ពលរដ្ឋសហគមន៍ត្រពាំងអញ្ចាញ នឹងតវ៉ាទាមទារសំណងបន្ថែមពី ADBនៅថ្ងៃស្អែក

ជាតិ

ពលរដ្ឋសហគមន៍ត្រពាំងអញ្ចាញ នឹងតវ៉ាទាមទារសំណងបន្ថែមពី ADBនៅថ្ងៃស្អែក

21, Jun 2015 , 3:00 pm

រូបភាព

ដោយ: ម៉ៅ សុផា

ប្រជាពលរដ្ឋសហគមន៍ត្រពាំងអញ្ចាញ ចំនួន១៣០ គ្រួសារ នឹងនាំគ្នាតវ៉ាសាជាថ្មី នៅថ្ងៃស្អែកនៅមុខធនាគារអភិវឌ្ឍន៍អាស៊ី ដើម្បីទាមទារសំណង ដែលបណ្តាលពីការប៉ះពាល់នៃគម្រោងស្តារផ្លូវរថភ្លើងរបស់ធនាគារនេះ។ នេះជាការបញ្ជាក់របស់លោកស្រី រស់ បុប្ផា តំណាងសហគមន៍ត្រពាំងអញ្ចាញ។

តំណាងសហគមន៍ត្រពាំងអញ្ចាញ លោកស្រី រស់ បុប្ផា បានមានប្រសាសន៍ថា គម្រោងស្តារផ្លូវរថភ្លើង របស់ធនាគារអភិវឌ្ឍន៍អាស៊ី បានបង្កផលប៉ះពាល់ដល់ជីវភាពរស់នៅរបស់បងប្អូនប្រជាពលរដ្ឋសហគមន៍ត្រពាំងអញ្ចាញជាច្រើនគ្រួសារ ដែលស្ថិតនៅភូមិត្រពាំងអញ្ចាញថ្មី សង្កាត់ត្រសាំង ខណ្ឌពោធិ៍សែនជ័យ។ លោកស្រី បន្ថែមថា គ្រួសារមួយចំនួនបានសម្រេចចិត្តផ្លាស់លំនៅដ្ឋានទៅរស់នៅកន្លែងផ្សេងដោយសារតែគម្រោងស្តារផ្លូវរថភ្លើងរបស់ធនាគារនេះ។

តំណាងសហគមន៍រូបនេះ សង្កត់ធ្ងន់ៗថា លោកស្រី និងពលរដ្ឋសហគមន៍ត្រពាំងអញ្ចាញ នឹងតវ៉ាទាមទារឲ្យធនាគារអភិវឌ្ឍន៍អាស៊ី ផ្តល់សំណងពីការខូចខាតដល់គ្រួសារទាំង១៣០ ដោយក្នុងមួយគ្រួសារចំនួន ៨០០០ដុល្លារ។ លោកស្រីបានបញ្ជាក់យ៉ាងនេះថា «ប្រសិនបើមិនមានការដោះស្រាយណាមួយតាមការទាមទាររបស់ពួកយើងទេ ពួកយើងប្តេជ្ញានឹងមិនទៅណាជាដាច់ខាត ម្តងនេះយើងនឹងវេចកន្ទេលខ្នើយ ចានឆ្នាំ ទៅតវ៉ាតែម្តង» ។

គួរបញ្ជាក់ថា ការតវ៉ារបស់ប្រជាពលរដ្ឋសហគមន៍ត្រពាំងអញ្ចាញនេះ គឺអស់រយៈពេលជិតបួនឆ្នាំមកហើយ តែពួកគេមិនទាន់ទទួលបានការដោះស្រាយសមរម្យ និងអាចទទួលយកបានពីធនាគារអភិវឌ្ឍន៍អាស៊ីនេះទេ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

4 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

5 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

6 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

7 ថ្ងៃ

រវាង «លស់» «លួស» និង «លោះ» មានអត្ថន័យខុសគ្នាដូចម្តេច?

4 ថ្ងៃ

អត្ថបទពេញនិយមបន្ថែម