ជាតិ
EU ផ្តល់ថវិកាជិត៨០ម៉ឺនយូរ៉ូ ដល់សង្គមស៊ីវិល ដើម្បីជួយពង្រឹងវិស័យអប់រំនៅកម្ពុជា
×![]()
ដោយ: ម៉ៅ សុផា
សហភាពអឺរ៉ុប បានផ្តល់ជំនួយប្រមាណ ៨០ម៉ឺនអឺរ៉ូ (ជិត៨៧លានដុល្លារអាមេរិក) ដល់គម្រោងរបស់អង្គការក្រៅរដ្ឋាភិបាល ដើម្បីចូលរួមពង្រឹងវិស័យអប់រំនៅកម្ពុជា។ តំណាងសហភាពអឺរ៉ុបសង្ឃឹមថា គម្រោងនេះ នឹងអាចធ្វើឲ្យវិស័យអប់រំនៅកម្ពុជា កាន់តែល្អប្រសើរ។ ចំណែកឯ ក្រសួងអប់រំ ក៏បានស្វាគមន៍និងពេញចិត្តចំពោះគម្រោងនេះ ផងដែរ។
អង្គការភាពជាដៃគូអប់រំនៃអង្គការក្រៅរដ្ឋាភិបាល (NEP) បានទទួលជំនួយប្រមាណ ៨០ម៉ឺន យូរ៉ូ ពីសហភាពអឺរ៉ុប សម្រាប់គម្រោងរយៈពេល៣ឆ្នាំ គឺចាប់ពីឆ្នាំ២០១៦ ដល់ឆ្នាំ២០១៨ ។ រហូតមកដល់ពេលនេះ អង្គការក្រៅរដ្ឋាភិបាលជាង១៤០ បានក្លាយជាសមាជិករបស់ NEP ។
ប្រធានអង្គការ NEP លោក ជិន ច័ន្ទវាសនា បានលើកឡើងថា ជំនួយនេះ នឹងជួយជ្រោមជ្រែងក្រុមសង្គមស៊ីវិលទាំង១៤០ ឲ្យមានលទ្ធភាពតាមដានការអនុវត្តគោលនយោបាយអប់រំរបស់រដ្ឋាភិបាល។ លោក បន្តថា ក្រោយពីការរកឃើញចំណុចអវិជ្ជមាន អង្គការទាំងនេះ នឹងផ្តល់អនុសាសន៍ ដល់ក្រសួងអប់រំ ឲ្យកែលម្អនូវភាពខ្វះចន្លោះក្នុងការអនុវត្តគោលនយោបាយ ។ ការលើកឡើងបែបនេះ ធ្វើឡើងក្នុងពិធីសម្ពោធគម្រោងស្តីពី «ការកៀងគរសង្គមស៊ីវិលក្នុងការដោះស្រាយភាពខ្វះចន្លោះនៃការអនុវត្តកំណែទម្រង់វិស័យអប់រំ» នៅសណ្ឋាគារកាំបូឌីយ៉ាណា នាថ្ងៃទី៣ ខែមិនានេះ។
លោក ជិន ច័ន្ទវាសនា បានបន្ថែមទៀតថា នាពេលបច្ចុប្បន្ននេះ ក្រសួងអប់រំ នៅតែមានភាពខ្វះចន្លោះក្នុងការអនុវត្តគោលនយោបាយ។ លោក បានលើកពីចំណុចអវិជ្ជមានថា តាមគោលការណ៍ ក្រសួងកំណត់ឲ្យគ្រូនៅកម្រិតបឋមសិក្សា ត្រូវបង្រៀនឲ្យគ្រប់៨៥០ម៉ោង ក្នុងមួយឆ្នាំ តែជាក់ស្តែង គ្រូបង្រៀនបានតែជាង៦០០ម៉ោងប៉ុណ្ណោះ។ ប្រធានអង្គការ NEP រូបនេះ បានអះអាងទៀតថា វិស័យអប់រំ នៅមានភាពខ្វះចន្លោះជាច្រើនទៀត ដូចជា មន្ត្រីអប់រំនៅថ្នាក់ក្រោមជាតិមិនយល់ច្បាស់ពីគោលនយោបាយរបស់ក្រសួង ហើយគោលនយោបាយខ្លះ នៅមានភាពអសកម្មក្នុងការអនុវត្ត ជាដើម។
តំណាងគណៈប្រតិភូសហភាពអឺរ៉ុប លោក Alain Vandersmissen រំពឹងថា ការផ្តល់ជំនួយដល់អង្គការក្រៅរដ្ឋាភិបាលនេះ នឹងអាចបង្កើនគុណភាពអប់រំនៅកម្ពុជា។ លោក បន្ថែមថា គម្រោងនេះ គ្មានបំណងអ្វីក្រៅពីការផ្តល់ឱកាសដល់ក្រុមសង្គមស៊ីវិល បានពិភាក្សាគ្នា និងផ្តល់យោបល់ ដល់រដ្ឋាភិបាល ឲ្យកែតម្រូវនូវភាពខ្វះខាតក្នុងការអនុវត្តគោលនយោបាយអប់រំ នោះទេ។
អគ្គនាយក នៃអគ្គនាយកដ្ឋានគោលនយោបាយ និងផែនការ ក្រសួងអប់រំ លោក លឹម សុធា បានសម្តែងភាពរីករាយ ចំពោះការជួយជ្រោមជ្រែងរបស់សហភាពអឺរុប តាមរយៈការផ្តល់ថវិកាដល់ក្រុមសង្គមស៊ីវិល ដើម្បីចូលរួមពង្រឹងវិស័យអប់រំនៅកម្ពុជា។ លោក ទទួលស្គាល់ថា បើទោះបីជាវិស័យអប់រំមានភាពរីកចម្រើនក្នុងរយៈពេលចុងក្រោយនេះក៏ពិតមែន តែភាពខ្វះចន្លោះក្នុងការអនុវត្តគោលនយោបាយ នៅតែមាន។ ដូច្នេះ តំណាងក្រសួងអប់រំរូបនេះ សង្ឃឹមថា ក្រសួងនឹងទទួលបានគំនិតនិងយន្តការផ្សេង ពីសង្គមស៊ីវិលទាំងនោះ ដើម្បីចូលរួមពង្រឹងវិស័យអប់រំនៅកម្ពុជាទាំងអស់គ្នា៕
អង្គការភាពជាដៃគូអប់រំនៃអង្គការក្រៅរដ្ឋាភិបាល (NEP) បានទទួលជំនួយប្រមាណ ៨០ម៉ឺន យូរ៉ូ ពីសហភាពអឺរ៉ុប សម្រាប់គម្រោងរយៈពេល៣ឆ្នាំ គឺចាប់ពីឆ្នាំ២០១៦ ដល់ឆ្នាំ២០១៨ ។ រហូតមកដល់ពេលនេះ អង្គការក្រៅរដ្ឋាភិបាលជាង១៤០ បានក្លាយជាសមាជិករបស់ NEP ។
ប្រធានអង្គការ NEP លោក ជិន ច័ន្ទវាសនា បានលើកឡើងថា ជំនួយនេះ នឹងជួយជ្រោមជ្រែងក្រុមសង្គមស៊ីវិលទាំង១៤០ ឲ្យមានលទ្ធភាពតាមដានការអនុវត្តគោលនយោបាយអប់រំរបស់រដ្ឋាភិបាល។ លោក បន្តថា ក្រោយពីការរកឃើញចំណុចអវិជ្ជមាន អង្គការទាំងនេះ នឹងផ្តល់អនុសាសន៍ ដល់ក្រសួងអប់រំ ឲ្យកែលម្អនូវភាពខ្វះចន្លោះក្នុងការអនុវត្តគោលនយោបាយ ។ ការលើកឡើងបែបនេះ ធ្វើឡើងក្នុងពិធីសម្ពោធគម្រោងស្តីពី «ការកៀងគរសង្គមស៊ីវិលក្នុងការដោះស្រាយភាពខ្វះចន្លោះនៃការអនុវត្តកំណែទម្រង់វិស័យអប់រំ» នៅសណ្ឋាគារកាំបូឌីយ៉ាណា នាថ្ងៃទី៣ ខែមិនានេះ។
លោក ជិន ច័ន្ទវាសនា បានបន្ថែមទៀតថា នាពេលបច្ចុប្បន្ននេះ ក្រសួងអប់រំ នៅតែមានភាពខ្វះចន្លោះក្នុងការអនុវត្តគោលនយោបាយ។ លោក បានលើកពីចំណុចអវិជ្ជមានថា តាមគោលការណ៍ ក្រសួងកំណត់ឲ្យគ្រូនៅកម្រិតបឋមសិក្សា ត្រូវបង្រៀនឲ្យគ្រប់៨៥០ម៉ោង ក្នុងមួយឆ្នាំ តែជាក់ស្តែង គ្រូបង្រៀនបានតែជាង៦០០ម៉ោងប៉ុណ្ណោះ។ ប្រធានអង្គការ NEP រូបនេះ បានអះអាងទៀតថា វិស័យអប់រំ នៅមានភាពខ្វះចន្លោះជាច្រើនទៀត ដូចជា មន្ត្រីអប់រំនៅថ្នាក់ក្រោមជាតិមិនយល់ច្បាស់ពីគោលនយោបាយរបស់ក្រសួង ហើយគោលនយោបាយខ្លះ នៅមានភាពអសកម្មក្នុងការអនុវត្ត ជាដើម។
តំណាងគណៈប្រតិភូសហភាពអឺរ៉ុប លោក Alain Vandersmissen រំពឹងថា ការផ្តល់ជំនួយដល់អង្គការក្រៅរដ្ឋាភិបាលនេះ នឹងអាចបង្កើនគុណភាពអប់រំនៅកម្ពុជា។ លោក បន្ថែមថា គម្រោងនេះ គ្មានបំណងអ្វីក្រៅពីការផ្តល់ឱកាសដល់ក្រុមសង្គមស៊ីវិល បានពិភាក្សាគ្នា និងផ្តល់យោបល់ ដល់រដ្ឋាភិបាល ឲ្យកែតម្រូវនូវភាពខ្វះខាតក្នុងការអនុវត្តគោលនយោបាយអប់រំ នោះទេ។
អគ្គនាយក នៃអគ្គនាយកដ្ឋានគោលនយោបាយ និងផែនការ ក្រសួងអប់រំ លោក លឹម សុធា បានសម្តែងភាពរីករាយ ចំពោះការជួយជ្រោមជ្រែងរបស់សហភាពអឺរុប តាមរយៈការផ្តល់ថវិកាដល់ក្រុមសង្គមស៊ីវិល ដើម្បីចូលរួមពង្រឹងវិស័យអប់រំនៅកម្ពុជា។ លោក ទទួលស្គាល់ថា បើទោះបីជាវិស័យអប់រំមានភាពរីកចម្រើនក្នុងរយៈពេលចុងក្រោយនេះក៏ពិតមែន តែភាពខ្វះចន្លោះក្នុងការអនុវត្តគោលនយោបាយ នៅតែមាន។ ដូច្នេះ តំណាងក្រសួងអប់រំរូបនេះ សង្ឃឹមថា ក្រសួងនឹងទទួលបានគំនិតនិងយន្តការផ្សេង ពីសង្គមស៊ីវិលទាំងនោះ ដើម្បីចូលរួមពង្រឹងវិស័យអប់រំនៅកម្ពុជាទាំងអស់គ្នា៕
Tag:
អឺរ៉ុប
សង្គមស៊ីវិល
ជំនួយ
© រក្សាសិទ្ធិដោយ thmeythmey.com
