ជាតិ
អ្នកកាសែតជើងចាស់សោកស្តាយចំពោះអត្ថបទភ្នំពេញប៉ុស្តិ៍ដែលប្រើពាក្យអសុរោះរិះគន់លោក ឈាង វុន
×![]()
អ្នកកាសែតជើងចាស់មួយចំនួនបានសំដែងការសោកស្តាយចំពោះអត្ថបទ«ប្រភេទទស្សនៈ» របស់កាសែតភ្នំពេញប៉ុស្តិ៍ជាភាសាខ្មែរដែលរិះគន់ធ្ងន់ៗតំណាងរាស្ត្រគណបក្សប្រជាជនកម្ពុជា លោក ឈាង វុន។ អត្ថបទនេះមានចំណងជើងថា «នៅរដ្ឋសភាឥឡូវក៏មានបងធំបងតូចដែរ»។ ការប្រើប្រាស់ពាក្យពេចន៍រិះគន់របស់អ្នកនិពន្ធ ដែលប្រៀបធៀបអ្នកតំណាងរាស្ត្រទៅនឹងក្រុម«យុវជនទំនើង» និង «ជើងកាង»ដែលសង្គមមិនចូលចិត្ត កំពុងបង្ហាញអំពីការប្រាកចាកក្រមសីលធម៌ វិជ្ជាជីវៈរបស់អ្នកកាសែតអាជីព។ នេះបើតាមការអត្ថាធិប្បាយរបស់អ្នកកាសែតដែលមានពិសោធន៍នៅកម្ពុជា។
នាយកប្រតិបត្តិក្លិបអ្នកកាសែតកម្ពុជា លោក ឆាយ សុផល ជាអ្នកកត់សម្គាល់អំពីភាពប្រាកចាកក្រមសីលធម៌អ្នកកាសែតមុនគេ។ ថ្លែងប្រាប់សារព័ត៌មានថ្មីៗនៅព្រឹកថ្ងៃទី៨កក្កដានេះ លោក ឆាយ សុផល ពន្យល់ថា បើទោះបីជាអ្នកសារព័ត៌មានមានសេរីភាពក្នុងការបញ្ចេញមតិតាមរយៈអត្ថបទបទវិចារណកថា (Editorial) អត្ថបទស្មេរ (Column) និងបទអត្ថាធិប្បាយ (Commentary) ក៏ដោយ ក៏ពួកគេត្រូវប្រកាន់យកក្រមសីលធម៌គ្រប់ពេលវេលាដែរ។ ចំពោះលោក ឆាយ សុផល ការសរសេរអត្ថបទប្រតិកម្មដែលបង្កប់ដោយកំហឹង គឺមិនមែនជាអ្នកសារព័ត៌មានអាជីពនោះទេ។
នាយកប្រតិបត្តិនៃក្លិបអ្នកកាសែតកម្ពុជា ដែលបានចេញផ្សាយប្រតិកម្មប្រឆាំងសកម្មភាពរបស់លោក ឈាង វុន ដែលបណ្តេញអ្នកកាសែតពីបរិវេណរដ្ឋសភា គ្រាន់តែចង់ឲ្យអ្នកកាសែតតបតទល់នឹងអ្នកគ្មានវិជ្ជាជីវៈ ដោយការប្រើប្រាស់វិជ្ជាជីវៈ ហើយថាបើពុំនោះទេ សាធារណៈជននឹងចោទប្រកាន់ថា អ្នកកាសែតក៏គ្មានសីលធម៌ដែរ។
«ការពន្លត់អគ្គីដ៏សន្ធោរសន្ធៅ គេត្រូវប្រើមធ្យោបាយដែលត្រជាក់។ គេមិនត្រូវវាយបកតាមបែបគ្មានវិជ្ជាជីវៈ និងគ្មានសិលធម៌ ទៅលើបុគ្គលលដែលគ្មានវិជ្ជាជីវៈ និងសីលធម៌នោះឡើយ»។ នេះជាការផ្តល់យោបល់របស់លោក ឆាយ សុផល មុននឹងលោកបញ្ជាក់បន្ថែមថា«បើទោះជាយ៉ាងក៏ដោយ នៅក្នុងច្បាប់ស្តីពីរបបសារព័ត៌មាន និងក្រមព្រហ្មទណ្ឌ ក៏មិនមានមាត្រាចែងពីការចាប់អ្នកកាសែតដាក់ពន្ធនាគារដោយសារការបញ្ចេញមតិឡើយ»។
ត្រឡប់មកស្តាប់គ្រូបណ្តុះបណ្តាលអ្នកសារព័ត៌មាន លោក មឿន ឈានណារិទ្ធ វិញ។ អ្នកកាសែតជើងចាស់រូបនេះ ក៏ប្រឆាំងសកម្មភាពរបស់លោក ឈាង វុន ដែលបានរំលោភបំពានសិទ្ធិសេរីភាពអ្នកសារព័ត៌មានដែរ។ ប៉ុន្តែលោកកាន់តែសោកស្តាយ នៅពេលដែលលោកឃើញអត្ថបទកាសែតដែលប្រើពាក្យអសុរោះរិះគន់អ្នកតំណាងរាស្ត្រនោះ។ នាយកវិទ្យាស្ថានកម្ពុជាសម្រាប់ការសិក្សាផ្នែកសារព័ត៌មានបានរម្លឹកអំពីមាត្រាស្តីពីក្រមសីលធម៌របស់អ្នកកាសែតនៅក្នុងច្បាប់ស្តីរបបសារព័ត៌មាន។ លោក មឿន ឈានណារិទ្ធ បញ្ជាក់យ៉ាងដូច្នេះថា៖«ច្បាប់ស្តីពីរបបសារព័ត៌មានមិនឲ្យអ្នកកាសែតប្រើពាក្យអសុរោះនោះទេ។ គេត្រូវប្រើពាក្យទន់ភ្លន់ដើម្បីកែបុគ្គលណាម្នាក់។ អ្នកកាសែតត្រូវប្រកាន់ប្រពៃណីល្អ និងគោរពវិជ្ជាជីវៈ»។
ប្រសិនជាត្រូវសំដែងការសោកស្តាយចំពោះអត្ថបទសារព័ត៌មានដែលពោរពេញដោយពាក្យអសុរោះនោះ នោះក៏ដើម្បីពញ្ញាក់អារម្មណ៍មិត្តរួមអាជីពដើម្បីចៀសវាងកំហុសនៅថ្ងៃមុខតែប៉ុណ្ណោះ ហើយក៏ដើម្បីមិត្តសាធារណៈជនវាយតម្លៃទាបលើអ្នកសារព័ត៌មាន។ នេះជាការអត្ថាធិប្បាយរបស់លោក ពុយ គា ប្រធានការិយាល័យឆ្លើយឆ្លងព័ត៌មាននៃទីភ្នាក់ងារព័ត៌មានជប៉ុនក្យូដូ។ លោក ពុយ គា ដែលជាអគ្គលេខាធិការក្លិបអ្នកកាសែតកម្ពុជាដែរនោះបន្ថែមថា៖«អ្នកកាសែតត្រូវគោរពវិជ្ជាជីវៈ និងក្បួនខ្នាត។ អ្នកចេះអ្នកដឹងត្រូវប្រើប្រាស់សំដីគោរពគ្នាទៅវិញទៅមក។ ការរិះគន់ដោយប្រើពាក្យទន់ភ្លន់ វាឈឺជាងការជេរប្រមាថទៅទៀត។ ការប្រើប្រាស់ពាក្យធ្ងន់ៗ បានត្រឹមតែបង្កើតទៅជាកំហឹងទៅវិញទេ»។
លោក ពុយ គា ក៏បានរំឮកអំពីច្បាប់ស្តីពីរបបសារព័ត៌មានកម្ពុជាដែលហាមមិនឲ្យអ្នកកាសែតប្រើប្រាស់ពាក្យពេចន៍ប្រមាថ និងមើលងាយដែរ ហើយលោកអំពាវនាវឲ្យអ្នកកាសែតប្រើប្រាស់ពាក្យពេចន៍ថ្លៃថ្នូរ ដើម្បីចៀសវាងការចងកំហឹងដាក់គ្នា៕
នាយកប្រតិបត្តិក្លិបអ្នកកាសែតកម្ពុជា លោក ឆាយ សុផល ជាអ្នកកត់សម្គាល់អំពីភាពប្រាកចាកក្រមសីលធម៌អ្នកកាសែតមុនគេ។ ថ្លែងប្រាប់សារព័ត៌មានថ្មីៗនៅព្រឹកថ្ងៃទី៨កក្កដានេះ លោក ឆាយ សុផល ពន្យល់ថា បើទោះបីជាអ្នកសារព័ត៌មានមានសេរីភាពក្នុងការបញ្ចេញមតិតាមរយៈអត្ថបទបទវិចារណកថា (Editorial) អត្ថបទស្មេរ (Column) និងបទអត្ថាធិប្បាយ (Commentary) ក៏ដោយ ក៏ពួកគេត្រូវប្រកាន់យកក្រមសីលធម៌គ្រប់ពេលវេលាដែរ។ ចំពោះលោក ឆាយ សុផល ការសរសេរអត្ថបទប្រតិកម្មដែលបង្កប់ដោយកំហឹង គឺមិនមែនជាអ្នកសារព័ត៌មានអាជីពនោះទេ។
នាយកប្រតិបត្តិនៃក្លិបអ្នកកាសែតកម្ពុជា ដែលបានចេញផ្សាយប្រតិកម្មប្រឆាំងសកម្មភាពរបស់លោក ឈាង វុន ដែលបណ្តេញអ្នកកាសែតពីបរិវេណរដ្ឋសភា គ្រាន់តែចង់ឲ្យអ្នកកាសែតតបតទល់នឹងអ្នកគ្មានវិជ្ជាជីវៈ ដោយការប្រើប្រាស់វិជ្ជាជីវៈ ហើយថាបើពុំនោះទេ សាធារណៈជននឹងចោទប្រកាន់ថា អ្នកកាសែតក៏គ្មានសីលធម៌ដែរ។
«ការពន្លត់អគ្គីដ៏សន្ធោរសន្ធៅ គេត្រូវប្រើមធ្យោបាយដែលត្រជាក់។ គេមិនត្រូវវាយបកតាមបែបគ្មានវិជ្ជាជីវៈ និងគ្មានសិលធម៌ ទៅលើបុគ្គលលដែលគ្មានវិជ្ជាជីវៈ និងសីលធម៌នោះឡើយ»។ នេះជាការផ្តល់យោបល់របស់លោក ឆាយ សុផល មុននឹងលោកបញ្ជាក់បន្ថែមថា«បើទោះជាយ៉ាងក៏ដោយ នៅក្នុងច្បាប់ស្តីពីរបបសារព័ត៌មាន និងក្រមព្រហ្មទណ្ឌ ក៏មិនមានមាត្រាចែងពីការចាប់អ្នកកាសែតដាក់ពន្ធនាគារដោយសារការបញ្ចេញមតិឡើយ»។
ត្រឡប់មកស្តាប់គ្រូបណ្តុះបណ្តាលអ្នកសារព័ត៌មាន លោក មឿន ឈានណារិទ្ធ វិញ។ អ្នកកាសែតជើងចាស់រូបនេះ ក៏ប្រឆាំងសកម្មភាពរបស់លោក ឈាង វុន ដែលបានរំលោភបំពានសិទ្ធិសេរីភាពអ្នកសារព័ត៌មានដែរ។ ប៉ុន្តែលោកកាន់តែសោកស្តាយ នៅពេលដែលលោកឃើញអត្ថបទកាសែតដែលប្រើពាក្យអសុរោះរិះគន់អ្នកតំណាងរាស្ត្រនោះ។ នាយកវិទ្យាស្ថានកម្ពុជាសម្រាប់ការសិក្សាផ្នែកសារព័ត៌មានបានរម្លឹកអំពីមាត្រាស្តីពីក្រមសីលធម៌របស់អ្នកកាសែតនៅក្នុងច្បាប់ស្តីរបបសារព័ត៌មាន។ លោក មឿន ឈានណារិទ្ធ បញ្ជាក់យ៉ាងដូច្នេះថា៖«ច្បាប់ស្តីពីរបបសារព័ត៌មានមិនឲ្យអ្នកកាសែតប្រើពាក្យអសុរោះនោះទេ។ គេត្រូវប្រើពាក្យទន់ភ្លន់ដើម្បីកែបុគ្គលណាម្នាក់។ អ្នកកាសែតត្រូវប្រកាន់ប្រពៃណីល្អ និងគោរពវិជ្ជាជីវៈ»។
ប្រសិនជាត្រូវសំដែងការសោកស្តាយចំពោះអត្ថបទសារព័ត៌មានដែលពោរពេញដោយពាក្យអសុរោះនោះ នោះក៏ដើម្បីពញ្ញាក់អារម្មណ៍មិត្តរួមអាជីពដើម្បីចៀសវាងកំហុសនៅថ្ងៃមុខតែប៉ុណ្ណោះ ហើយក៏ដើម្បីមិត្តសាធារណៈជនវាយតម្លៃទាបលើអ្នកសារព័ត៌មាន។ នេះជាការអត្ថាធិប្បាយរបស់លោក ពុយ គា ប្រធានការិយាល័យឆ្លើយឆ្លងព័ត៌មាននៃទីភ្នាក់ងារព័ត៌មានជប៉ុនក្យូដូ។ លោក ពុយ គា ដែលជាអគ្គលេខាធិការក្លិបអ្នកកាសែតកម្ពុជាដែរនោះបន្ថែមថា៖«អ្នកកាសែតត្រូវគោរពវិជ្ជាជីវៈ និងក្បួនខ្នាត។ អ្នកចេះអ្នកដឹងត្រូវប្រើប្រាស់សំដីគោរពគ្នាទៅវិញទៅមក។ ការរិះគន់ដោយប្រើពាក្យទន់ភ្លន់ វាឈឺជាងការជេរប្រមាថទៅទៀត។ ការប្រើប្រាស់ពាក្យធ្ងន់ៗ បានត្រឹមតែបង្កើតទៅជាកំហឹងទៅវិញទេ»។
លោក ពុយ គា ក៏បានរំឮកអំពីច្បាប់ស្តីពីរបបសារព័ត៌មានកម្ពុជាដែលហាមមិនឲ្យអ្នកកាសែតប្រើប្រាស់ពាក្យពេចន៍ប្រមាថ និងមើលងាយដែរ ហើយលោកអំពាវនាវឲ្យអ្នកកាសែតប្រើប្រាស់ពាក្យពេចន៍ថ្លៃថ្នូរ ដើម្បីចៀសវាងការចងកំហឹងដាក់គ្នា៕
© រក្សាសិទ្ធិដោយ thmeythmey.com
