ជាតិ
សេដ្ឋកិច្ច
ប្រធានសមាគមទេសចរណ៍ ស្នើអាជ្ញាធរនៅតាមខេត្តចំកម្មវិធីកម្សាន្តក្នុងពេលចូលឆ្នាំសកល
×![]()
ប្រធានសមាគមទីភ្នាក់ងារទេសចរណ៍កម្ពុជា បានស្នើរឲ្យអាជ្ញាធរនៅតាមបណ្តាខេត្តនានា ដែលមិនសម្បូររមណីយដ្ឋានសម្រាប់ពលរដ្ឋទស្សនាកម្សាន្ត គួររៀបចំកម្មវិធីសប្បាយៗ ដូចជា ការប្រគុំតន្ត្រី លែងល្បែងប្រជាប្រិយ ជាដើម នៅពេលមានពិធីបុណ្យសំខាន់ៗ ជាពិសសេសគឺពិធីបុណ្យចូលឆ្នាំសកលតែម្តង ។ លោកថា ការធ្វើបែបនេះ ដើម្បីឲ្យប្រជាជនខ្មែរដែលឈប់សម្រាប់ពីការងារ បានទៅទស្សនាខេត្តទាំងនោះ ជាជាងនាំគ្នាសម្រុកទៅទស្សនាតែខេត្តរមណីយដ្ឋានតែម្យ៉ាង។
រមណីយដ្ឋាននៅខេត្តព្រះសីហនុ កែប កំពត សៀមរាប និងមណ្ឌលគិរី ជាដើម គឺជាទីកន្លែងដ៏ពេញនិយមសម្រាប់ប្រជាជនខ្មែរទៅទស្សនាកម្សាន្តនៅក្នុងអំឡុងពេលពិធីបុណ្យទានធំៗរបស់ជាតិម្តងៗ ។ ដោយឡែកនៅខេត្តមួយចំនួនទៀត ដូចជា នៅខេត្តព្រៃវែង កំពង់ចាម កំពង់ឆ្នាំង និងស្វាយរៀងជាដើម មិនសូវមានទេសចរខ្មែរទៅទស្សនានោះឡើយ ពីព្រោះនៅក្នុងខេត្តទាំងនោះ មិនសម្បូររមណីយដ្ឋាន ហើយម្យ៉ាងទៀត អាជ្ញាធរខេត្តមិនបានរៀបចំកម្មវិធីកម្សាន្តនានា សម្រាប់ប្រជាជនសប្បាយក្នុងពេលបុណ្យម្តងៗឡើយ។
ប្រធានសមាគមទីភ្នាក់ងារទេសចរណ៍កម្ពុជា លោក អាង គឹមអ៊ាង ស្នើអាជ្ញាធរនៅតាមខេត្តទាំងនោះ គួររៀបចំកម្មវិធីកម្សាន្តនានានៅពេលមានពិធីបុណ្យធំៗ ដើម្បីទាក់ទាញពលរដ្ឋឲ្យទស្សនា ។ « ខ្ញុំគិតថា ប្រសិនបើអាជ្ញាធរគាត់រៀបចំកម្មវិធីកម្សាន្តក្នុងពេលបុណ្យសំខាន់ៗ ដូចជាបុណ្យចូលឆ្នាំខ្មែរ ចូលឆ្នាំសកល ជាដើម មិនចំណាយអស់បុន្មាននោះទេ។ កម្មវិធីទាំងនោះ ដូចជា ការប្រគុំតន្ត្រីសម័យ -បុរាណ ល្ខោនបាសាក់ ល្បែងប្រជាប្រិយខ្មែរ វាអាចទាក់ទាញភ្ញៀវទេសចរខ្មែរ ឬពលរដ្ឋនៅក្នុងខេត្តដែលមិនសូវមានរមណីយដ្ឋាននោះ បានទស្សនារីករាយ ជាជាងពួកគាត់នាំគ្នាទៅកម្សាន្តនៅខេត្តរមណីយដ្ឋានផ្សេងទៀត ដែលឆ្ងាយពីខេត្តរបស់ពួកគាត់។ ម្យ៉ាងទៀត ការធ្វើបែបនេះ ក៏អាចកាត់បន្ថយគ្រោះថ្នាក់ចរណ៍ខ្លះបានដែរ ព្រោះប្រជាជនមិនធ្វើដំណើរឆ្ងាយ» ។ នេះជាអ្វីដែលលោក អាង គឹមអ៊ាង បញ្ជាក់ប្រាប់សារព័ត៌មានថ្មីៗ ៕
រមណីយដ្ឋាននៅខេត្តព្រះសីហនុ កែប កំពត សៀមរាប និងមណ្ឌលគិរី ជាដើម គឺជាទីកន្លែងដ៏ពេញនិយមសម្រាប់ប្រជាជនខ្មែរទៅទស្សនាកម្សាន្តនៅក្នុងអំឡុងពេលពិធីបុណ្យទានធំៗរបស់ជាតិម្តងៗ ។ ដោយឡែកនៅខេត្តមួយចំនួនទៀត ដូចជា នៅខេត្តព្រៃវែង កំពង់ចាម កំពង់ឆ្នាំង និងស្វាយរៀងជាដើម មិនសូវមានទេសចរខ្មែរទៅទស្សនានោះឡើយ ពីព្រោះនៅក្នុងខេត្តទាំងនោះ មិនសម្បូររមណីយដ្ឋាន ហើយម្យ៉ាងទៀត អាជ្ញាធរខេត្តមិនបានរៀបចំកម្មវិធីកម្សាន្តនានា សម្រាប់ប្រជាជនសប្បាយក្នុងពេលបុណ្យម្តងៗឡើយ។
ប្រធានសមាគមទីភ្នាក់ងារទេសចរណ៍កម្ពុជា លោក អាង គឹមអ៊ាង ស្នើអាជ្ញាធរនៅតាមខេត្តទាំងនោះ គួររៀបចំកម្មវិធីកម្សាន្តនានានៅពេលមានពិធីបុណ្យធំៗ ដើម្បីទាក់ទាញពលរដ្ឋឲ្យទស្សនា ។ « ខ្ញុំគិតថា ប្រសិនបើអាជ្ញាធរគាត់រៀបចំកម្មវិធីកម្សាន្តក្នុងពេលបុណ្យសំខាន់ៗ ដូចជាបុណ្យចូលឆ្នាំខ្មែរ ចូលឆ្នាំសកល ជាដើម មិនចំណាយអស់បុន្មាននោះទេ។ កម្មវិធីទាំងនោះ ដូចជា ការប្រគុំតន្ត្រីសម័យ -បុរាណ ល្ខោនបាសាក់ ល្បែងប្រជាប្រិយខ្មែរ វាអាចទាក់ទាញភ្ញៀវទេសចរខ្មែរ ឬពលរដ្ឋនៅក្នុងខេត្តដែលមិនសូវមានរមណីយដ្ឋាននោះ បានទស្សនារីករាយ ជាជាងពួកគាត់នាំគ្នាទៅកម្សាន្តនៅខេត្តរមណីយដ្ឋានផ្សេងទៀត ដែលឆ្ងាយពីខេត្តរបស់ពួកគាត់។ ម្យ៉ាងទៀត ការធ្វើបែបនេះ ក៏អាចកាត់បន្ថយគ្រោះថ្នាក់ចរណ៍ខ្លះបានដែរ ព្រោះប្រជាជនមិនធ្វើដំណើរឆ្ងាយ» ។ នេះជាអ្វីដែលលោក អាង គឹមអ៊ាង បញ្ជាក់ប្រាប់សារព័ត៌មានថ្មីៗ ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
