អន្តរជាតិ
×![]()
ដោយ: តន ចាន់រិទ្ធារ៉ា
ប្រទេសឥណ្ឌូនេស៊ីបានប្រកាសបិទព្រលានយន្តហោះនៅលើកោះបាលី នៅពេលដែលភ្នំភ្លើង Rinjani ដែលស្ថិតនៅកោះឡុំបុកក្បែរខាង បញ្ចេញផ្សែងនិងផេះយ៉ាងខ្លាំង។ ជើងយន្តហោះជាច្រើនដែលចេញ-ចូលកោះបាលីត្រូវបានលុបចោល។
បើតាមមន្ត្រីអាកាសយានដ្ឋានរបស់ឥណ្ឌូនេស៊ី ព្រលានយន្តហោះ Ngurah Raiរបស់កោះកំសាន្តបាលី ត្រូវបិទរហូតដល់ព្រឹកថ្ងៃព្រហស្បតិ៍នេះ។ ព្រលាននេះអាចនឹងបើកឡើងវិញនៅពេលដែលមានការវាយតម្លៃត្រឹមត្រូវចំពោះស្ថានភាពភ្នំភ្លើងពីមន្ត្រីមានសមត្ថកិច្ច។
ជាមួយគ្នានេះដែរ ជើងយន្តហោះប្រហែល ៧០០ដែលគ្រោងហោះចេញ-ចូលកោះបាលីត្រូវបានលុបចោលជាបន្ទាន់ដោយសារផ្សែងនិងផេះបញ្ចេញដោយភ្នំភ្លើង។ ក្នុងសេចក្ដីថ្លែងការណ៍មួយបានបង្ហាញថា ភ្នំភ្លើង Rinjani នៅតែបន្តសកម្មភាពនិងបានបង្កើតលំញ័រនៅកោះបាលី។ ហើយគេរំពឹងថា កម្រិតនៃការរញ្ជួយភ្នំភ្លើងនៅតែបន្តកើនខ្ពស់។
លើសពីនេះទៅទៀត ការរញ្ជួយភ្នំភ្លើងនេះបានធ្វើឱ្យប៉ះពាល់ដល់ការបញ្ជូនឧក្រិដ្ឋជនម្នាក់ទៅកាន់ប្រទេសឥណ្ឌា បន្ទាប់ពីត្រូវបានចាប់ខ្លួននៅលើកោះបាលីកាលពីសប្ដាហ៍មុន។ ជននេះជាមនុស្សដែលឥណ្ឌាត្រូវការបំផុតក្រោយការរត់គេចខ្លួនអស់រយៈពេៈ២០ឆ្នាំ។
សូមរម្លឹកថា ភ្នំភ្លើង Rinjaniដែលស្ថិតក្នុងកោះឡុំបុក មានទីតាំងនៅក្បែរកោះបាលីបានចាប់ផ្ដើមរញ្ជួយកាលពីសប្ដាហ៍មុន។ ការបញ្ចេញផ្សែងបានប៉ះពាល់យ៉ាងខ្លាំងដល់ប្រជាជននៅលើកោះបាលីនិងឡុំបុក ជាពិសេសទេសចរណ៍ដែលជាវិស័យដ៏សំខាន់របស់ឥណ្ឌួនេស៊ី។
Tag:
ឥណ្ឌូនេស៊ី
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
