អន្តរជាតិ
នយោបាយអន្តរជាតិ
មេដឹកនាំបក្សប្រឆាំងមីយ៉ាន់ម៉ាស្នើឲ្យរដ្ឋាភិបាលធានាការបោះឆ្នោត
× មេដឹកនាំបក្សប្រឆាំងមីយ៉ាន់ម៉ាលោកស្រីអ៊ុងសានស៊ូជីបានស្នើរអោយរដ្ឋាភិបាលមីយ៉ាន់ម៉ាធានាអោយបាននូវភាពពិតប្រាកដនិងតម្លាភាពនៅក្នុងការបោះឆ្នោតឆ្នាំ២០១៥ខាងមុខនេះ។ការស្នើរនេះ ធ្វើឡើងក្រោយពីការកែប្រែរដ្ឋធម្មនុញ្ញមិនត្រូវបានអនុម័តដោយសភាមីយ៉ាន់ម៉ា ដើម្បីអនុញ្ញាតអោយលោកស្រី អាចឈរជាបេក្ខភាពប្រធានាធិតីបាន។
មេដឹកនាំបក្សប្រឆាំងមីយ៉ាន់ម៉ាលោកស្រីអ៊ុងសានស៊ូជីបានស្នើរអោយរដ្ឋាភិបាលមីយ៉ាន់ម៉ាធានាអោយនូវភាពសិទ្ធិសេរីភាពភាពត្រឹមត្រូវនិងតម្លាភាពនៃការបោះឆ្នោតឆ្នាំ២០១៥ខាងមុខនេះ។ការស្នើរនេះធ្វើឡើងក្រោយពីការស្នើសុំកែប្រែរដ្ឋធម្មនុញ្ញមិនត្រូវបានអនុម័តដោយសភាមីយ៉ាន់ម៉ាដើម្បីផ្តល់លទ្ធភាពអោយលោកស្រីអាចឈរជាបេក្ខភាពប្រធានាធិតីបាន។
ការបោះឆ្នោតជាសកលរបស់មីយ៉ាន់ម៉ានឹងប្រព្រឹត្តឡើងនៅក្នុងឆ្នាំ២០១៥ប៉ុន្តែកាលបរិច្ឆេទមិនទាន់បានកំណត់ច្បាស់លាស់នោះទេ។ក្នុងនោះដោយសារតែភាពមិនច្បាស់លាស់នេះបានធ្វើអោយមេបក្សប្រឆាំងបានរិះគន់ថាវាហាក់ដូចជាលឿនពេកសម្រាប់ការបោះឆ្នោតឆ្នាំ២០១៥ព្រោះដោយសារតែបញ្ហានៃការកែប្រែរដ្ឋធម្មនុញ្ញមិនទាន់បានដោះស្រាយនៅឡើយទេ។
យ៉ាងណាមិញលោកស្រីស៊ូជីបានបញ្ជាក់ថាលោកស្រីមិនអាចទស្សន៍ទាយថាតើនឹងមានអ្វីកើតឡើងនោះទេ។ប៉ុន្តែក្នុងនាមជាអ្នកនយោបាយម្នាក់យើងអាចវាយតម្លៃពីស្ថានភាពនយោបាយបច្ចុប្បន្ននិងពេលខាងមុខរបស់មីយ៉ាន់ម៉ាហើយវានឹងមិនមានការប្រែប្រួលនោះទេប្រសិនបើរដ្ឋាភិបាលមិនធ្វើការកែទម្រង់អោយលក្ខណៈស៊ីជម្រៅ។ទោះបីយ៉ាងណាក៏ដោយរឿងនយោបាយមិនភាពទៀងទាត់នោះទេព្រោះវាឈរលើឆន្ទៈរបស់អ្នកនយោបាយ។
ជាមួយគ្នានេះ លោកស្រីបន្ថែមទៀតថា គណបក្សសម្ពន្ធ័ជាតិដើម្បីប្រជាធិបតេយ្យ កំពុងតែរង់ចាំមើលគោលការណ៍និងបទបញ្ជារបស់រដ្ឋាភិបាលមីយ៉ាន់ម៉ាលើកដំបូងដែលដឹកនាំដោយរដ្ឋាភិបាលដែលកើតចេញប្រជាជនស៊ីវិលដែលបានឡើងកាន់តំណែងតាំងពីឆ្នាំ២០១១ក្នុងការចាត់វិធានការលើការបោះឆ្នោតឆ្នាំ២០១៥។
គួរបញ្ជាក់ផងលោកស្រីអ៊ុ ងសានស៊ូជីមិនត្រូវបានអនុញ្ញាតអោយឈរឈ្មោះជាបេក្ខជនប្រធានាធិបតីបានទេព្រោះដោយសារតែមាត្រា៥៩នៃរដ្ឋធម្មនុញ្ញរបស់មីយ៉ាន់ម៉ាបានហាមមិនអនុញ្ញាតជនណាដែលមានប្តីឬប្រពន្ធដែលជាជនបរបរទេសឈរឈ្មោះហើយបញ្ហានេះបានក្លាយជាបញ្ហាចម្រោងចម្រាសបំផុតនៅក្នុងសភាមីយ៉ាន់ម៉ាផងដែរ៕
© រក្សាសិទ្ធិដោយ thmeythmey.com