សង្គមអន្តរជាតិ
អន្តរជាតិ
×![]()
មានបុគ្គលខ្លះបានចាត់ទុកថា ឆ្នាំ ២០១៤ គឺជាឆ្នាំដ៏ល្អបំផុតមួយ ដែលពួកគេបានឃើញអ្វីដែលថ្មីៗ ទាំង ក្នុងវិស័យនយោបាយ ការប្រយុទ្ធជំងឺឆ្លង ការរីកចម្រើននៃបច្ចេកវិទ្យា និងផ្នែកសុខាភិបាលជាដើម។ ហេតុការណ៍ខ្លះ បានមនុស្សម្នាទូទាំងពិភពលោក បានចាប់អារម្មណ៍និងបានស្គាល់បុគ្គលមួយចំនួន នៅក្នុងពេលដែលមានអ្វីថ្មីមួយបានកើតឡើង។
គេហទំព័រ businessinsiderបានរាប់បញ្ចូលបុគ្គលមួយចំនួនដែលធ្វើឲ្យគេចាប់អារម្មណ៍បំផុតនៅក្នុងឆ្នាំ ២០១៤ ន ដែលបុគ្គលទាំងនោះរួមមាន៖
១ នាយករដ្ឋមន្ត្រីថ្មី របស់ប្រទេសឥណ្ឌា លោក NarendraModi៖ លោកត្រូវបានគេស្គាល់នៅពេលដែលលោក ជាប់ឆ្នោតជានាយករដ្ឋមន្ត្រីរបស់ប្រទេសប្រជាធិបតេយ្យធំជាងគេនៅលើពិភពលោកមួយនេះ កាលពីខែឧសភា ។
២ សហស្ថាបនិកក្រុមហ៊ុន Appleលោក Tim Cook ៖ លោកត្រូវបានមហាជននៅទូទាំងពិភពលោកចាប់អារម្មណ៍រូបលោកជាខ្លាំងនៅថ្ងៃដែលលោកប្រកាសបង្ហាញផលិតផលថ្មីរបស់ក្រុមហ៊ុន គឺ នាឡិកា Apple Watch ទូរសព្ទ iPhone 6 និង iPhone 6 Plus កាលពីខែកញ្ញា។
៣ អធិកាបតីអាឡឺម៉ង់ លោកស្រី Angela Merkel ៖ លោកស្រីបានល្បីឈ្មោះជាថ្មីម្ដងទៀត នៅពេលដែលទស្សនាវដ្ដី Forbes អាមេរិក បានចាត់ថ្នាក់លោកស្រីជាមនុស្សស្រីដែលមានអំណាចបំផុតក្នុងពិភពលោក រយៈពេល ៤ ឆ្នាំជាប់ៗគ្នា។
៤ លោកវេជ្ជបណ្ឌិតSheik Humarr Khan ៖ លោកត្រូវបានគេស្គាល់នៅពេលដែលលោកបានក្លាយជាអ្នកដឹកនាំក្នុងការប្រយុទ្ធនឹងជំងឺឆ្លងអេបូឡា ដ៏កាចសាហាវដែលបានវាយឡុកនៅក្នុងតំបន់អាហ្វ្រិក ហើយលោកត្រូវបានទស្សនាវដ្ដី Time Magazine ចាត់ទុកជាវីរបុរសប្រចាំឆ្នាំ។
៥ មហាសេដ្ឋីចិន លោក Jack Ma ៖ លោកត្រូវបានគេស្គាល់នៅពេលដែល ក្រុមហ៊ុនផ្សារលក់ទំនិញតាមអនឡាញ Alibabaបានដាក់លក់ភាគហ៊ុនក្នុងទីផ្សារហ៊ុនអាមេរិក ក្នុងតម្លៃ ២៥ ពាន់លានដុល្លារ។ ក្នុងពេលជាមួយគ្នានោះ តម្លៃភាគហ៊ុនរបស់ក្រុមហ៊ុនលោក បានកើនឡើងជាបន្តបន្ទាប់ ដែលបានធ្វើឲ្យលោកដែលជាម្ចាស់ភាគហ៊ុនធំ ក្លាយជាមហាសេដ្ឋីទី១ នៅក្នុងប្រទេសចិន។
៦ លោកស្រី Maryam Mirzakhani ៖លោកស្រីត្រូវបានគេស្គាល់នៅពេលដែលលោកស្រី បានក្លាយជាស្ត្រីទី១ ដែលឈ្នះពានរង្វាន់ណូបែល ផ្នែកគណិតវិទ្យា ជាលើកដំបូងក្នុងប្រវត្តិសាស្ត្រ។
៧ នាយកប្រតិបត្តិថ្មីរបស់ក្រុមហ៊ុន Microsostលោក SatyaNadella៖ លោកត្រូវបានគេស្គាល់និងចាប់អាមរម្មណ៍ នៅពេលដែលលោកបានឡើងកាន់កាប់តំណែងជានាយកប្រតិបត្តិថ្មីរបស់ក្រុមហ៊ុន បន្តពីលោក Bill Gates កាលពីខែកុម្ភៈ ។
៨ កុមារីប៉ាគីស្ថាន Malalayousafzai ៖ នាងត្រូវបានគេស្គាល់ថា គឺជាបេក្ខភាពឈ្នះពានរង្វាន់ណូបែលសន្តិភាពវ័យក្មេងជាងគេបំផុតក្នុងប្រវត្តិសាស្ត្រ ក្នុងវ័យ ១៧ ឆ្នាំ។
៩ មេដឹកនាំក្រុមបាតុករទីក្រុងហុងកុង លោក Joshua Wong៖ ក្នុងវ័យ ១៨ ឆ្នាំ លោកគឺជាមេដឹកនាំបាតុករវ័យក្មេងដ៏លេចធ្លោរម្នាក់ ត្រូវបានពិភពលោកចាប់អារម្មណ៍ជាខ្លាំង ដោយសារតែយុវជនរូបនេះ ហ៊ានដឹកនាំក្រុមយុវជនតវ៉ាទាមទារឲ្យមានលទ្ធប្រជាធិបតេយ្យពេញលេញ ក្នុងទីក្រុងហុងកុង ពីមេដឹកនាំប្រទេសចិន៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
