សង្គមអន្តរជាតិ
អន្តរជាតិ
នាយកប្រតិបត្តិក្រុមហ៊ុនLevi's ស្លៀកខោខូវប៊យមិនដែលបោកជាងមួយឆ្នាំ
×
លោក Chip Bergh នាយកប្រតិបត្តិក្រុមហ៊ុនផលិតសម្លៀកបំពាក់ Levi Strauss & Co., ដែលក្នុងនោះខោខូវប៊យម៉ាក Levi's ដែលជាម៉ាកដ៏ល្បីល្បាញមួយនៅលើពិភពលោក ថា គាត់មិនដែលបោកខោខូវប៊យដែលគាត់កំពុងស្លៀកនេះ អស់រយៈពេលជាងមួយឆ្នាំមកហើយ។នេះពើយោងតាមសារព័ត៌មានmashable។
ថ្លែងនៅក្នុងសន្និសីទមួយស្ដីពី Fortune's Brainstorm Greenលោក Chip Bergh បានបញ្ជាក់ពីមូលហេតុដែលនាំឲ្យលោកមិនបោកខោខូវប៊យរបស់គាត់ថា អ្នកដែលចូលចិត្តស្លៀកខោខូវប៊យ មិនគួរបោកវាជាមួយនឹងម៉ាស៊ីនបោកខោអាវនោះទេ ព្រោះវានឹងធ្វើឲ្យលោកអ្នកអាចសន្សំសំចៃប្រាក់ និងជួយសម្អាតបរិស្ថាន ប៉ុន្តែលើកលែងករណីមានការប្រឡាក់ខ្លាំងពេក។
នាយកប្រតិបត្តិក្រុមហ៊ុន Levi's ក៏បានលើកឡើងផងដែរថា ក្រុមហ៊ុនបានព្យាយាមផលិតខោខូវប៊យ ដែលមិនជក់ទឹក និងមានគុណភាពល្អ ដើម្បីឲ្យអតិថិជនអាចជួយថែរក្សាបរិស្ថាន និងសន្សំប្រាក់បានខ្លះពីការប្រើប្រាស់សម្លៀកបំពាក់។
កាលពីពេលមុន ក្រុមហ៊ុនផលិតសម្លៀកបំពាក់ដ៏ល្បីនេះ បានប្រាប់ទៅកាន់អតិថិជនរបស់ខ្លួនថា អ្នកគួររក្សាខោខូវប៊យឲ្យនៅឆ្ងាយពីការបោកទឹក ដោយអាចយកវាទៅហាលថ្ងៃជំនួសវិញ ចៀសវាងការដាក់ខោខូវប៊យក្នុងម៉ាស៊ីនបោកគក់ ដែលការធ្វើបែបនេះម្តងក្នុងមួយខែម្ដង វានឹងជួយរក្សាខោខូវប៊យរបស់អ្នកពីក្លិនមិនល្អ និងអាចស្លៀកបានយូរ៕
© រក្សាសិទ្ធិដោយ thmeythmey.com