ជាតិ
កូរ៉េប្រកាសផ្តល់អាហារូបករណ៍ផ្នែកព័ត៌មានវិទ្យា ៨០កន្លែងដល់និស្សិតកម្ពុជា
× មជ្ឈមណ្ឌលកូរ៉េសហ្វវែរ អេច អ ឌី (Korea Software HRD Center) ក្រោមការឧបត្ថម្ភពី ទីភ្នាក់ងារសហប្រតិបត្តិការអន្តរជាតិកូរ៉េ (KOICA) និងក្រុមហ៊ុនវែបឃេស (WEBCASH) ប្រកាសផ្តល់អាហារូបករណ៍ចំនួន ៨០កន្លែង ដល់និស្សិតកម្ពុជាសម្រាប់សិក្សារយៈពេល ០៩ខែ ក្នុងឆ្នាំសិក្សា ២០១៦ និង២០១៧ ។
បើតាមសេចក្តីជូនដំណឹងរបស់មជ្ឈមណ្ឌល និស្សិតដែលជាប់អាហារូបករណ៍ នឹងទទួលនូវប្រាក់លើកទឹកប្រចាំខែពី ២០ ទៅ ១៤០ដុល្លារអាមេរិក និងមានឱកាសទៅបន្តការសិក្សានៅសាធារណរដ្ឋកូរ៉េផងដែរ។
មជ្ឈមណ្ឌលនឹងបណ្តុះបណ្តាលរយៈពេល ៩ខែ លើមុខវិជ្ជា ដូចជា Java, Android, OIS, Spring Framework, Delphi, C Programming (ATM) , Web Design, MVC2, Web Publishing, Bizplay និងភាសាកូរ៉េ ជាដើម។ និស្សិតទាំងពីរភេទដែលអាចចូលរួមប្រឡង អាហារូបករណ៍នេះ ជានិស្សិតផ្នែកព័ត៌មានវិទ្យាចាប់ពីឆ្នាំទី ៣ឆ្នាំ ឡើងទៅ និងមានអាយុចាប់ពី ២០ ដល់ ៣៥ឆ្នាំ។
បេក្ខជនដែលចង់ដាក់ពាកប្រឡងយកអាហារូបករណ៍នេះ អាចដាក់ពាក្យ តាមរយៈគេហទំព័រ http://www.kshrd.com.kh ។ សម្រាប់ព័ត៌មានបន្ថែមសូមទំនាក់ទំនងតាមរយៈលេខទូរស័ព្ទ ០៧៧ ៧៧១ ២៣៦, ០៨៦ ២៩២ ៩១៤, ០២៣ ៩៩១ ៣១៤ និងអាសយដ្ឋានអ៊ីមែល៖ [email protected] ៕
© រក្សាសិទ្ធិដោយ thmeythmey.com