ពីនេះ ពីនោះ
×![]()
ដោយ: ថ្មីៗ
សីលវិជ្ជា គឺជាការសិក្សាដោយត្រិះរិះ វិភាគ និងសំយោគប្រកបដោយវិចារណញាណត្រឹមត្រូវ ស្របតាមគតិបណ្ឌិត ទៅលើតម្លៃនៃគោលការណ៍សីលធម៌ទាំងឡាយដែលមនុស្សបានបង្កើតក្នុងបំណងកំណត់ឥរិយាបទ អាកប្បកិរិយា អត្តចរិក ផ្នត់គំនិត ដែលគួរឬមិនគួរ អាចឬមិនអាចទទួលយកបាន ដើម្បីស្វែងរកជីវិតប្រកបដោយកុសល។
សីលញាណ គឺជា ញាណដែលប្រកបសីលតម្លៃ។ មានន័យថាសីលញាណ គឺជាអំណាចនៃសមត្ថភាពខួរក្បាលដែលអាចត្រិះរិះដោយប្រើគំនិត ពិចារណា វិនិច្ឆ័យដឹងត្រូវ ខុស ល្អ អាក្រក់ ចំពោះការសម្រេចចិត្ត ឬទង្វើរបស់មនុស្ស។ម្យ៉ាងទៀតថា សីលញាណ គឺជាវិចារណញ្ញាណដែលធ្វើការវិនិច្ឆ័យទៅលើរបៀបរៀបរយ ឬសុភាវធម៌ ទាក់ទងនឹងការសម្រចចិត្តនិង អំពើទាំងទ្បាយរបស់មនុស្ស។
សីលតម្លៃ គឺជាគោលដៅរបស់សីលញាណ ហើយទាក់ទងផ្ទាល់ ទៅនឹងអំពើ សកម្មភាព ឬចរិយារបស់មនុស្ស។ វាមានទំនាក់ទំនងយ៉ាងជិតស្និទ្ធជាមួយសុជីវធម៌ សីលធម៌ គុណធម៌ ឧត្ដមគតិ និង គតិវិញ្ញូ ។ល។
[ដកស្រង់ពីសៀវភៅ មូលដ្ឋានសីលវិជ្ជា របស់លោក ឈុន ផាវ៉េង]
Tag:
ពន្យល់ពាក្យ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
