អន្តរជាតិ
នយោបាយអន្តរជាតិ
មនុស្សជាង១លាននាក់ត្រៀមទស្សនាកាំជ្រួចបីម៉ឺនដើមនិងCountdown នៅអូស្ត្រាលី
×![]()
ប្រជាជនជាងមួយលាននាក់កំពុងត្រៀមខ្លួនដើម្បីរាប់ថយក្រោយនៅថ្ងៃឆ្លងឆ្នាំថ្មីស្វាគមន៍ឆ្នាំ២០១៥និងទស្សនាការបាញ់កាំជ្រួចរាប់ម៉ឺនគ្រាប់នៅក្នុងទីក្រុងស៊ីដនីប្រទេសអូស្ត្រាលី។ស្របនិងថ្ងៃឆ្លងឆ្នាំនេះដែរអាជ្ញាធរបានដាក់បម្រាមមិនអោយប្រជាជនសេពគ្រឿងស្រវឹងដើម្បីបញ្ជៀសនូវអំពើហិង្សានិងធានាអោយបានសុវត្ថិភាពរបស់អ្នកចូលរួមទាំងអស់។
នៅថ្ងៃទី៣១ធ្នូនេះអាជ្ញាធរទីក្រុងស៊ីដនីប្រកាសថាយ៉ាងហោចណាស់មានប្រជាជនជាងមួយលាននាក់នឹងចូលរួមប្រារព្ធពិធីឆ្លងឆ្នាំនៅក្នុងទីក្រុងស៊ីដនីប្រទេសអូស្ត្រាលី។ជាមួយគ្នានេះផងដែរអាជ្ញាធរក៏បានធ្វើការព្រមាន និងដាក់បម្រាមមិនអោយប្រជាជនសេពគ្រឿងស្រវឹងនោះទេព្រោះដើម្បីបញ្ជៀសនូវអំពើហិង្សានិងធានាសុវត្ថិភាពដល់អ្នកចូលរួមទាំងអស់នៅក្នុងថ្ងៃឆ្លងឆ្នាំនេះ។
កាំជ្រួចជាងបីម៉ឺនគ្រាប់ដែលត្រូវបានត្រៀមទុកនិងផលិតអស់រយៈពេលបីខែនឹងត្រូវបង្ហាញនៅក្នុងថ្ងៃឆ្លងឆ្នាំថ្មីឆ្នាំ ២០១៤ចូលដល់ឆ្នាំ២០១៥ដើម្បីស្វាគមន៍ឆ្នាំថ្មីនិងលម្អទីក្រុងស៊ីដនី។ដោយឡែកសម្រាប់ការដាក់បម្រាមមិនបានអនុញ្ញាតអោយសេពគ្រឿងស្រវឹងនៅថ្ងៃឆ្លងឆ្នាំជាលើកទីមួយហើយដែលអាជ្ញាធរអូស្ត្រាលីបានអនុវត្តព្រោះដោយសារបញ្ហាសន្តិសុខនិងសុវត្ថិភាពគឺជាបញ្ហាសំខាន់បំផុតដែលអាជ្ញាធរអូស្ត្រាលីត្រូវធ្វើជាពិសេសនោះក្រោយពីមានការចាប់ចំណាប់ខ្មាំងកាលពីថ្មីៗកន្លងទៅនេះ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
