លោក ហ៊ុន សែន ប្រតិកម្មនឹងស្ថាបនិកកិច្ចព្រមព្រៀងទីក្រុងប៉ារីស

ជាតិ

នយោបាយជាតិ

លោក ហ៊ុន សែន ប្រតិកម្មនឹងស្ថាបនិកកិច្ចព្រមព្រៀងទីក្រុងប៉ារីស

26, Feb 2015 , 5:35 pm

រូបភាព

ដោយ:

លោកនាយករដ្ឋមន្ត្រី ហ៊ុន សែន ហាក់អាក់អន់ចិត្តនឹងលោក ហ្ការ៉េត អេវ៉ាន (Gareth Evans) អតីតរដ្ឋមន្ត្រីក្រសួងការបរទេសអូស្ត្រាលី និងជាស្ថាបនិកមួយរូបនៃកិច្ចព្រមព្រៀងទីក្រុងប៉ារីស។ លោក ហ៊ុន សែន ដែលអះអាងថា លោក ហ្ការ៉េត អេវ៉ាន ជាមិត្តរបស់ខ្លួន ធ្លាប់មានអនុស្សាវរីយ៍ច្រើនជាមួយគ្នានោះ ងឿងឆ្ងល់ថា ហេតុអ្វី បានជាមិត្តរបស់លោកម្នាក់នេះ បែរជារិះគន់លោកទៅវិញ? នៅក្នុងសន្និសីទអន្តរជាតិ ស្តីពីវឌ្ឍនភាព បញ្ហាប្រឈម និងកាលានុវត្តភាពនៅតំបន់អាស៊ីប៉ាស៊ីហ្វិក លើកទី១០ នៅសណ្ឋាគារ សូហ្វីតែល នៅថ្ងៃព្រហស្បតិ៍ទី ២៦ ខែ កុម្ភៈនេះ ដែលមានវត្តមានលោក ហ្ការ៉េត អេវ៉ាន ចូលរួមដែរនោះ លោក ហ៊ុន សែន បញ្ជាក់ដូច្នេះថា ៖ « យើងរាប់អានគ្នាតទៅទៀត ឬឈប់រាប់អានគ្នា? ព្រោះរិះគន់ខ្ញុំឆ្នាំទៅ លឺថា ឈប់រាប់អានគ្នា។ អ្នកណាកាត់កាសែតឲ្យលោក ហ្ការ៉េត អេវ៉ាន មើលផង។ លោកមិនសមរិះគន់ខ្ញុំសោះ ព្រោះយើងធ្លាប់មានអនុស្សាវរីយ៍ច្រើនជាមួយគ្នា » ។

ស្តាប់សំឡេង លោក ហ៊ុន សែន

សូមបញ្ជាក់ថា កាលពីថ្ងៃទី ២៧ ខែកុម្ភៈ ឆ្នាំ ២០១៤ កន្លងទៅ វិទ្យុអាស៊ីសេរីជាខេមរភាសា បានចុះផ្សាយអត្ថបទមួយមានចំណងជើងថា «អតីតរដ្ឋមន្ត្រីការបរទេសអូស្ត្រាលីចោទលោក ហ៊ុន សែន ថា ជាមេដឹកនាំពុករលួយស្ទើរផុតលេខ » ។ អត្ថបទរបស់វិទ្យុបរទេសមួយនេះ ដកស្រង់ពីបទនិពន្ធរបស់លោក ហ្ការ៉េត អេវ៉ាត ដែលចុះផ្សាយនៅលើគេហទំព័រទស្សនៈពិភពលោក។ បើតាមវិទ្យុអាស៊ីសេរី លោក ហ្ការ៉េត អេវ៉ាន បានអំពាវនាវឲ្យសហគមន៍អន្តរជាតិ បកអាក្រាតអំពើទាំងនោះដោយចេញមុខ និងឲ្យបើកការស៊ើបអង្កេតទៅលើអំពើរំលោភបំពានទាំងប៉ុន្មានពីសំណាក់ លោក ហ៊ុន សែន និងដៃជើងរបស់ លោក ហ៊ុន សែន។ បទនិពន្ធរបស់លោក ហ្ការ៉េត អេវ៉ាត មួយនេះ ក៏ត្រូវកាសែតភ្នំពេញប៉ុស្តិ៍ដកស្រង់មកចុះផ្សាយផងដែរ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

3 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

4 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

5 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

6 ថ្ងៃ

រវាង «លស់» «លួស» និង «លោះ» មានអត្ថន័យខុសគ្នាដូចម្តេច?

3 ថ្ងៃ

អត្ថបទពេញនិយមបន្ថែម