អតីតសិស្សវិទ្យាល័យក្រឡាញ់ នឹងរៀបចំពិធីបុណ្យរំលឹកគុណគ្រូ លើកដំបូង

ជាតិ

អតីតសិស្សវិទ្យាល័យក្រឡាញ់ នឹងរៀបចំពិធីបុណ្យរំលឹកគុណគ្រូ លើកដំបូង

29, Jan 2016 , 11:00 am

រូបភាព

ដោយ: អុឹង ចំរើន (Ung Chamroeun)

តើអ្នកធ្លាប់ឆ្លងកាត់ការសិក្សានៅវិទ្យាល័យក្រឡាញ់ ក្នុងស្រុកក្រឡាញ់ ខេត្តសៀមរាបដែរឬទេ? តើអ្នកធ្លាប់ជួបជុំគ្នា និងបានធ្វើកិច្ចការដើម្បីលោកគ្រូ-អ្នកដែរឬទេ? នៅថ្ងៃសៅរ៍ ទី៩ ខែមេសា ឆ្នាំ២០១៦ ខាងមុខនេះ អតីតសិស្សទាំងអស់ នឹងមានឱកាសជួបជុំគ្នាជាលើកដំបូងក្នុងពិធីបុណ្យរំលឹកគុណគ្រូ នៅទីតាំងវិទ្យាល័យក្រឡាញ់ដោយផ្ទាល់។

ខាងក្រោមនេះជាសេចក្តីជូនដំណឹងរបស់អតីតសិស្សវិទ្យាល័យក្រឡាញ់ដែលជាអ្នកផ្តួចផ្តើមរៀបចំកម្មវិធី៖

«យើងខ្ញុំសូមអំពាវនាវនិងជូនដំណឹងដល់បងប្អូន មិត្តភក្តិដែលជាអតីតសិស្សនៃវិទ្យាល័យក្រឡាញ់ ឲ្យបានជ្រាបថា យើងនឹងធ្វើការរៃអង្គាសថវិកាចាប់ពីថ្ងៃនេះតទៅរហូតដល់ថ្ងៃទី២៨ខែកុម្ភៈឆ្នាំ២០១៦ ។ ហេតុដូចនេះ បើសិនជាបងប្អូនមិត្តភក្តិដែលជាអតីតសិស្សនៃវិទ្យាល័យក្រឡាញ់មានបំណងចង់ចូលរួមពិធីជប់លៀងដើម្បីរលឹកគុណលោកគ្រូអ្នកគ្រូ មេត្តារួសរាន់បង់ថវិកាចូលរួមឲ្យបានឆាប់តាមអ្វីដែលបងប្អូនមិត្តភក្តិអាចធ្វើទៅបាន។ អធ្យាស្រ័យនូវកំហុសឆ្គងនានា»។