ជាតិ
អាជ្ញាធរអប្សរាប្រាប់ហេតុផលខ្លះដែលមិនអាចបន្ថែមចំនួនទេសចរនៅលើភ្នំបាខែង
×![]()
ដោយ: ថ្មីៗ
សៀមរាប៖ ប្រាសាទភ្នំបាខែង គឺជាកន្លែងមើលថ្ងៃលិចដ៏ស្រស់ស្អាតនៅក្នុងរមណីយដ្ឋានអង្គរ។ ភ្នំបាខែង មានកម្ពស់ប្រមាណ១០០ម៉ែត្រ។ ភ្ញៀវទេសចរជាតិ និងអន្តរជាតិតែងឡើងភ្នំនេះ ដើម្បីគយគន់ថ្ងៃលិចពីលើកំពូលប្រាសាទ ដែលសង់នៅលើកំពូលភ្នំ។ ភ្ញៀវទេសចរ ក៏អាចមើលឃើញតំបន់អង្គរពីកំពូលភ្នំដ៏ស្រស់ស្អាតផងដែរ។ 
ដើម្បីការពារប្រាសាទដែលមានសភាពចាស់ ក៏ដូចជាការការពារសុវត្ថិភាពភ្ញៀវទេសចរផងនោះ អាជ្ញាធរជាតិអប្សរា ដែលជាស្ថាប័នគ្រប់គ្រងរមណីយដ្ឋានអង្គរ បានកំណត់ចំនួនភ្ញៀវទេសចរ ឡើងទៅលើភ្នំបាខែង។ ចំនួនត្រូវបានកំណត់ត្រឹម៣០០នាក់ និងអាចឡើងចុះតាមស្ថានភាពជាក់ស្តែងរបស់ភ្ញៀវទេសចរ។
កន្លងមកធ្លាប់មានសំណួរជាច្រើន សួរអំពីលទ្ធភាពបង្កើនចំនួនភ្ញៀវឡើងប្រាសាទភ្នំបាខែងលើសពី៣០០នាក់។ ដើម្បីពន្យល់ពីមូលហេតុដែលអាជ្ញាធរមិនអាចបង្កើនបរិមាណភ្ញៀវទេសចរនៅលើភ្នំបាខែងនោះ អាជ្ញាធរជាតិអប្សរា បានលើកហេតុផល៧ចំណុច ដើម្បីពន្យល់ប្រាប់សាធារណជន។
ហេតុផលទីមួយរបស់អាជ្ញាធរជាតិអប្សរា គឺ “អភិរក្សដើម្បីអភិវឌ្ឍ អភិវឌ្ឍដើម្បីអភិរក្ស” ជាគោលការណ៍របស់អាជ្ញាធរជាតិអប្សរាក្នុងការគ្រប់គ្រងនិងថែរក្សាតំបន់អង្គរ ដើម្បីរៀបចំ និងអភិវឌ្ឍន៍វិស័យទេសចរណ៍ឲ្យមានចីរភាពក្នុងន័យរក្សាគុណតម្លៃដែលមិនអាចជំនួសបានសម្រាប់កូនចៅជំនាន់ក្រោយៗទៀត។ បេសកកម្មដ៏ចំបងដែលអាជ្ញាធរជាតិអប្សរាចាំបាច់រក្សាដែលប្រៀបបានជា មេមាន់ពងមាស។ ទីពីរ ការកំណត់ចំនួនភ្ញៀវ ធ្វើឡើងដោយភាគីអប្សរា និងអង្គការ WMF ដែលកំពុងជួសជុលប្រាសាទបាខែង។ ព្រោះអ្នកជំនាញបានសិក្សា និងបានប្រកាសពីហានិភ័យរបស់ភ្នំបាខែង។ ភ្ញៀវទេសចរ នឹងអាចមានគ្រោះថ្នាក់ជាយថាហេតុ រួមនិងប្រាសាទផងដែរ បើសិនមិនគោរពការគោលការណ៍របស់អាជ្ញាធរ។
ហេតុផលទីបី វាជាការធម្មតាសម្រាប់តំបន់ទេសចរណ៍ មិនថានៅកម្ពុជា។ អាជ្ញាធរអប្សរា បានលើកយកករណីនៅតំបន់ទេសចរណ៍មួយនៅក្រុងប៉ារីស គឺភ្ញៀវទេសចរត្រូវរង់ចាំរហូតដល់៣ម៉ោងក៏មាន ដើម្បីចូលទស្សនាវាំងនៅទីក្រុងប៉ារីស។ ហើយករណីនៅភ្នំបាខែង គឺដូចគ្នា។ ទីបួន តំបន់អង្គរមានកន្លែងមើលថ្ងៃលិចផ្សេងទៀតមាននៅប្រាសាទប្រែរូប ភ្នំក្រោម ទន្លេសាបជាដើម។ ដូច្នេះក្រុមហ៊ុនទីភ្នាក់ងារទេសចរណ៍ និងមគ្គុទ្ទេសក៍ គួររៀបចំឲ្យភ្ញៀវទេសចរទៅតំបន់ទាំងនោះ ដើម្បីកុំឲ្យមានការរង់ចាំយូរ។
ចំណុចទីប្រាំអាជ្ញាធរអប្សរា បញ្ជាក់ពីហានិភ័យសារជាថ្មីទៅលើប្រាសាទ ប្រសិនបើមានការបង្កើនចំនួនអ្នកឡើងទស្សនា ហើយវាក៏មិនអាចបញ្ជៀសបានពីការតម្រង់ជួររង់ចាំនោះដែរ ព្រោះថាចំនួនទេសចរកាន់តែកើនឡើងពីមួយថ្ងៃទៅមួយថ្ងៃ។ ទីប្រាំមួយ អាជ្ញាធរកំពុងពិនិត្យពីជំហានបន្ទាប់ នឹងឈានដល់ប្រព័ន្ធកក់ទុកជាមុន និងទីប្រាំពីរ ដោយយល់ច្បាស់ពីតម្រូវការទីតាំងទស្សនាថ្ងៃលិចរបស់ភ្ញៀវទេសចរ និងដើម្បីកាត់បន្ថយសម្ពាធនៅប្រាសាទភ្នំបាខែង អាជ្ញាធរជាតិអប្សរាបានសិក្សាពីផែនការរៀបចំបរិក្ខារទេសចរណ៍ចាំបាច់មួយចំនួនសម្រាប់បម្រើដល់ការទស្សនាថ្ងៃលិចនៅប្រាសាទភ្នំបូកផងដែរ៕
ដើម្បីការពារប្រាសាទដែលមានសភាពចាស់ ក៏ដូចជាការការពារសុវត្ថិភាពភ្ញៀវទេសចរផងនោះ អាជ្ញាធរជាតិអប្សរា ដែលជាស្ថាប័នគ្រប់គ្រងរមណីយដ្ឋានអង្គរ បានកំណត់ចំនួនភ្ញៀវទេសចរ ឡើងទៅលើភ្នំបាខែង។ ចំនួនត្រូវបានកំណត់ត្រឹម៣០០នាក់ និងអាចឡើងចុះតាមស្ថានភាពជាក់ស្តែងរបស់ភ្ញៀវទេសចរ។
កន្លងមកធ្លាប់មានសំណួរជាច្រើន សួរអំពីលទ្ធភាពបង្កើនចំនួនភ្ញៀវឡើងប្រាសាទភ្នំបាខែងលើសពី៣០០នាក់។ ដើម្បីពន្យល់ពីមូលហេតុដែលអាជ្ញាធរមិនអាចបង្កើនបរិមាណភ្ញៀវទេសចរនៅលើភ្នំបាខែងនោះ អាជ្ញាធរជាតិអប្សរា បានលើកហេតុផល៧ចំណុច ដើម្បីពន្យល់ប្រាប់សាធារណជន។
ហេតុផលទីមួយរបស់អាជ្ញាធរជាតិអប្សរា គឺ “អភិរក្សដើម្បីអភិវឌ្ឍ អភិវឌ្ឍដើម្បីអភិរក្ស” ជាគោលការណ៍របស់អាជ្ញាធរជាតិអប្សរាក្នុងការគ្រប់គ្រងនិងថែរក្សាតំបន់អង្គរ ដើម្បីរៀបចំ និងអភិវឌ្ឍន៍វិស័យទេសចរណ៍ឲ្យមានចីរភាពក្នុងន័យរក្សាគុណតម្លៃដែលមិនអាចជំនួសបានសម្រាប់កូនចៅជំនាន់ក្រោយៗទៀត។ បេសកកម្មដ៏ចំបងដែលអាជ្ញាធរជាតិអប្សរាចាំបាច់រក្សាដែលប្រៀបបានជា មេមាន់ពងមាស។ ទីពីរ ការកំណត់ចំនួនភ្ញៀវ ធ្វើឡើងដោយភាគីអប្សរា និងអង្គការ WMF ដែលកំពុងជួសជុលប្រាសាទបាខែង។ ព្រោះអ្នកជំនាញបានសិក្សា និងបានប្រកាសពីហានិភ័យរបស់ភ្នំបាខែង។ ភ្ញៀវទេសចរ នឹងអាចមានគ្រោះថ្នាក់ជាយថាហេតុ រួមនិងប្រាសាទផងដែរ បើសិនមិនគោរពការគោលការណ៍របស់អាជ្ញាធរ។
ហេតុផលទីបី វាជាការធម្មតាសម្រាប់តំបន់ទេសចរណ៍ មិនថានៅកម្ពុជា។ អាជ្ញាធរអប្សរា បានលើកយកករណីនៅតំបន់ទេសចរណ៍មួយនៅក្រុងប៉ារីស គឺភ្ញៀវទេសចរត្រូវរង់ចាំរហូតដល់៣ម៉ោងក៏មាន ដើម្បីចូលទស្សនាវាំងនៅទីក្រុងប៉ារីស។ ហើយករណីនៅភ្នំបាខែង គឺដូចគ្នា។ ទីបួន តំបន់អង្គរមានកន្លែងមើលថ្ងៃលិចផ្សេងទៀតមាននៅប្រាសាទប្រែរូប ភ្នំក្រោម ទន្លេសាបជាដើម។ ដូច្នេះក្រុមហ៊ុនទីភ្នាក់ងារទេសចរណ៍ និងមគ្គុទ្ទេសក៍ គួររៀបចំឲ្យភ្ញៀវទេសចរទៅតំបន់ទាំងនោះ ដើម្បីកុំឲ្យមានការរង់ចាំយូរ។
ចំណុចទីប្រាំអាជ្ញាធរអប្សរា បញ្ជាក់ពីហានិភ័យសារជាថ្មីទៅលើប្រាសាទ ប្រសិនបើមានការបង្កើនចំនួនអ្នកឡើងទស្សនា ហើយវាក៏មិនអាចបញ្ជៀសបានពីការតម្រង់ជួររង់ចាំនោះដែរ ព្រោះថាចំនួនទេសចរកាន់តែកើនឡើងពីមួយថ្ងៃទៅមួយថ្ងៃ។ ទីប្រាំមួយ អាជ្ញាធរកំពុងពិនិត្យពីជំហានបន្ទាប់ នឹងឈានដល់ប្រព័ន្ធកក់ទុកជាមុន និងទីប្រាំពីរ ដោយយល់ច្បាស់ពីតម្រូវការទីតាំងទស្សនាថ្ងៃលិចរបស់ភ្ញៀវទេសចរ និងដើម្បីកាត់បន្ថយសម្ពាធនៅប្រាសាទភ្នំបាខែង អាជ្ញាធរជាតិអប្សរាបានសិក្សាពីផែនការរៀបចំបរិក្ខារទេសចរណ៍ចាំបាច់មួយចំនួនសម្រាប់បម្រើដល់ការទស្សនាថ្ងៃលិចនៅប្រាសាទភ្នំបូកផងដែរ៕
© រក្សាសិទ្ធិដោយ thmeythmey.com
