ពីនេះ ពីនោះ
អ្នកកើតឆ្នាំមមែទំនាយថា៖មនុស្សប្រុស«ស៊យ» មនុស្សស្រី«ហេង»!
× បើជាមនុស្សប្រុសទំនាយថា៖ក្នុងឆ្នាំនេះអ្នកមិនសូវបានស្រួលបួលទេ គឺថាអ្នកត្រូវតែជួបប្រទះនឹងឧបសគ្គជាញឹកញយក្នុងដំណើរ ការធម្មតារបស់អ្នក ប៉ុន្តែអ្នកត្រូវខំតាំងចិត្តពុះពារ ប្រឹងរម្ងាប់ចិត្តទប់ទល់នឹងអធិការណ៍ឲ្យមែនទែន ហើយគួរតាំងចិត្តធ្វើការងារ ឬកិច្ចការណាដោយសេចក្តីឧស្សាហ៍និងស្វាហាប់ ទីចុងបំផុតអ្នកខំបំពេញឲ្យបានអង់អាចជានិច្ច។ បើអ្នកធ្វើយ៉ាងនេះបានទើបអ្នកបានជោគជ័យគ្រាន់បើឡើងវិញក្នុងរវាងឆ្នាំនេះ។
បើជាមនុស្សស្រីទំនាយថា៖ក្នុងឆ្នាំនេះ នឹងមានផលល្អប្រសើរណាស់ បានលាភធំ តែមុននឹងកើតលាភ ផលត្រូវបាត់បង់ទ្រព្យរបស់ជាមុនសិនដែរ ហេតុនេះត្រូវប្រុងប្រយ័ត្នខ្លួនបន្តិច ដោយត្រូវចោរកម្មវាបំណងទុក បន្ទាប់ពីនោះទៅអ្នកត្រូវបានទទួលមុខតំណែងថ្មី មាននាទីទទួលខុសត្រូវខ្ពស់ ឯជោគលាភដែលអ្នកត្រូវបាននោះនឹងបានមកពីទីឆ្ងាយតែត្រូវខំរក្សាកាយឲ្យល្អក្រែងមានជំងឺតម្កាត់ខ្លះផង។ ព្រោះជាឆ្នាំដែលហៅថា«ទុក្ខលាភ»បានទុក្ខហើយ ទើបបានលាភមកតាមក្រោយ៕
ប្រភព៖ សៀវភៅមហាសង្ក្រាន្ត ឆ្នាំមមែ សប្តស័ក (ព.ស.២៥៥៩-គ.ស.២០១៥)
© រក្សាសិទ្ធិដោយ thmeythmey.com