ជាតិ
លោក ឃ្លាំង សុវណ្ណ ក្លាយជាប្រធានសមាគមនិស្សិតកម្ពុជានៃសាកលវិទ្យាល័យជូឡាឡុងកន
× កាលពីថ្ងៃទី២៦ ខែកញ្ញា ឆ្នាំ២០១៥ លោក ឃ្លាំង សុវណ្ណ បានជាប់ឆ្នោតធ្វើជាប្រធានថ្មីនៃសមាគមនិស្សិកម្ពុជាប្រចាំសាកលវិទ្យាល័យជូឡាឡុងកន (Chulalongkorn University) ដែលជាសាកលវិទ្យាល័យដ៏ល្បីជាងគេនៅប្រទេសថៃ។
លោក ឃ្លាំង សុវណ្ណ ដែលកំពុងសិក្សាថ្នាក់បណ្ឌិតជំនាញគ្រប់គ្រងឧត្តមសិក្សា (Higher Education Administration) ត្រូវដឹកនាំ សមាគមនិស្សិកម្ពុជាប្រចាំសាកលវិទ្យាល័យជូឡាឡុងកនសម្រាប់ឆ្នាំសិក្សា ២០១៥-២០១៦ នេះ ដោយបច្ចុប្បន្នមាននិស្សិតកម្ពុជាចំនួន៧៥នាក់កំពុងសិក្សាចាប់តាំងពីកម្រិតផ្លាស់ប្តូរកម្មវិធីសិក្សា (Exchange Program) រហូតដល់ថ្នាក់បណ្ឌិត (Ph.D. Program)។
សមាគមនិស្សិតកម្ពុជានៅសាកលវិទ្យាល័យជូឡាឡុងកនមានជាក្រុមនិស្សិតឯករាជ្យ មិនរកប្រាក់ចំណេញ មិនពាក់ព័ន្ធនឹងនិន្នាការនយោបាយ មានទស្សនវិស័យ “ទំនាក់ទំនងជាមិត្តភាពដើម្បីភាពជោគជ័យក្នុងការសិក្សានិងការលើកកម្ពស់វប្បធម៌ខ្មែរ។
សមាគមមានបេសកកម្មចំនួនបួនគឺ ទី១បង្កើនភាពស្និទ្ធស្នាលរវាងនិស្សិតខ្មែរ ទី២ចែករំលែកពត៌មាន ចំណេះដឹង និងបទពិសោធន៍ ទី៣គាំទ្រលើការសិក្សារៀនសូត្ររបស់និស្សិត និងទី៤ចូលរួមផ្សព្វផ្សាយ និងលើកកម្ពស់វប្បធម៌ជាតិខ្មែរ៕
Tag:
និស្សិតខ្មែរនៅបរទេស
© រក្សាសិទ្ធិដោយ thmeythmey.com