អន្តរជាតិ
នយោបាយអន្តរជាតិ
បញ្ហាពិភពលោកអ្វីខ្លះដែលរដ្ឋបាលអូបាម៉ាព្យាយាមដោះស្រាយក្នុងឆ្នាំ២០១៤?
×![]()
ដោយ: ថ្មីៗ
សហរដ្ឋអាមេរិកជាប្រទេសមហាអំណាចពិភពលោកមួយដែលដើរតួនាទីសំខាន់ក្នុងការរក្សាសន្តិសុខ ស្ថិរភាព និងសន្តិភាពពិភពលោក។ ប្រទេសនេះខិតខំប្រឹងប្រែងដោះស្រាយវិបត្តិទាំងនោះអោយបានជោគជ័យ។យ៉ងណាក៏ដោយឆ្នាំ ២០១៤ជិតផុតទៅហើយប៉ុន្តែបញ្ហាជាច្រើនដែលកើតឡើងក្នុងពិភពលោក (កើតមុនឆ្នាំ ២០១៤ និងបញ្ហាកើតក្នុងឆ្នាំ ២០១៤) នៅមិនទាន់បានដោះស្រាយចប់សព្វគ្រប់នៅឡើយទេ។ បញ្ហាជាច្រើននៅតែកង្វល់សម្រាប់សហគមន៍អន្តរជាតិនៅឡើយ ដ្បិដវាបានបង្ករអោយមានបញ្ហាអសន្តិសុខនិង អស្ថិរភាពនៅក្នុងពិភពលោកទាំងមូល។
-ទីមួយវិបត្តិនយោបាយក្នុងប្រទេសអ៊ុយក្រែន។ អាមេរិកខ្វាយខ្វាយពីវិបត្តិនៅអ៊ុយក្រែនខ្លាំងចាប់តាំងពីវិបត្តិនេះផ្ទុះឡើងដើមឆ្នាំ ២០១៤ដោយមានការផ្តួលរលំរបដឹកនាំស្និទ្ធរុស្ស៊ី Viktor Yanukovychនិងការក្រសោបយកទឹកដី Crimea ដោយរុស្ស៊ីកាលពីខែមិនាកន្លងមកនេះ។ បច្ចុប្បន្នវិបត្តិនេះមិនទាន់បញ្ចប់ឡើយទោះជាវាបានឆកអាយុជីវិតប្រជាជនស្លូតត្រង់រាប់ពាន់នាក់ក៏ដោយក្តី អាមេរិកនិងសហភាពអឺរ៉ុបនៅបន្តដាក់ទណ្ឌកម្មប្រឆាំងរុស្ស៊ី ហើយភាពតានតឹងនិងប្រឈមមុខគ្នាផ្នែកនៅតែបន្តកើតឡើង។
ទីពីរគឺវិបត្តិនៅមជ្ឈិមបូព៌ា៖ សហរដ្ឋអាមេរិកដើរតួនាទីសំខាន់ និងសកម្មជាងគេក្នុងតំបន់មជ្ឈិមបូព៌ា ប៉ុន្តែយ៉ាងណាក៏ដោយវិបត្តិ សង្គ្រាមស៊ីវិល អស្ថិរភាព នៅទីនោះនៅបន្តកើតឡើងឥតឈប់ ហើយអាមេរិកក៏ហាក់បីដូចជាមិនមានលទ្ធភាពគ្រប់គ្រាន់ក្នុងការដោះស្រាយបញ្ហានេះដែរ។ វិបត្តិទាំងនោះបន្តកើតឡើងតាំងពីផ្ទុះចលនាបដិវត្តន៍និទាឃរដូវនៅអារ៉ាប់ ឆ្លងពីយ៉េមែន ទុយណេស៊ី លីប៊ី ស៊ីរី អ៊ីរ៉ាក់ អេហ្ស៊ីប ជាដើម។ បណ្តាប្រទេសទាំងនោះនៅប្រឈមមុខជាមួយបញ្ហាអស្ថិរភាពនយោបាយ ចលនាក្រុមឧទ្ទាម ចលនាភេរវជន និងវិបត្តិសេដ្ឋកិច្ច ដែលវាទាមទារអោយមានការយកចិត្តទុកដាក់និងផ្តល់ដំណោះស្រាយពីសហគមន៍អន្តរជាតិ។
-វិបត្តិមួយដ៏ធំផ្សេងទៀតនៅតំបន់មជ្ឈិមបូព៌ាដែរនោះគឺ ចលនាក្រុមភេរវជនរដ្ឋឥស្លាម ដែលប្រកាសរដ្ឋឥស្លាមនៅស៊ីរី និងអ៊ីរ៉ាក់ ។ ក្រុមភេរវជនរដ្ឋឥស្លាមនេះបន្តសកម្មភាពព្រៃផ្សៃនិងមនោគមន៍វិទ្យាជ្រុលនិយមរបស់ខ្លួនដោយសម្លាប់រង្គាលកងកម្លាំងសន្តិសុខ ជនស៊ីវិល អ្នកកាសែត ស្ត្រីកុមាររាប់ពាន់នាក់ និងបន្តយុទ្ធនាការប្រឆាំងលោកខាងលិច។ បញ្ហានេះកំពុងធ្វើអោយពិភពលោក ជាពិសេសសហរដ្ឋអាមេរិកព្រួយបារម្ភខ្លាំង ដោយសារតែក្រុមភេរវជននេះខ្លាំង មានកងកម្លាំងច្រើន និងមានទ្រព្យធនច្រើនសន្ធឹកសន្ធាប់។ បើទោះជាសហរដ្ឋអាមេរិក និងសម្ព័ន្ធមិត្តកំពុងតាមប្រមាញ់ក្រុមនេះដោយសង្គ្រាមផ្លូវអាកាសក៏ដោយ ក៏គេឃើញថាវាជាវិធានការគ្មានប្រសិទ្ធភាពឡើយ។
-វិបត្តិនៅអាហ្វ្រិក៖ នៅតំបន់អាហ្វ្រិកនិយាយទៅមានបញ្ហាកើតឡើងរាប់មិនអស់។ វិបត្តិមេរោគកាចសាហាវអេបូឡាផ្ទុះឡើងនៅអាហ្វ្រិកខាងលិច បញ្ហាអស្ថិរភាព និងសង្គ្រាមស៊ីវិលនៅស៊ូដង់ខាងត្បូង អាហ្វ្រិកកណ្តាល បញ្ហាភេរវកម្ម នៅនីហ្សេរីយ៉ា កេនយ៉ា និងនៅប្រទេសសូម៉ាលី។
-វិបត្តិនៅអាស៊ីប៉ាស៊ីហ្វិក៖ និយាយពីតំបន់អាស៊ីប៉ាស៊ីហ្វិក បញ្ហាក៏កើតឡើងច្រើនដែរ ហើយអាមេរិកដែលកំពុងពង្រឹងតួនាទីរបស់ខ្លួនក្នុងតំបន់អាស៊ីនោះក៏ព្យាយាមដោះស្រាយបញ្ហាទាំងនោះដែរ។ បញ្ហាសំខាន់នៅតំបន់អាស៊ីប៉ាស៊ីហ្វិក ជាពិសេសជម្លោះដែនសមុទ្រក្នុងសមុទ្រចិនខាងត្បូង និងសមុទ្រចិនខាងកើត។ ជម្លោះសមុទ្រចិនខាងត្បូងលើប្រជុំកោះ ស្ព្រាត់លី និងផារ៉ាសែល ដែលមានភាគីជម្លោះច្រើនរួមមានចិន តៃវ៉ាន់ ម៉ាឡេស៊ី ហ្វីលីពីន វៀតណាម ប្រ៊ុយណេ នៅតែជាបញ្ហាគួរអោយព្រួយបារម្ភ និងធ្វើអោយមានបញ្ហាតានតឹងនិងអស្ថិរភាពជាញឹកញយ។ ម្យ៉ាងទៀតជម្លោះដែនកោះសេនកាគូ ឬទាវយូរ នៅសមុទ្រចិនខាងកើតរវាងចិននិងជប៉ុនក៏ជាបញ្ហារសើបនិងក្តៅដូចគ្នាដែរ។ ចំណែកបញ្ហាក្តៅផ្សេងទៀតនៅតំបន់នេះ មានទាំងជម្លោះដែនដីរវាងឥណ្ឌា ប៉ាគីស្ថាន បញ្ហាភេរវកម្មនៅប៉ាគីស្ថាន និងអាហ្វហ្កានីស្ថានជាដើម៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
