ជាតិ
នយោបាយជាតិ
គ្មានអ្នកណាដឹងថា លោក សម រង្ស៊ី ទៅណា
× មន្ត្រីជាន់ខ្ពស់នៃគណបក្សសង្គ្រោះជាតិអះអាងថា ពួកគេមិនដឹងថាតើលោក សម រង្ស៊ី នៅទីណានោះទេនៅពេលនេះ។ នៅពេលដែលលោក អេង ឆៃអ៊ាង ថ្លែងប្រាប់សារព័ត៌មានថ្មីៗថា លោកក៏មិនដឹងថា លោក សម រង្ស៊ី បន្តស្ថិតនៅប្រទេសកូរ៉េ ទៀត ឬចាកចេញពីកូរ៉េនោះ លោក ហូ វ៉ាន់ បញ្ជាក់ថា លោក សម រង្ស៊ី ត្រូវចេញពីប្រទេសកូរ៉េ ប៉ុន្តែថា តើលោក សម រង្ស៊ី ទៅប្រទេសណានោះ លោកក៏មិនដឹងច្បាស់ដែរ។
បើតាមលោក ហូរ វ៉ាន់ ប្រធានរបស់លោកប្រហែលទៅប្រទេសក្បែរៗកម្ពុជា។ លោកបានថ្លែងយ៉ាងដូច្នេះ៖«លោកប្រធានមានមិត្តភក្តិច្រើននៅក្បែរកម្ពុជានេះ»។
និយាយអំពីលោក កឹម សុខា ដែលជាអនុប្រធានគណបក្សសង្គ្រោះវិញនោះ បើតាមការអះអាងរបស់លោក អេង ឆៃអ៊ាង លោក កឹម សុខា ត្រូវចាកចេញពីប្រទេសកូរ៉េ និងឈប់ដំណើរនៅប្រទេសថៃ មុននឹងហោះទៅអឺរ៉ុប ដែលនេះគឺជាគម្រោងរបស់លោក កឹម សុខា។ លោក អេង ឆៃអ៊ាង បញ្ជាក់ថា លោកមិនច្បាស់ ថាលោក កឹម សុខា ត្រូវទៅប្រទេសមួយណាពិតប្រាកដ នៅទ្វីបអឺរ៉ុបនោះទេ៕
© រក្សាសិទ្ធិដោយ thmeythmey.com