ជាតិ
អគ្គិសនីកម្ពុជាភ្ជាប់ចរន្តអគ្គិសនី៦១០រៀល បាន៣,១៣៧បន្ទប់
× គិតត្រឹមថ្ងៃទី ១ខែកុម្ភៈ អគ្គិសនីកម្ពុជាបានភ្ជាប់ចរន្តអគ្គិសនី៦១០រៀល ជូនដល់អ្នកប្រើប្រាស់អគ្គិសនី ក្រោម៥០គីឡូវ៉ាត់ម៉ោងក្នុង១ខែ បានចំនួន៣,១៣៧បន្ទប់ហើយ។ នេះបើយោងតាមសេចក្តី ប្រកាសព័ត៌មានរបស់អគ្គិសនីកម្ពុជា នៅថ្ងៃទី២ខែកុម្ភៈនេះ។
បើតាមសេចក្តីប្រកាសព័ត៌មានដដែល យុទ្ធនាការចុះភ្ជាប់ចរន្តអគ្គិសនី៦១០រៀល ជូនអ្នកជួលផ្ទះ និងបន្ទប់ជួលនេះ បានចាប់ផ្តើមតាំងពីថ្ងៃទី២៩ ខែមករា។
ជាមួយគ្នានោះ អគ្គិសនីកម្ពុជា ក៏បានថ្លែងអំណរគុណ ទៅដល់ម្ចាស់ផ្ទះ បន្ទប់ជួល អាជ្ញាធរមូលដ្ឋាន កងកម្លាំងប្រដាប់អាវុធគ្រប់លំដាប់ថ្នាក់ ដែលបានសហការ និងផ្តល់ភាពងាយស្រួលដល់ក្រុមការងាររបស់អគ្គិសនីកម្ពុជា៕
© រក្សាសិទ្ធិដោយ thmeythmey.com