អន្តរជាតិ
×![]()
ដោយ: តន ចាន់រិទ្ធារ៉ា
មនុស្សយ៉ាងតិច១៨នាក់ស្លាប់ក្នុងហេតុការណ៍បាក់រលំអាគាររោងចក្រក្នុងតំបន់ឧស្សាហកម្មក្នុងទីក្រុងឡាហ័រភាគខាងកើតប្រទេសប៉ាគីស្ថាន។ បុគ្គលិកសង្គ្រោះបន្ទាន់កំពុងញាប់ដៃជើងជួយសង្គ្រោះមនុស្សប្រមាណ១០០នាក់ផ្សេងទៀតដែលកំពុងជាប់ក្នុងអាគារនោះ។
មនុស្សយ៉ាងតិច១៥នាក់និងជាច្រើននាក់ទៀតរបួសក្នុងហេតុការណ៍បាក់រលំអាគារមួយកាលពីរាត្រីថ្ងៃពុធម្សិលមិញ។ អាគារដែលបានដួលរលំមានកម្ពស់៤ជាន់ និងជាអាគាររោងចក្រផលិតកាបូបក្នុងតំបន់ឧស្សាហកម្មទីក្រុងឡាហ័រ។ មនុស្សប្រហែល១៥០នាក់កំពុងធ្វើការនៅក្នុងអាគារនោះពេលដែលវាដួលរលំ។ បុគ្គលិកសង្គ្រោះបន្ទាន់កំពុងដែលចូលរួមដោយប៉ូលីសនិងទាហានកំពុងតែធ្វើសកម្មភាពយ៉ាងញាប់ដៃដើម្បីស្វែងរកមនុស្សដែលកប់ក្នុងគំនរអាគារដែលបានដួលរលំ។
ជុំវិញមូលហេតុនៃការដួលរលំអាគារនេះ គឺអាចបណ្ដាលមកការរញ្ជួយដីក្នុងប្រទេសប៉ាគីស្ថាននិងអាហ្វហ្គានីស្ថានកាលពីសប្ដាហ៍មុន។ ការរញ្ជួយដីបានសម្លាប់មនុស្សប្រមាណ៤០០នាក់ និងបានប៉ះពាល់ដល់សំណង់អាគារជាច្រើន។
បើតាមមន្ត្រីជាន់ខ្ពស់ក្នុងទីក្រុងឡាហ័របានលើកឡើងថា មនុស្សមានជីវិតប្រមាណ៧០នាក់ត្រូវបានទាញចេញពីអាគារនិងបញ្ជូនទៅមន្ទីរពេទ្យ។ ឯផ្នែកកងទ័ពក៏បានបញ្ជូនមន្ត្រីជំនាញមកជួយកញ្នុងប្រតិបត្តិការផងដែរ។ ការជួយសង្គ្រោះនៅមានភាពយឺតយ៉ាវនៅឡើយ ពីព្រោះផ្លូវចូលទៅកាន់អាគារមានភាពតូចចង្អៀតពិបាកចូលទៅជួយសង្គ្រោះ។
ចំណែកឯ ប្រធានមន្ទីរពេទ្យបានលើកឡើងថា ជនរងគ្រោះភាគច្រើនជាកម្មករវ័យក្មេង។ ពួកគេរងរបួសក្បាលនិងបាក់ដៃជើង។ មន្ទីរពេទ្យទាំងអស់ក្នុងតំបន់បានប្រកាសភាពអាសន្នសម្រាប់ទទួលជនរងគ្រោះ។
ជាទូទៅ ស្ដង់ដាសំណង់អាគារក្នុងប្រទេសប៉ាគីស្ថាន ត្រូវបានគេមើលឃើញនៅទាបនៅឡើយ។ ការដួលរលំអាគារគឺមានកើតឡើងជាញឹកញាប់និងមានមនុស្សស្លាប់ជាបន្តបន្ទាប់។ តួយ៉ាង កាលពីឆ្នាំមុន មនុស្សយ៉ាងតិច២៤នាក់បានស្លាប់ក្នុងការបាក់អាគារវិហារឥស្លាម។ ម្យ៉ាងទៀត មនុស្ស២៥៥នាក់បានស្លាប់ក្នុងការឆេះអាគាររោងចក្រមួយក្នុងទីក្រុងការ៉ាជីកាលពីឆ្នាំមុនផងដែរ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
