ជាតិ
សមាជិកក្រុមប្រឹក្សារដ្ឋចិនលោក Yang Jiechiមកទស្សនកិច្ចនៅកម្ពុជានៅថ្ងៃស្អែក
× សមាជិកក្រុមប្រឹក្សារដ្ឋចិនលោក Yang Jiechiនឹងធ្វើដំណើរទស្សនកិច្ចមកកាន់ប្រទេសកម្ពុជា រយៈពេល ២ ថ្ងៃ គឺចាប់ពីថ្ងៃអង្គារ ទី៣០ ស្អែកនេះ រហូតដល់ថ្ងៃពុធ ទី៣១ ខែធ្នូ ។ នេះបើយោងតាមទីភ្នាក់ងារព័ត៌មានចិន Xinhua ដែលបានដកស្រង់សំដី អ្នកនាំពាក្យក្រសួងការបរទេសចិន កាលពីថ្ងៃអាទិត្យម្សិលមិញនេះ។
យោងតាមសេចក្តីថ្លែងការណ៍មួយរបស់អ្នកនាំពាក្យខាងលើ ដំណើរទស្សនកិច្ចមកកាន់កម្ពុជារបស់មន្ត្រីជាន់ខ្ពស់ប្រទេសចិននេះ គឺបានធ្វើឡើងតាមរយៈការអញ្ជើញ របស់លោកហោណាំហុងរដ្ឋមន្ត្រីក្រសួងការបរទេស និងកិច្ចសហប្រតិបត្តិការកម្ពុជា។
អ្នកនាំពាក្យក្រសួងការបរទេសចិនលោក HuaChunyingបាននិយាយថាក្នុងអំឡុងពេលនៃដំណើរទស្សនកិច្ចនេះលោក Yang Jiechiនឹងចូលរួមកិច្ចប្រជុំលើកទីពីរនៃគណៈកម្មាធិការសម្របសម្រួលអន្តររដ្ឋាភិបាលរវាងប្រទេសចិននិងកម្ពុជាផងដែរ៕
© រក្សាសិទ្ធិដោយ thmeythmey.com