អន្តរជាតិ
×![]()
ក្នុងរយៈពេលពេញមួយឆ្នាំ ២០១៤ ចំនួនមនុស្សស្លាប់ដោយសារគ្រោះថ្នាក់ធ្លាក់យន្តហោះបើគិតទាំង ការធ្លាក់យន្តហោះ AirAsia កាលពីពេលថ្មីៗនេះទៀត គឺបានកើនឡើងដល់ ១២១២ នាក់ក្នុងចំណោមមនុស្សធ្វើដំណើរសរុបជាង៣៣០០ លាននាក់។នេះពើយោងតាម Dailymail។
ប្រភពដដែលក៏បានឲ្យដឹងថា ចំនួនមនុស្សស្លាប់ដោយសារគ្រោះថ្នាក់ធ្លាក់យន្តហោះ នៅក្នុងឆ្នាំ២០១៤ នេះ គឺមានចំនួនច្រើនមិនធ្លាប់មានក្នុងរយៈពេលមួយទសវត្សរ៍កន្លងមកនេះ ដោយមានយន្តហោះសរុបចំនួន ១១១ គ្រឿងបានធ្លាក់នៅទូទាំងពិភពលោក។ ខណៈពេលដែលចំនួនមនុស្សស្លាប់ដោយការធ្លាក់យន្តហោះកាលពីឆ្នាំ ២០១៣ គឺមានតែចំនួន ២៦៥ នាក់តែប៉ុណ្ណោះ។
ចំនួនមនុស្សស្លាប់ពីការធ្លាក់យន្តហោះយ៉ាងច្រើននេះ គឺបណ្ដាលមកពីឧប្បត្តិហេតុពីរករណីរបស់ក្រុមហ៊ុនអាកាសចរណ៍ម៉ាឡេស៊ីដែលមួយគ្រឿងត្រូវគេបាញ់ទម្លាក់នៅភាគខាងកើតអ៊ុយក្រែននិងមួយគ្រឿងទៀតបានធ្លាក់នៅក្នុងមហាសមុទ្រឥណ្ឌានាំឱ្យមានមនុស្សស្លាប់៥៣៧នាក់។
នៅក្នុងប្រវត្តិសាស្ត្រនៃការដឹកជញ្ជូនតាមផ្លូវអាកាស គ្រោះថ្នាក់ដែលបណ្ដាលឲ្យមនុស្សស្លាប់ច្រើនជាងគេបំផុត គឺនៅឆ្នាំ ១៩៧២ ដែលពេលនោះ មានមនុស្សចំនួន ២៤២៩ នាក់បានស្លាប់ ដោយសារការធ្លាក់យន្តហោះ ៥៥ គ្រឿង។
ការដឹកជញ្ជូនតាមផ្លូវអាកាសបានបង្កើតការងារដល់មនុស្ស ចំនួនជាង ៦០ លាននាក់ និងបានរួមចំណែកក្នុងសេដ្ឋកិច្ចពិភពលោក ជាង ២,២ លានលានដុល្លារផងដែរ។ខណៈពេលដែលអ្នកស្លាប់ដោយគ្រោះថ្នាក់ចរាចរណ៍លើផ្លូវថ្នល់ មានរហូតជាង ២ លាននាក់ ដែលបានធ្វើឲ្យខាតបង់ទ្រព្យសម្បត្តិពិភពលោកសរុបជា ១០០ ពាន់លានដុល្លាក្នុងមួយឆ្នាំ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
