សង្គមអន្តរជាតិ
អន្តរជាតិ
មេដឹកនាំរូបណារបស់ប្រទេសអាស៊ានដែលកាន់តំណែងយូរជាងគេ?
×
ជាទូទៅប្រទេសនីមួយៗតែងតែមានប្រពន្ធ័នយោបាយខុសៗគ្នាតួយ៉ាងដូចជាប្រទេសនៅក្នុងស្ថាប័នអាស៊ានមានប្រទេសខ្លះប្រកាន់របបសាធារណរដ្ឋប្រទេសខ្លះប្រកាន់របបរាជានិយមហើយក្នុងនោះមានប្រទេសខ្លះតួអង្គសំខាន់នយោបាយជាប្រមុខរដ្ឋ(ប្រធានាធិបតីឬសេ្តច) រីឯមួយចំនួនទៀតតួអង្គសំខាន់ជាប្រមុខរដ្ឋាភិបាល (នាយករដ្ឋមន្ត្រី)ទៅវិញ។កត្តាទាំងនេះអាស្រ័យទៅលើច្បាប់របស់ប្រទេសទាំងនោះ។
យ៉ាងណាមិញសម្រាប់ប្រទេសអាស៊ានវិញក្នុងរយៈពេលមួយទសវត្សចុងក្រោយនេះមានប្រទេសមួយចំនួនបានផ្លាស់ប្តូរមេដឹកនាំជាបន្តបន្ទាប់រីឯមួយចំនួនមេដឹកនាំគឺនៅដដែលដោយសារតែមិនមានការកំណត់អាណត្តិនៃការដឹកនាំនិងប្រជាប្រិយភាពក៏ដូចជាសមិទ្ធផលក្រោមការដឹកនាំរបស់មេដឹកនាំទាំងនោះ។ខាងក្រោមនេះជាមេដឹកនាំបច្ចុប្បន្នរបស់ប្រទេសនៅក្នុងស្ថាប័នអាស៊ាន៖
១.ព្រះមហាក្សត្រ Hassanal Bolkiah បានឡើងកាន់តំណែងជាប្រមុខរដ្ឋ(សេ្តច)ផង និងប្រមុខរដ្ឋាភិបាល (នាយករដ្ឋមន្ត្រី) ផង តាំងពីឆ្នាំ ១៩៦៨
២. លោកនាយកមន្ត្រី ហ៊ុន សែន បានឡើងកាន់តំណែងជានាយករដ្ឋមន្ត្រីកម្ពុជាតាំងពីឆ្នាំ ១៩៨៥
៣. លោកនាយករដ្ឋមន្ត្រី លី សៀន ឡុង (Lee Hsien Loong) បានឡើងកាន់តំណែងជានាយករដ្ឋមន្ត្រីសិង្ហបុរី តាំងពីឆ្នាំ២០០៤
៤. លោកនាយកមន្ត្រី ង្វៀង តាន់ ឌុង (Nguyen Tan Dung) បានឡើងកាន់តំណែងជានាយករដ្ឋមន្ត្រីវៀតណាមតាំងពីឆ្នាំ ២០០៦
៥. លោកនាយករដ្ឋមន្ត្រី ណាជីប រ៉ាហ្សាក់ (Najib Razak) បានឡើងកាន់តំណែងជានាយករដ្ឋមន្ត្រីរបស់ម៉ាឡេស៊ី ឆ្នាំ២០០៩
៦. លោកនាយករដ្ឋមន្ត្រី ថុងសឹង ថាមម៉ាវង់ (Thongsing Thammavong) បានឡើងកាន់តំណែងជានាយករដ្ឋមន្ត្រីឡាវឆ្នាំ២០១០
៧. លោកប្រធានាធិបតី Benigno "Noynoy" Aquino បានឡើងកាន់តំណែងជាប្រធានាធិបតីហ្វីលីពីន តាំងពីឆ្នាំ២០១០
៨. លោកប្រធានាធិបតីថេនសេន (Thein Sein) បានក្លាយជាប្រធានាធិបតីមីយ៉ាន់ម៉ាតាំងពីឆ្នាំ២០១១
៩. លោកនាយករដ្ឋមន្ត្រីប្រាយុទ្ធចាន់អូចាបានឡើងកាន់តំណែងជានាយករដ្ឋមន្ត្រីថៃដោយរដ្ឋប្រហារយោធាឆ្នាំ២០១៤
១០.លោកប្រធានាធិបតីJoko Widodoបានកាន់តំណែងជាប្រធានាធិបតីរបស់ឥណ្ឌូនេស៊ីនៅអាណត្តិដំបូងឆ្នាំ ២០១៤៕
© រក្សាសិទ្ធិដោយ thmeythmey.com