ជាតិ
សង្គមជាតិ
កម្ពុជា-ជប៉ុន បង្កើតច្បាប់ស្តីពីសេវាកម្មផ្លូវអាកាស
× រដ្ឋមន្ត្រីក្រសួងការបរទេសកម្ពុជា លោក ហោ ណាំហុង និងលោក យូជិ គូម៉ាម៉ារ៉ូ ឯកអគ្គរដ្ឋទូតវិសាមញ្ញ និងពេញសមត្ថភាព និងគណប្រតិភូប្រទេសជប៉ុន បានចុះហត្ថលេខាលើ កិច្ចព្រមព្រៀងសេវាកម្មដឹកជញ្ជូនតាមផ្លូវអាកាសរវាងប្រទេសទាំងពីរ នៅថ្ងៃទី១៤មករានេះ ។
គោលបំណងនៃកិច្ចព្រមព្រៀងនេះ គឺបង្កើតក្របខណ្ឌច្បាប់មួយ ដើម្បីបើកផ្លូវហោះហើររបស់ក្រុមហ៊ុនអាកាសចរប្រទេសទាំងពីរ និងផ្ដល់សិទ្ធិប្រតិបត្តិការហោះហើរ និងបញ្ជាក់ពីដំណោះស្រាយបញ្ហានានា ដូចជា ការលើកលែងពន្ធគយ គោលការណ៍កំណត់ចំណុចដឹកជញ្ជូន និតិវិធីកំណត់តម្លៃយន្តហោះ និងការធានានូវវិធានការគ្រប់គ្រងសុវត្ថិភាព និង សន្តិសុខអាកាសចរជាដើម។
តាមរយៈកិច្ចព្រមព្រៀងនេះ នឹងអនុញ្ញាតឲ្យមាននិរន្តភាព នៃដំណើរការហោះហើរប្រក្រតី និងជំរុញឲ្យមានដំណើរការដោះដូរពាណិជ្ជកម្មរវាងប្រទេសទាំងពីរផងដែរ៕
© រក្សាសិទ្ធិដោយ thmeythmey.com