ពីនេះ ពីនោះ
តើអ្វីជាអត្ថន័យនៃពាក្យថា «ចេតនារូបារម្មណ៍»?
× នៅក្នុងសទ្ទានុក្រមភាសាវិទ្យា និងអក្សរសិល្ប៍ដែលរៀបរៀងឡើងដោយ ក្រុមប្រឹក្សាជាតិភាសាខ្មែរបានឲ្យនិយមន័យពាក្យថា«ចេតនារូបារម្មណ៍» ដូចខាងក្រោម៖
ចេតនារូបារម្មណ៍ មានន័យថា រូបារម្មណ៍ដែលកវី អ្នកនិពន្ធ បង្កើតឡើង ហើយអធិប្បាយតាមរយៈការប្រើពាក្យពេចន៍ ឃ្លាប្រយោគនៅក្នុងអត្ថបទពាក្យកាព្យ ពាក្យកម្រងកែវ ពាក្យរាយ ធ្វើឲ្យអ្នកអានមានចិត្តរំភើប ជឿស្លុងទៅដោយមនោសញ្ចេតនាទុក្ខព្រួយ សប្បាយ កំហឹង ភ័យខ្លាច ត្រេកត្រអាល សង្ឃឹម អស់សង្ឃឹម ស្រឡាញ់ ស្អប់ឬការទទួលយកជំនឿណាមួយដោយពុំចាំបាច់ពិចារណាវែងឆ្ងាយឡើយ។
ឧទាហរណ៍(...) ទុំស្រែកថាឱព្រះពាយផាត់ ទាវអើយបែកបាត់ធុំពិដោរ ជាប់តែក្លិនក្លែបអែបគន្ធ រសរូបទាវចោរចើកចោលប្ដី។ ឲ្យនៅតែឯងតែអញសោះ ទាវគ្មានស្រណោះកោតចិត្ត ចិត្តស្រស់ឥតធ្យានគ្មានប្រណី បានងួនជាប្ដីមិនខ្ចីទុំ។ ឱ! ទាវអើយទុក្ខបងចម្លែក បងឡើងដល់ស្អែកទីត្បូងឃ្មុំ ម្លេះសមអរជូនគេគិតគុំ ហៅភ្ញៀវជួបជុំសម្លាប់បង។(...)
© រក្សាសិទ្ធិដោយ thmeythmey.com