តិការជួយរុករកយន្តហោះផងដែរ ស្របពេលដែលម៉ាឡេស៊ីបញ្ជូននាវាបីគ្រឿង និងយន្តហោះបីគ្រឿងទៅចូលរួមជាមួយក្រុមរុករកដឹកនាំដោយឥណ្ឌូនេស៊ី។ ចំណែកនៅថ្ងៃចន្ទ រដ្ឋាភិបាលអូស្ត្រាលីរបស់លោក តូនី អាបូត បានប្រកាសផ្តល់កងកម្លាំង យន្តហោះស៊ើបការណ៍ និងប្រព័័ន្ធបច្ចេកវិទ្យាទំនើបៗជាច្រើនទៀតដើម្បីជួយសម្រួលដល់ប្រតិបត្តិការរុករកយន្តហោះនេះ។ ដោយឡែកថ្ងៃចន្ទនេះដែរ រដ្ឋាភិបាលក្រុងប៉េកាំងបានប្រកាសបញ្ជូននាវាជាច្រើនគ្រឿង និងយន្តហោះដើម្បីទៅចូលរួមជាមួយក្រុមសង្គ្រោះផ្សេងទៀតផងដែរ ហើយចិនបានអះអាងថាខ្លួននឹងផ្តល់ជំនួយផ្សេងទៀតប្រសិនបើរដ្ឋាភិបាលឥណ្ឌូនេស៊ីត្រូវការជំនួយនោះ។ ចំណែកសហរដ្ឋអាមេរិកបានអះអាងថា នាវាចម្បាំងទី៧របស់ត្រៀមខ្លួនរួចរាល់ហើយដើម្បីជួយឥណ្ឌូនេស៊ី ប៉ុន្តែគេមិនទាន់បានទទួលការស្នើសុំឡើយ។ យ៉ាងណាឥណ្ឌូនេស៊ីប្រហែលជាអាចនឹងស្នើសុំអាមេរិក និងបណ្តាប្រទេសជាមិត្តផ្សេងទៀតមានបារាំង អង់គ្លេសជួយផ្តល់បច្ចេកវិទ្យាគាំទ្រការរុករកក្រោមបាតសមុទ្រ។ គេឃើញមានយន្តហោះ នាវា និងឧទ្ធម្ភាគចក្រជាច្រើនគ្រឿងកំពុងបន្តប្រតិបត្តិការរុករកយន្តហោះដែលបាត់ខ្លួននេះ។
៣.សំណួរ៖ និស្ស័យ ទាក់ទិននឹងការបាត់ខ្លួនយន្តហោះនេះដែរ គេអាចរកសន្និដ្ឋានមូលហេតុជាបឋមបានហើយឬនៅបាទ?
៣.ចម្លើយ៖ គេសន្និដ្ឋានថា យន្តហោះដែលបាត់ខ្លួននេះអាចបណ្តាលមកពីបញ្ហាអាកាសធាតុមិនល្អ។ គេសន្និដ្ឋានបែបនេះ ព្រោះបើតាមមន្ត្រីគ្រប់គ្រងចរាចរណ៍អាកាសមុនយន្តហោះបាត់ការទាក់ទង អ្នកបើកបរយន្តហោះដែលបាត់នោះបានស្នើសុំផ្លាស់ប្តូរផ្លូវធើ្វដំណើរ និងហោះហើរអោយខ្ពស់ជាមុន ពីព្រោះអាកាសធាតុមិនល្អ។ ក្រោយស្នើសុំខាងមន្ត្រីគ្រប់គ្រងចរាចរណ៍អាកាស អនុញ្ញាតអោយអ្នកបើកយន្តហោះនេះផ្លាស់ប្តូរផ្លូវ ប៉ុន្តែមិនបានអនុញ្ញាតអោយអ្នកបើកបើរបង្កើតកម្ពស់ការហោះហើរនោះឡើយ។ ចាប់ពីពេលនេះក៏បាត់ដំណឹងយន្តហោះនេះតែម្តង។ យ៉ាងណាក៏ដោយ ប្រធានភ្នាក់ងារជាតិស្វែងរកនិងសង្គ្រោះ បានថ្លែងថា យន្តហោះដែលបាត់ទំនងជាស្ថិតនៅក្រោមបាតសមុទ្របន្ទាប់ពីធ្លាក់។ យ៉ាងណាក៏ដោយ គេទើបទទួលបានព័ត៌មានចុងក្រោយថា អ្នកនេសាទ នៅក្នុងសមុទ្រនៅក្បែរផ្លូវដែលយន្តហោះធ្វើដំណើរឆ្លងកាត់នោះបាន អះអាងថា ពួកគេលឹសូរសំឡេងផ្ទុះ នៅម៉ោងប្រហាក់ប្រហែលដែលយន្តហោះនោះបានបាត់ខ្លួនថែមទៀតផង។ ប៉ុន្តែគេមិនទាន់ច្បាស់ថា វាជាសំឡេងយន្តហោះផ្ទុះ ឬមិនមែនឡើយ បើទោះជាមានអ្នកខ្លះអះអាងថា វាជាសម្លេងយន្តហោះផ្ទុះលើលំហរអាកាសមុននឹងធ្លាក់ចុះមកដី។ គេចាំមើលព័ត៌មានបន្ថែម ទាក់ទិនបញ្ហានេះទៀត។
៤.សំណួរ៖ ជាសំណួរចុងក្រោយរបស់ខ្ញុំនិស្ស័យ យន្តហោះដែលបាត់ខ្លួននេះក៏ជាយន្តហោះក្រុមហ៊ុនម៉ាឡេស៊ីដែរ។ តើវានឹងធ្វើអោយប៉ះពាល់ខ្លាំងដែរឬទេចំពោះការដំណើរការរបស់ក្រុមហ៊ុន និងប្រទេសម៉ាឡេស៊ី?
៤.ចម្លើយ៖ វាជាការពិតហើយ ឧបទ្ទវហេតុនេះពិតជាប៉ះពាល់ខ្លាំងបំផុតដល់ដំណើរការក្រុមហ៊ុន និងក្រុមហ៊ុនអាកាសចរណ៍ម៉ាឡេស៊ី។ រាល់ឧទ្ទវហេតុបែបនេះធ្វើអោយអ្នកដំណើរបាត់បង់ជំនឿចិត្ត ឬភ័យខ្លាចក្នុងការធ្វើដំណើរតាមផ្លូវអាកាសជាមួយក្រុមហ៊ុនទៀត។ ឧទាហរណ៍ កាលក្រោយមានការបាត់ខ្លួនយន្តហោះ MH 370 ដែលអ្នកដំណើរប្រហែល ២៣៩នាក់ និងក្រោយមកមានការធ្លាក់យន្តហោះMH 17 សម្លាប់មនុស្សរហូតដល់២៩៨នាក់នៅអ៊ុយក្រែននោះ ក្រុមហ៊ុន Malaysia Airline ប្រឈមមុខបញ្ហា ដោយគ្មានអ្នកដំណើរហ៊ានជិះយន្តហោះនោះឡើយ ។ បើគ្មានការគ្មានការជួយទំនុកបម្រុងពីរដ្ឋទេនោះ ម្ល៉េះក្រុមហ៊ុននេះនឹងត្រូវក្ស័យធនបាត់ទៅហើយ៕
© រក្សាសិទ្ធិដោយ thmeythmey.com
