អន្តរជាតិ
នយោបាយអន្តរជាតិ
×![]()
ឆ្នាំ ២០១៤ ព្រឹត្តិការណ៍សំខាន់ៗច្រើនបានកើតមានឡើងនៅទូទាំងពិភពលោក ជាពិសេសនៅតំបន់អាស៊ី និងតំបន់អឺរ៉ុប។ ថ្ងៃនេះសារព័ត៌មានថ្មីៗសូមសរុបព្រឹត្តការណ៍សំខាន់ទាំងនោះដូចខាងក្រោយ៖
+រុស្ស៊ីក្រសោបយកទឹកដី Crimea ពីអ៊ុយក្រែននៅក្នុងខែមិនា ក្រោយពីបញ្ជូនទ័ពនិងជួយរៀបចំប្រជាមតិផ្តាច់ខ្លួននៅតំបន់នេះ។
+ក្រុមភេរវជនរដ្ឋឥស្លាមប្រកាសបង្កើតរដ្ឋឥស្លាមមួយនៅទឹកដីស៊ីរី និងអ៊ីរ៉ាក់ហើយក្រុមនេះបានកាត់កអ្នកសារព័ត៌មានអាមេរិកបីនាក់ ដែលនេះជំរុញអោយអាមេរិកធ្វើសង្គ្រាមផ្លូវអាកាសប្រឆាំងក្រុមភេរវជននេះនៅក្នុងទឹកដីស៊ីរី និងអ៊ីរ៉ាក់ និងដឹកនាំសម្ព័ន្ធអន្តរជាតិតាមប្រមាញ់ក្រុមភេរវជននេះ។
+ ពិភពលោកទាំងមូលតក់ស្លុតដោយសារការផ្ទុះនិងរីករាលដលនៃមេរោគកាចសាហាវអេបូឡា នៅអាហ្វ្រិកខាងលិចមានសេរ៉ាឡេអូន លីបេរីយ៉ា និងហ្គីណេក្នុងខែមិនា។
+ លោក នារិន្ទ្រា ម៉ូឌី ត្រូវបានប្រជាជនឥណ្ឌាបោះឆ្នោតគាំទ្រអោយឡើងកាន់តំណែងជានាយករដ្ឋមន្ត្រីឥណ្ឌានៅក្នុងខែឧសភា។
+ ជម្លោះបង្ហូរឈាមនៅតំបន់ កាហ្សាកើតមានឡើងដោយកងកម្លាំងអ៊ីស្រាអែលបើកការវាយប្រហារផ្លូវអាកាសប្រឆាំងក្រុមហាម៉ាសក្នុងខែកក្កដា។ ប្រជាជនស៊ីវិលយ៉ាងហោចណាស់២ពាន់នាក់ត្រូវបានសម្លាប់។
+កិច្ចចរចាកម្មវិធីនុយក្លេអ៊ែរអ៊ីរ៉ង់និងក្រុមមហាអំណាចក្រុមប្រឹក្សាសន្តិសុខ៥ បូកអាល្លឺម៉ង់ ជាប់គាំងគ្មានផ្លែផ្ការឡើយ។
+ប្រជាជនស្កុតឡេនបានរៀបចំប្រជាមតិចាកចេញពីចក្រភពអង់គ្លេស ប៉ុន្តែលទ្ធផលបង្ហាញថាចំនួនអ្នកគាំទ្រការចាកចេញតិចជាងអ្នកគាំទ្រការបន្តស្ថិតនៅជាផ្នែកនៃចក្រភពអង់គ្លេស។
+ តម្លៃប្រេងឆៅនៅលើទីផ្សារធ្លាក់ចុះយ៉ាងគំហុកដោយសារការបង្កើនការផលិតប្រេងច្រើនលើសកំណត់។
+ ០៨មិនាឆ្នាំ២០១៤យន្តហោះMH ៣៧០ដែលមានផ្ទុកអ្នកដំណើរ២៣៩នាក់ដែលធ្វើការហោះហើរពីទីក្រុងកូឡាឡាំពួរប្រទេសម៉ាឡេស៊ីទៅទីក្រុងប៉េកាំងប្រទេសចិនបានបាត់ការទាក់ទងដោយមិនទាន់បានរកឃើញនៅឡើយនោះទេមកដល់បច្ចុប្បន្ន។
+ ១៦មេសាឆ្នាំ២០១៤នាវាដឹកអ្នកដំណើរនៅកូរ៉េខាងត្បូងបានលិចដែលផ្ទុកអ្នកដំណើរសរុប៤៧៦នាក់ក្នុងមាន៣០៤នាក់បានស្លាប់ដែលភាគច្រើនជានិស្សិត។
+ ១៤ឧសភាឆ្នាំ២០១៤ប្រជាជនវៀតណាមរាប់ពាន់នាក់បានធ្វើកុបកម្មប្រឆាំងនិងចិនក្រោយពីមានការប៉ះទង្គិចគ្នារវាងកងទាហានល្បាតរបស់ចិននិងវៀតណាមនៅតំបន់សមុទ្រចិនខាងត្បូងដោយបានបំផ្លាញរោងចក្ររបស់ចិនជាច្រើនដែលទីតាំងនៅក្នុងប្រទេសវៀតណាម។
+ ២២ឧសភាឆ្នាំ២០១៤មានរដ្ឋប្រហារយោធាទម្លាក់អតីតនាយករដ្ឋមន្ត្រីថៃលោកស្រីយីងឡាក់ស៊ីនណាវ៉ាតត្រាដែលដឹកនាំដោយឧត្តមសេនីយ៍យោធាប្រាយុទ្ធចាន់អូចា (នាយករដ្ឋមន្ត្រីថៃបច្ចុប្បន្ន)។
+ ២២កក្កដា ឆ្នាំ ២០១៤ នៅប្រទេសកម្ពុជា គណបក្សសង្គ្រោះជាតិ ដែលជាគណបក្សប្រឆាំងបានព្រមព្រៀង ជាមួយគណបក្សប្រជាជនដែលកំពុងកាន់អំណាច ក្នុងការចូលសភាក្រោយពីពហិការ ក្នុងសភាចាប់តាំងពី មានវិបត្តនយោបាយ ហើយបានដឹកនាំបាតុកម្មជាច្រើនលើកក្រោយពីការបោះឆ្នោតជាសកលឆ្នាំ២០១។
+ ២៦កញ្ញាឆ្នាំ២០១៤ប្រជាជននៅក្នុងទីក្រុងហុងកុងប្រទេសចិនបានចាប់ផ្តើមធ្វើការតវ៉ាទាមទារឯករាជ្យភាពនៅក្នុងតំបន់នោះ(បញ្ហានេះមិនទាន់បានបញ្ចប់នៅឡើយនោះទេ)។
+ ២០តុលា២០១៤លោកចូកូវីដូដូ (JokoWidodo) ឡើងកាន់តំណែងជាប្រធានាធិបតីរបស់ឥណ្ឌូនេស៊ីបន្ទាប់ពីអតីតប្រធានធិបតីឥណ្ឌូនេស៊ីសូស៊ីឡូប៉ាមប៉ាងយូដូយ៉ូនូ (SusiloBambangYudhoyono)បញ្ចប់អាណត្តិទី២របស់លោក។
+ ១២, ១៣វិច្ឆិកា២០១៤មីយ៉ាន់ម៉ាបានធ្វើជាប្រធាននៃកិច្ចប្រជុំកំពូលលើកទី២៥របស់អាស៊ានជាលើកដំបូងក្រោយពីបានក្លាយជាសមាជិកពេញអង្គរបស់អាស៊ានតាំងពីឆ្នាំ១៩៩។
+ ០៦ធ្នូ២០១៤មានព្យុះទីហ្វុងហៃយ៉ាន់នៅក្នុងប្រទេសហ្វីលីពីនដែលបានប៉ះពាល់ដល់ប្រជាជនហ្វីលីពីនពាក់កណ្តាលប្រទេស។
+ ២៤ធ្នូ២០១៤លោកនាយករដ្ឋមន្ត្រីជប៉ុនស៊ិនហ្សូអាបេឡើងកាន់តំណែងជានាយករដ្ឋមន្ត្រីជប៉ុនម្តងទៀតក្រោយពីមានការបោះឆ្នោតជាសកលរបស់ជប៉ុននៅថ្ងៃ១៤ធ្នូ២០១។
+ 28 ធ្នូ២០១៤យន្តហោះក្រុមហ៊ុនAir Asia ដែលផ្ទុកអ្នកដំណើរសរុប១៦២នាក់ដែលធ្វើការហោះហើរពីប្រទេសឥណ្ឌូនេស៊ីទៅកាន់ប្រទេសសិង្ហបុរីបានបាត់ការទាក់ទងដែលត្រូវបានសន្និដ្ឋានថាបានធ្លាក់ទៅក្នុងបាតសមុទ្រ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
