ជាតិ
សង្គមជាតិ
បេក្ខជនធ្លាក់បាក់ឌុបឆ្នាំមុនជាង ១ម៉ឺននាក់ បានចុះឈ្មោះចូលប្រឡងក្នុងឆ្នាំ ២០១៥
×![]()
បេក្ខជនប្រឡងធ្លាក់មធ្យមសិក្សាទុតិយភូមិ (បាក់ឌុប) ជាង១ម៉ឺននាក់ ក្នុងសម័យប្រឡងឆ្នាំ ២០១៤ បានចុះឈ្មោះជាបេក្ខភាព ប្រឡងសញ្ញាបត្រមធ្យមសិក្សា ទុតិយភូមិ ឆ្នាំ ២០១៥ ជាថ្មី។ នេះបើតាមការបញ្ជាក់របស់ លោក រស់ សាលីន អ្នកនាំពាក្យក្រសួងអប់រំ យុវជន និងកីឡា។
ការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជាក្នុងឆ្នាំ២០១៥នេះ នឹងប្រព្រឹត្ដទៅនៅថ្ងៃទី២៤ ខែសីហា ឆ្នាំ២០១៥ ខាងមុខ។ ទាំងថ្នាក់វិទ្យាសាស្ដ្រ និងថ្នាក់វិទ្យាសាស្ដ្រសង្គម មានបេក្ខជនប្រឡងសរុបចំនួន ៨៨ ៤៨៨នាក់ និងមានមណ្ឌលប្រឡង១៤៩មណ្ឌល ចែកជា ៣ ៥៧៦បន្ទប់ នៅរាជធានីខេត្ដទាំង ២៥ ។
អ្នកនាំពាក្យក្រសួងអប់រំ លោក រស់ សាលីន បានប្រាប់សារព័ត៌មានថ្មីៗ តាមទូរសព្ទថា ក្នុងចំណោម បេក្ខជនចុះឈ្មោះប្រឡងជាង ៨៨៤៨៨នាក់ មានបេក្ខជនដែលជាសិស្សប្រឡងធ្លាក់ឆ្នាំ២០១៤ ជាង១ម៉ឺននាក់ បានចុះឈ្មោះប្រឡងម្តងទៀត។ «បេក្ខជនធ្លាក់បាក់ឌុបឆ្នាំមុនជាង ១ម៉ឺន បានចុះឈ្មោះ ក្នុងសម័យប្រឡងខាងមុខនេះ»។ នេះជាប្រសាសន៍របស់លោក រស់ សាលីន។
ជាងនេះទៀត លោកបញ្ជាក់ថា បេក្ខជនទាំងអស់ត្រូវគោរពបទបញ្ញត្តិនៃការប្រឡង ជាពិសេសគឺ មិនត្រូវលាក់ទុក ឬយកឧបករណ៍អេឡិចត្រូនិចចូលក្នុងមណ្ឌល ឬបន្ទប់ប្រឡងឡើយ។ អ្នកនាំពាក្យក្រសួងអប់រំលើកឡើងថា៖«ក្នុងករណីដែលក្រសួងរកឃើញបេក្ខជន លាក់ទុកឧបករណ៍អេឡិចត្រូនិច ត្រូវបានកំណត់ឲ្យធ្លាក់ដោយស្វ័យប្រវត្តិតែម្តង»។
ក្រសួងអប់រំនៅតែរក្សាវិធានរឹតបន្តឹងការប្រឡង ដើម្បីពង្រឹងគុណ ភាពវិស័យអប់រំ ដូចសម័យប្រឡងឆ្នាំ ២០១៤ កន្លងទៅដដែល។ ប៉ុន្តែ គ្មានទៀតឡើយ ការប្រឡងលើកទី២ ដូចឆ្នាំមុននោះ។ នេះជាការបញ្ជាក់របស់មន្ត្រីជាន់ខ្ពស់នៃក្រសួងអប់រំ៕
ការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជាក្នុងឆ្នាំ២០១៥នេះ នឹងប្រព្រឹត្ដទៅនៅថ្ងៃទី២៤ ខែសីហា ឆ្នាំ២០១៥ ខាងមុខ។ ទាំងថ្នាក់វិទ្យាសាស្ដ្រ និងថ្នាក់វិទ្យាសាស្ដ្រសង្គម មានបេក្ខជនប្រឡងសរុបចំនួន ៨៨ ៤៨៨នាក់ និងមានមណ្ឌលប្រឡង១៤៩មណ្ឌល ចែកជា ៣ ៥៧៦បន្ទប់ នៅរាជធានីខេត្ដទាំង ២៥ ។
អ្នកនាំពាក្យក្រសួងអប់រំ លោក រស់ សាលីន បានប្រាប់សារព័ត៌មានថ្មីៗ តាមទូរសព្ទថា ក្នុងចំណោម បេក្ខជនចុះឈ្មោះប្រឡងជាង ៨៨៤៨៨នាក់ មានបេក្ខជនដែលជាសិស្សប្រឡងធ្លាក់ឆ្នាំ២០១៤ ជាង១ម៉ឺននាក់ បានចុះឈ្មោះប្រឡងម្តងទៀត។ «បេក្ខជនធ្លាក់បាក់ឌុបឆ្នាំមុនជាង ១ម៉ឺន បានចុះឈ្មោះ ក្នុងសម័យប្រឡងខាងមុខនេះ»។ នេះជាប្រសាសន៍របស់លោក រស់ សាលីន។
ជាងនេះទៀត លោកបញ្ជាក់ថា បេក្ខជនទាំងអស់ត្រូវគោរពបទបញ្ញត្តិនៃការប្រឡង ជាពិសេសគឺ មិនត្រូវលាក់ទុក ឬយកឧបករណ៍អេឡិចត្រូនិចចូលក្នុងមណ្ឌល ឬបន្ទប់ប្រឡងឡើយ។ អ្នកនាំពាក្យក្រសួងអប់រំលើកឡើងថា៖«ក្នុងករណីដែលក្រសួងរកឃើញបេក្ខជន លាក់ទុកឧបករណ៍អេឡិចត្រូនិច ត្រូវបានកំណត់ឲ្យធ្លាក់ដោយស្វ័យប្រវត្តិតែម្តង»។
ក្រសួងអប់រំនៅតែរក្សាវិធានរឹតបន្តឹងការប្រឡង ដើម្បីពង្រឹងគុណ ភាពវិស័យអប់រំ ដូចសម័យប្រឡងឆ្នាំ ២០១៤ កន្លងទៅដដែល។ ប៉ុន្តែ គ្មានទៀតឡើយ ការប្រឡងលើកទី២ ដូចឆ្នាំមុននោះ។ នេះជាការបញ្ជាក់របស់មន្ត្រីជាន់ខ្ពស់នៃក្រសួងអប់រំ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
