ព័ត៍មានសុខភាព
សុខភាព៖ សម្ពាធឈាមកើនខ្ពស់ បណ្ដាលឱ្យមាន បញ្ហាសុខភាពអ្វីខ្លះ?
× សម្ពាធឈាមកើនខ្ពស់ នឹងបណ្ដាលឱ្យមាន ផលប៉ះពាល់ដល់សុខភាព ធ្ងន់ធ្ងរជាច្រើន រួមមាន ៖
• ជំងឺក្រិនសរសៃឈាម គឺជាជំងឺសរសៃឈាមអាកទែ ៖ ដែលបង្កឡើងដោយ បន្ទះជាតិខ្លាញ់នៅលើជញ្ជាំង ផ្នែកខាងក្នុងនៃសរសៃឈាម។ ជំងឺលើសឈាម អាចចូលរួមចំណែក ធ្វើឱ្យសសៃឈាមរួមតូច និងបង្កើនសម្ពាធបន្ថែមទៀត ទៅលើជញ្ជាំងនៃសសៃឈាម។
• ជំងឺបេះដូង ៖ ដូចជា ជំងឺខ្សោយបេះដូង ជំងឺស្ទះសរសៃឈាមបេះដូង និងជំងឺក្រាស់សាច់ដុំបេះដូង អាចត្រូវបានផ្សារភ្ជាប់ជាមួយនឹង ការកើនខ្ពស់នៃសម្ពាធឈាម។
• ជំងឺតម្រងនោម ៖ ជំងឺលើសឈាម អាចបំផ្លាញសរសៃឈាម និងតម្រងនោម។ ដូច្នេះ តម្រងនោម មិនអាចបញ្ចេញ សារធាតុពុលបានល្អនោះទេ។
• ជំងឺដាច់សរសៃឈាមខួរក្បាល ៖ ជំងឺលើសឈាម អាចនាំឱ្យដាច់សរសៃឈាមខួរក្បាល ហើយក៏រួមចំណែកជាមួយ ជំងឺក្រិនសរសៃឈាម ឬការចុះខ្សោយ នៃជញ្ជាំងសរសៃឈាមដែលធ្វើឱ្យសរសៃឈាម ងាយនឹងធ្លាយ។
• ជំងឺភ្នែក ៖ ជំងឺលើសឈាម អាចបំផ្លាញ សរសៃឈាមតូចៗ នៅក្នុងរ៉េទីនភ្នែកបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com