​លោក​ព្រឹទ្ធ​ភិរម្យ ប្រាជ្ញ ឈួន សិល្បករ​ចាប៉ីដងវែង​ដ៏​ល្បីល្បាញ​របស់​កម្ពុជា បានប្រកាសថា ប្រសិនបើ​ខ្លួន​មរណភាព​ទៅ ចាប៉ីដងវែង​របស់លោក​ដែលមាន​អាយុកាល​ជាង ២០ ឆ្នាំ នឹង​ប្រគេន​ដល់​ព្រះ​តេជគុណ សាន សុជា ធម្មកថិក​ដ៏​មាន​កិត្តិនាម​នៅ​កម្ពុជា​។ ការប្រកាស​របស់​សិល្ប​ករ​ចាប៉ីដងវែង​វ័យ ៨០ ឆ្នាំ​រូបនេះ បន្ទាប់ពី​ព្រះ​តេជគុណ សាន សុជា ស្នើសុំ​កក់​ចាប៉ី​ពី​លោក​កុំ​ឲ្យ​ប្រគល់​ឲ្យ​អ្នកណា​ក្រៅពី​ព្រះអង្គ ប្រសិនបើ​លោកតា​ទទួល​មរណកាល​ទៅ​។​