អន្តរជាតិ
×![]()
នៅដើមខែកុម្ភៈនេះវៀតណាមទទួលបាននាវាមុជទឹកទី ៥របស់ខ្លួនពីរុស្ស៊ី ហើយនាវាមុជទឹកចុងក្រោយនឹងមកដល់វៀតណាមនៅពាក់កណ្តាលឆ្នាំ ២០១៦នេះ។ វៀតណាមបានបញ្ជាទិញនាវាមុជទឹក ៦គ្រឿងពីរុស្ស៊ីតាំងឆ្នាំ ២០០៩ ម្ល៉េះ ហើយនាវាមុជទឹកមួយក្នុងចំណោមនាវា ៤គ្រឿងដែលមកដល់វៀតណាមនោះ កំពុងស្ថិតក្នុងប្រតិបត្តិការល្បាតនៅក្បែរតំបន់សមុទ្រចិនខាងត្បូងផង។ រាល់ការនាំ អាវុធទំនើប និង អាវុធយុទ្ធសាស្ត្រចូលជាទឡ្ហីករណ៍មួយបញ្ជាក់ថា វៀតណាមត្រៀមខ្លួនទប់ទល់ជាមួយ មហាយក្ស ចិនក្នុងជម្លោះដែនសមុទ្រនេះ។
សូមស្តាប់ការបកស្រាយរបស់លោក សៅ ផលនិស្ស័យ៖
ក្រោយរង់ចាំអស់រយៈពេលយូរដែរនោះ នាវាមុជទឹកទី ៥ ផលិតដោយរុស្ស៊ី បានមកដល់ប្រទេសវៀតណាមហើយ។ នាវាមុជទឹកមានប្រវែងជាង៧០ម៉ែត្រ និងទម្ងន់ ជាង៣០០០តោននោះមានឈ្មោះថា HQ-186 Da Nang ។ នាវាមុជទឹកនេះ បានចេញដំណើរពីកំពង់ផែទីក្រុង St Petersburg ទៅកាន់ប្រទេសហូឡង់ ក្រោយសាកល្បងដំណើរការជោគជ័យនៅសមុទ្របាល់ទិក។ ក្រោយមក នាវានោះត្រូវគេដឹកតាមកប៉ាល់ទំនិញពីហូឡង់នៅថ្ងៃ២៥ធ្នូ ឆ្នាំ ២០១៥ បន្តដំណើរមកកាន់កំពង់ផែ Cam Ranh ប្រទេសវៀតណាម ហើយទើបមកដល់គោលដៅនៅយប់ថ្ងៃអង្គារទី២កុម្ភៈនេះ។ ចំណែកនាវាទី៦ ដែលមានឈ្មោះថា HQ-187 Ba Ria-Vung Tau នឹងត្រូវបញ្ជូនមកកាន់ប្រទេសវៀតណាមនៅពាក់កណ្តាលឆ្នាំនេះ។
តាមពិតទៅ នាវាមុជទឹកទាំង៦គ្រឿងត្រូវបានផលិតឡើងក្រោមកិច្ចសន្យាទំហំ ២ពាន់លានដុល្លារអាមេរិករវាងវៀតណាមនិងរុស្ស៊ី ដែលត្រូវបានចុះហត្ថលេខាដោយ នាយករដ្ឋមន្ត្រីវៀតណាមលោក ង្វៀង តាន់ស៊ុង ក្នុងដំណើរទស្សនកិច្ចរបស់លោកទៅរុស្ស៊ីក្នុងឆ្នាំ ២០០៩ ។ ក្នុងរយៈពេលប៉ុន្មានឆ្នាំចុងក្រោយនេះវៀតណាមចំណាយលុយច្រើនសន្ធឹកដើម្បីអនុវត្តគម្រោងទំនើបកម្មយោធា ដោយនាំចូលអាវុធច្រើនសន្ធឹកមាននាវាមុជទឹក យន្តហោះចម្បាំង ដាក់គម្រោងសង់នាវាចម្បាំង យន្តហោះស៊ើបការណ៍ និងចរចាទិញអាវុធពីលោកខាងលិចផង។ គេសន្និដ្ឋានថា វៀតណាមកំពុងតែកសាងអំណាចយោធាដើម្បីទប់ទល់ជាមួយមហាអំណាចចិនដែលកំពុងមានជម្លោះជាមួយខ្លួននៅសមុទ្រចិនខាងត្បូង។ នាវាមុជទឹកនេះទើបមកដល់វៀតណាមប៉ុន្មានថ្ងៃប៉ុណ្ណោះក្រោយយន្តហោះរុស្ស៊ី Su-30 ចំនួន២គ្រឿងមកដល់វៀតណាម ដែលធ្វើឲ្យចំនួនយន្តហោះចម្បាំងប្រភេទនេះកើនដល់៣២គ្រឿងហើយ។
១.នាវាមុជទឹកបួនគ្រឿងស្ថិតក្នុងប្រតិបត្តិការល្បាតនៅសមុទ្រចិនខាងត្បូងរួចហើយ
តាំងពីឆ្នាំ ២០១៤មក វៀតណាមបានទទួលនាវាមុជទឹកចំនួន ៤គ្រឿងរួចទៅហើយ ហើយនាវាទាំងនោះស្ថិតក្រោមការថែទាំងនិងប្រើប្រាស់របស់កងទ័ពជើងទឹកវៀតណាមដែរ។ បើតាមសារព័ត៌មានរដ្ឋវៀតណាម Thahn Nien នាវាមុជទឹកមួយក្នុងចំណោមនាវាទាំងបួននោះស្ថិតក្នុងប្រតិបត្តិការល្បាតនៅតំបន់សមុទ្រចិនខាងត្បូងរួចទៅហើយ។ ជារួមនាវាមុជទឹកដែលវៀតណាមបាននាំមកនេះ ទំនងជាត្រូវប្រើប្រាស់ដើម្បីការពារដែនទឹករបស់ខ្លួនទប់ទល់រាល់ការគំរាមកំហែងពីខាងក្រៅ ជាពិសេសចិនតែម្តង។នាវាទាំងនោះអាចប្រើប្រាស់បានដើម្បីប្រឆាំងទ័ពជើងទឹកចិនបានក្នុងករណីមានជម្លោះឬការប៉ះទង្គិចគ្នាកើតមានឡើងជាយថាហេតុ។
បើទោះជាវៀតណាមមាននាវាចម្បាំង ឬនាវាមុជទឹកតិចណាស់បើប្រៀបនឹងចិន វាក៏អាចមានលទ្ធភាពធ្វើអោយចិនញរញើត និងមិនអាចបន្តធ្វើអ្វីតាមអំពើចិត្តឡើយ។ នាវានេះអាចដឹកមនុស្សបានជិត៦០នាក់ មុជទឹកបានជម្រៅ ៣០០ម៉ែត្រ ព្រមទាំងធ្វើដំណើរបានចម្ងាយ ៦ពាន់ទៅ ៧៥០០ម៉ាល៍ ក្នុងរយៈពេល៤៥ថ្ងៃឥតឈប់។ ក្រៅពីនេះនាវានេះមានបំពាក់សព្វាវុធទំនើបៗជាច្រើនមានទាំងកាំជ្រួចមីស៊ីលបាញ់យន្តហោះរយៈម្ងាយឆ្ងាយ កាំជ្រួចការពារអាកាស និងបាញ់យន្តហោះជាដើម។
២.វៀតណាមទិញមីស៊ីលរយៈចម្ងាយឆ្ងាយបំពាក់នាវាខ្លួនរួចហើយ
ដោយឡែក កាលពីពាក់កណ្តាលឆ្នាំមុន រដ្ឋាភិបាលក្រុងហាណូយបាននាំចូលប្រភេទមីស៊ីលបំពាក់នាវាមុជទឹក ដែលអាចបាញ់ចេញពីនាវាមុជទឹក និងមានរយៈចម្ងាយឆ្ងាយថែមទៀត។ បើតាមការអះអាងរបស់អ្នកជំនាញយុទ្ធសាស្ត្រយោធា វៀតណាមគ្រោងនឹងប្រើប្រាស់កាំជ្រួចបំពាក់នាវាមុជទឹកនេះ ដើម្បីបំភ័យក្រុងប៉េកាំង ដែលជាភាគីមួយនៃជម្លោះសមុទ្រចិនខាងត្បូងដែរ។ កាលនោះ ចិនប្រតិកម្មដែរដោយចាត់ទុក ការនាំចូលនាវាមុជទឹក និងមីស៊ីលរយៈចម្ងាយឆ្ងាយរបស់រដ្ឋាភិបាលវៀតណាម ជាការបង្ករឿងមួយ ដែលធ្វើឲ្យភាពតានតឹងកាន់តែកើនឡើងថែមទៀត។
វៀតណាមបានក្លាយជារដ្ឋដំបូងបំផុតរបស់អាស៊ាន ដែលហ៊ានទិញអាវុធប្រភេទនេះ ដើម្បីប្រើប្រាស់ក្នុងវិស័យយោធា និងបំពាក់នាវាមុជទឹករបស់ខ្លួន។ វិស័យយោធារបស់វៀតណាមកាន់តែខ្លាំងឡើងៗ ព្រោះរដ្ឋាភិបាលក្រុងហាណូយបានផ្តោតលើការអភិវឌ្ឍវិស័យយោធា ក្នុងរយៈពេលប៉ុន្មានឆ្នាំចុងក្រោយនេះ។ សូម្បីតែហ្វីលីពីនដែលជាភាគីជម្លោះសមុទ្រចិនខាងត្បូងមួយដែរនោះ មិនទាន់ទាំងមាននាវាមុជទឹកប្រើផង។
មីស៊ីលរយៈចម្ងាយឆ្ងាយបំពាក់នាវាមុជទឹក ជាប្រភេទអាវុធមានឥទ្ធិពលក្នុងការប្រឆាំងនាវាចម្បាំង និងកម្ទេចគោលដៅទាំងឡាយ ដែលនៅលើគោកស្ថិតក្នុងចម្ងាយដែលអាវុធនេះអាចរត់ទៅដល់។ បើតាមទីតាំងភូមិសាស្ត្រ មីស៊ីលថ្មីនេះ អាចនឹងត្រូវប្រើប្រាស់ប្រឆាំងចិន ប្រសិនជាករណីមានការប្រយុទ្ធគ្នាកើតឡើង ដ្បិតមីស៊ីលនេះអាចបាញ់ដល់ទីក្រុងមួយចំនួនរបស់ចិន ដែលស្ថិតនៅតាមមាត់សមុទ្រថែមទៀតផង។
អ្នកជំនាញបានវាយតម្លៃរួចហើយថា ការនាំចូលអាវុធប្រភេទនេះ តិចឬច្រើនវានឹងធ្វើឲ្យចិន ញរញើត ហើយចិនក៏ពិបាកវាយតម្លៃពីសមត្ថភាពយោធា និងរៀបចំយុទ្ធសាស្ត្រប្រយុទ្ធប្រសិនបើមានការប៉ះទង្គិចគ្នាកើតឡើងមែននោះ។ យ៉ាងណាក៏ដោយមន្ត្រី និងក្រសួងការពារជាតិវៀតណាមមិនបានផ្តល់យោបល់ឬឆ្លើយតបចំពោះព័ត៌មានទិញមីស៊ីលថ្មីនេះឡើយ ប៉ុន្តែកាលមុនក្រសួងការពារជាតិប្រទេសនេះបានបញ្ជាក់ថា ការនាំចូលអាវុធថ្មីជារឿងទាក់ទងការការពារជាតិប៉ុណ្ណោះ មិនមែនគំរាមរដ្ឋណាមួយឡើយ៕
សូមស្តាប់ការបកស្រាយរបស់លោក សៅ ផលនិស្ស័យ៖
ក្រោយរង់ចាំអស់រយៈពេលយូរដែរនោះ នាវាមុជទឹកទី ៥ ផលិតដោយរុស្ស៊ី បានមកដល់ប្រទេសវៀតណាមហើយ។ នាវាមុជទឹកមានប្រវែងជាង៧០ម៉ែត្រ និងទម្ងន់ ជាង៣០០០តោននោះមានឈ្មោះថា HQ-186 Da Nang ។ នាវាមុជទឹកនេះ បានចេញដំណើរពីកំពង់ផែទីក្រុង St Petersburg ទៅកាន់ប្រទេសហូឡង់ ក្រោយសាកល្បងដំណើរការជោគជ័យនៅសមុទ្របាល់ទិក។ ក្រោយមក នាវានោះត្រូវគេដឹកតាមកប៉ាល់ទំនិញពីហូឡង់នៅថ្ងៃ២៥ធ្នូ ឆ្នាំ ២០១៥ បន្តដំណើរមកកាន់កំពង់ផែ Cam Ranh ប្រទេសវៀតណាម ហើយទើបមកដល់គោលដៅនៅយប់ថ្ងៃអង្គារទី២កុម្ភៈនេះ។ ចំណែកនាវាទី៦ ដែលមានឈ្មោះថា HQ-187 Ba Ria-Vung Tau នឹងត្រូវបញ្ជូនមកកាន់ប្រទេសវៀតណាមនៅពាក់កណ្តាលឆ្នាំនេះ។
តាមពិតទៅ នាវាមុជទឹកទាំង៦គ្រឿងត្រូវបានផលិតឡើងក្រោមកិច្ចសន្យាទំហំ ២ពាន់លានដុល្លារអាមេរិករវាងវៀតណាមនិងរុស្ស៊ី ដែលត្រូវបានចុះហត្ថលេខាដោយ នាយករដ្ឋមន្ត្រីវៀតណាមលោក ង្វៀង តាន់ស៊ុង ក្នុងដំណើរទស្សនកិច្ចរបស់លោកទៅរុស្ស៊ីក្នុងឆ្នាំ ២០០៩ ។ ក្នុងរយៈពេលប៉ុន្មានឆ្នាំចុងក្រោយនេះវៀតណាមចំណាយលុយច្រើនសន្ធឹកដើម្បីអនុវត្តគម្រោងទំនើបកម្មយោធា ដោយនាំចូលអាវុធច្រើនសន្ធឹកមាននាវាមុជទឹក យន្តហោះចម្បាំង ដាក់គម្រោងសង់នាវាចម្បាំង យន្តហោះស៊ើបការណ៍ និងចរចាទិញអាវុធពីលោកខាងលិចផង។ គេសន្និដ្ឋានថា វៀតណាមកំពុងតែកសាងអំណាចយោធាដើម្បីទប់ទល់ជាមួយមហាអំណាចចិនដែលកំពុងមានជម្លោះជាមួយខ្លួននៅសមុទ្រចិនខាងត្បូង។ នាវាមុជទឹកនេះទើបមកដល់វៀតណាមប៉ុន្មានថ្ងៃប៉ុណ្ណោះក្រោយយន្តហោះរុស្ស៊ី Su-30 ចំនួន២គ្រឿងមកដល់វៀតណាម ដែលធ្វើឲ្យចំនួនយន្តហោះចម្បាំងប្រភេទនេះកើនដល់៣២គ្រឿងហើយ។
១.នាវាមុជទឹកបួនគ្រឿងស្ថិតក្នុងប្រតិបត្តិការល្បាតនៅសមុទ្រចិនខាងត្បូងរួចហើយ
តាំងពីឆ្នាំ ២០១៤មក វៀតណាមបានទទួលនាវាមុជទឹកចំនួន ៤គ្រឿងរួចទៅហើយ ហើយនាវាទាំងនោះស្ថិតក្រោមការថែទាំងនិងប្រើប្រាស់របស់កងទ័ពជើងទឹកវៀតណាមដែរ។ បើតាមសារព័ត៌មានរដ្ឋវៀតណាម Thahn Nien នាវាមុជទឹកមួយក្នុងចំណោមនាវាទាំងបួននោះស្ថិតក្នុងប្រតិបត្តិការល្បាតនៅតំបន់សមុទ្រចិនខាងត្បូងរួចទៅហើយ។ ជារួមនាវាមុជទឹកដែលវៀតណាមបាននាំមកនេះ ទំនងជាត្រូវប្រើប្រាស់ដើម្បីការពារដែនទឹករបស់ខ្លួនទប់ទល់រាល់ការគំរាមកំហែងពីខាងក្រៅ ជាពិសេសចិនតែម្តង។នាវាទាំងនោះអាចប្រើប្រាស់បានដើម្បីប្រឆាំងទ័ពជើងទឹកចិនបានក្នុងករណីមានជម្លោះឬការប៉ះទង្គិចគ្នាកើតមានឡើងជាយថាហេតុ។
បើទោះជាវៀតណាមមាននាវាចម្បាំង ឬនាវាមុជទឹកតិចណាស់បើប្រៀបនឹងចិន វាក៏អាចមានលទ្ធភាពធ្វើអោយចិនញរញើត និងមិនអាចបន្តធ្វើអ្វីតាមអំពើចិត្តឡើយ។ នាវានេះអាចដឹកមនុស្សបានជិត៦០នាក់ មុជទឹកបានជម្រៅ ៣០០ម៉ែត្រ ព្រមទាំងធ្វើដំណើរបានចម្ងាយ ៦ពាន់ទៅ ៧៥០០ម៉ាល៍ ក្នុងរយៈពេល៤៥ថ្ងៃឥតឈប់។ ក្រៅពីនេះនាវានេះមានបំពាក់សព្វាវុធទំនើបៗជាច្រើនមានទាំងកាំជ្រួចមីស៊ីលបាញ់យន្តហោះរយៈម្ងាយឆ្ងាយ កាំជ្រួចការពារអាកាស និងបាញ់យន្តហោះជាដើម។
២.វៀតណាមទិញមីស៊ីលរយៈចម្ងាយឆ្ងាយបំពាក់នាវាខ្លួនរួចហើយ
ដោយឡែក កាលពីពាក់កណ្តាលឆ្នាំមុន រដ្ឋាភិបាលក្រុងហាណូយបាននាំចូលប្រភេទមីស៊ីលបំពាក់នាវាមុជទឹក ដែលអាចបាញ់ចេញពីនាវាមុជទឹក និងមានរយៈចម្ងាយឆ្ងាយថែមទៀត។ បើតាមការអះអាងរបស់អ្នកជំនាញយុទ្ធសាស្ត្រយោធា វៀតណាមគ្រោងនឹងប្រើប្រាស់កាំជ្រួចបំពាក់នាវាមុជទឹកនេះ ដើម្បីបំភ័យក្រុងប៉េកាំង ដែលជាភាគីមួយនៃជម្លោះសមុទ្រចិនខាងត្បូងដែរ។ កាលនោះ ចិនប្រតិកម្មដែរដោយចាត់ទុក ការនាំចូលនាវាមុជទឹក និងមីស៊ីលរយៈចម្ងាយឆ្ងាយរបស់រដ្ឋាភិបាលវៀតណាម ជាការបង្ករឿងមួយ ដែលធ្វើឲ្យភាពតានតឹងកាន់តែកើនឡើងថែមទៀត។
វៀតណាមបានក្លាយជារដ្ឋដំបូងបំផុតរបស់អាស៊ាន ដែលហ៊ានទិញអាវុធប្រភេទនេះ ដើម្បីប្រើប្រាស់ក្នុងវិស័យយោធា និងបំពាក់នាវាមុជទឹករបស់ខ្លួន។ វិស័យយោធារបស់វៀតណាមកាន់តែខ្លាំងឡើងៗ ព្រោះរដ្ឋាភិបាលក្រុងហាណូយបានផ្តោតលើការអភិវឌ្ឍវិស័យយោធា ក្នុងរយៈពេលប៉ុន្មានឆ្នាំចុងក្រោយនេះ។ សូម្បីតែហ្វីលីពីនដែលជាភាគីជម្លោះសមុទ្រចិនខាងត្បូងមួយដែរនោះ មិនទាន់ទាំងមាននាវាមុជទឹកប្រើផង។
មីស៊ីលរយៈចម្ងាយឆ្ងាយបំពាក់នាវាមុជទឹក ជាប្រភេទអាវុធមានឥទ្ធិពលក្នុងការប្រឆាំងនាវាចម្បាំង និងកម្ទេចគោលដៅទាំងឡាយ ដែលនៅលើគោកស្ថិតក្នុងចម្ងាយដែលអាវុធនេះអាចរត់ទៅដល់។ បើតាមទីតាំងភូមិសាស្ត្រ មីស៊ីលថ្មីនេះ អាចនឹងត្រូវប្រើប្រាស់ប្រឆាំងចិន ប្រសិនជាករណីមានការប្រយុទ្ធគ្នាកើតឡើង ដ្បិតមីស៊ីលនេះអាចបាញ់ដល់ទីក្រុងមួយចំនួនរបស់ចិន ដែលស្ថិតនៅតាមមាត់សមុទ្រថែមទៀតផង។
អ្នកជំនាញបានវាយតម្លៃរួចហើយថា ការនាំចូលអាវុធប្រភេទនេះ តិចឬច្រើនវានឹងធ្វើឲ្យចិន ញរញើត ហើយចិនក៏ពិបាកវាយតម្លៃពីសមត្ថភាពយោធា និងរៀបចំយុទ្ធសាស្ត្រប្រយុទ្ធប្រសិនបើមានការប៉ះទង្គិចគ្នាកើតឡើងមែននោះ។ យ៉ាងណាក៏ដោយមន្ត្រី និងក្រសួងការពារជាតិវៀតណាមមិនបានផ្តល់យោបល់ឬឆ្លើយតបចំពោះព័ត៌មានទិញមីស៊ីលថ្មីនេះឡើយ ប៉ុន្តែកាលមុនក្រសួងការពារជាតិប្រទេសនេះបានបញ្ជាក់ថា ការនាំចូលអាវុធថ្មីជារឿងទាក់ទងការការពារជាតិប៉ុណ្ណោះ មិនមែនគំរាមរដ្ឋណាមួយឡើយ៕
Tag:
រុស្ស៊ី
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
