ជាតិ
នយោបាយជាតិ
លោក អេង ឆៃអ៊ាង៖ ពេទ្យនៅខ្មែរថា មិនបាច់វះកាត់ ប៉ុន្តែពេទ្យនៅថៃថា ត្រូវវះកាត់ជាបន្ទាន់
×![]()
ដោយ: ថ្មីៗ
ពីទីក្រុងបាងកក លោក អេង ឆៃអ៊ាង អនុប្រធានគណៈកម្មការនាយករបស់គណបក្សសង្គ្រោះជាតិ បានផ្តល់ព័ត៌មានជុំវិញស្ថានភាពរបួសរបស់លោក ញ៉យ ចំរើន និងលោក គង់ សភា។ តាមរយៈហ្វេសប៊ុករបស់ខ្លួននៅថ្ងៃនេះ លោកបានលើកឡើងពីការវិនិច្ឆ័យរោគខុសគ្នារវាងពេទ្យនៅក្នុងប្រទេសកម្ពុជា និងនៅប្រទេសថៃ។
លោក អេង ឆៃអ៊ាង បានសរសេរថា ស្ថានភាពរបួសរបស់លោក ញ៉យ ចំរើន និងលោក គង់ សភា ត្រូវបានគ្រូពេទ្យនៅមន្ទីរពេទ្យរ៉ូយ៉ាល់ភ្នំពេញ ធ្វើរោគវិនិច្ឆ័យឃើញថា មិនមានសភាពធ្ងន់ធ្ងរទេ ហើយការព្យាបាលមិនចាំបាច់ធ្វើការវះកាត់ឡើយ។ ផ្ទុយទៅវិញ គ្រូពេទ្យនៅមន្ទីរពេទ្យ PHYATHAI 2 នៅទីក្រុងបាងកក បានធ្វើរោគវិនិច្ឆ័យឃើញថា ស្ថានភាពរបួសរបស់លោក ញ៉យ ចំរើន និងលោក គង់ សភា មានសភាពធ្ងន់ធ្ងរ ដែលត្រូវធ្វើការព្យាបាលដោយការវះកាត់ជាបន្ទាន់ បើមិនដូច្នោះទេ អ្នកទាំងពីរនឹងមានពិការភាព ។
មន្ត្រីជាន់ខ្ពស់គណបក្សប្រឆាំងរូបនេះ បានអះអាងថា លោក ញ៉យ ចំរើន បើមិនធ្វើការវះកាត់ទាន់ពេលវេលាទេ នឹងខូចដៃស្តាំ និងភ្នែកខាងស្តាំ ។ ឯលោក គង់ សភា ក៏ដូចគ្នាដែរ បើមិនធ្វើការវះកាត់ទេ នឹងខូចឆ្អឹងច្រមុះ និងថ្លង់ ៕
Tag:
ញ៉យ ចំរើន
គង់ សភា
© រក្សាសិទ្ធិដោយ thmeythmey.com
