ជាតិ
សមាជិកឧត្តមក្រុមប្រឹក្សានៃអង្គចៅក្រម ថាមិនដែលឃើញអ្នកណាបញ្ជាតុលាការទេ
×![]()
ដោយ: ម៉ៅ សុផា
គេឮពេញត្រចៀកទៅហើយ ចំពោះពាក្យនិន្ទាពីសំណាក់ប្រជាពលរដ្ឋមួយចំនួនធំ និងអ្នកនយោបាយបក្សប្រឆាំង ដែលចាត់ទុកថាស្ថាប័នតុលាការ កំពុងស្ថិតនៅក្រោមការបង្គាប់បញ្ជាពីបក្សកាន់អំណាច។ ប៉ុន្តែ សមាជិកនៃឧត្តមក្រុមប្រឹក្សានៃអង្គចៅក្រមមួយរូប បានច្រានចោលការចោទប្រកាន់នេះ។
លោក អ៊ិត រ៉ាឌី សមាជិកមួយរូបនៃឧត្តមក្រុមប្រឹក្សានៃអង្គចៅក្រម មិនអាចទទួលយកបានសោះឡើយ ចំពោះពាក្យនិន្ទាពីសំណាក់បក្សប្រឆាំង ឬអង្គការក្រៅរដ្ឋាភិបាល ដែលតែងវាយប្រហារថាស្ថាប័នតុលាការ សម្រេចសេចក្តី តាមការបង្គាប់បញ្ជាពីបក្សកាន់អំណាច។ លោក អ៊ិត រ៉ាឌី យល់ស្របត្រង់ចំណុចថា មនុស្សគ្រប់រូប និងស្ថាបន័គ្រប់ជាន់ថ្នាក់ តែងសហការនិងផ្សារភ្ជាប់ទំនាក់ទំនងជាមួយគ្នាទៅវិញទៅមក ដោយជៀសមិនរួច ដូច្នេះ ការរងឥទ្ធិពពីភាគីណាមួយ ទៅលើភាគីមួយផ្សេងទៀត ក៏តែងតែកើតមានដែរ។ ប៉ុន្តែ លោកមិនឯកភាពនោះទេ បើចោទថា តុលាការសម្រេចសេចក្តីតាមការបង្គាប់បញ្ជាពីបុគ្គលអ្នកមានអំណាចណាម្នាក់។
សមាជិកនៃឧត្តមក្រុមប្រឹក្សានៃអង្គចៅក្រមរូបនេះ បន្ថែមទៀតថា ការចោទប្រកាន់ពីប្រភពបក្សប្រឆាំង ឬស្ថាប័នផ្សេងៗ គ្រាន់តែជាលេសរបស់ពួកគេប៉ុណ្ណោះ។ លោកថា ដើម្បីមានរឿងប្រឆាំង បក្សប្រឆាំង ត្រូវតែបង្កើតរឿងអ៊ីចឹងហើយ។
លោក អ៊ិត រ៉ាឌី បានបញ្ជាក់ដូច្នេះថា៖«ធម្មតាទេ រឿងប្រឆាំងតែងរកលេស ដើម្បីលើកឡើង។ បើគ្មានលេស អត់មានអ្វីប្រឆាំងទេ អ៊ីចឹងចេះតែប្រឹងរកលេសនេះ លេលនោះទៅ ដើម្បីប្រឆាំង។ យើងដឹងហើយថា នៅក្នុងប្រទេសមួយ យើងមិនអាចរស់នៅតែឯង ឬផ្តាច់ខ្លួនតែឯងកើតទេ គឺយើងត្រូវស្ថិតនៅក្នុងក្របខណ្ឌនីតិរដ្ឋមួយ ដែលយើងរស់នៅជាមួយគ្នា។ អ៊ីចឹងវាត្រូវទទួលឥទ្ធិពលខ្លះពីខាងណេះ ពីខាងណោះ ដោយជៀសឥតផុតទេ។ ប៉ុន្តែ យើងឃើងហើយថា មិនទាន់មាននរណាមួយទៅបញ្ជាតុលាការ ថាអ្នកឯងសម្រេចបែបនេះ អ្នកឯងសម្រេចបែបនោះទេ គឺអត់មានទេ»។ យើងត្រូវយល់ពីបញ្ហាហ្នឹងទាំងអស់គ្នា»។
លោក អ៊ិត រ៉ាឌី បានថ្លែងបែបនេះទៅកាន់ក្រុមអ្នកសារព័ត៌មាន បន្ទាប់ពីបញ្ចប់ពិធីបើកសិក្ខាសាលាស្តីពី «ក្រមសីលធម៌ចៅក្រម» នៅវិមានរដ្ឋចម្ការមន នាពេលព្រឹកថ្ងៃទី២៤ ខែមីនានេះ។ ឧត្តមក្រុមប្រឹក្សានៃអង្គចៅក្រម បានកោះហៅប្រធានតុលាការជាន់ទាបនិងព្រះរាជអាជ្ញាអមតុលាការជាន់ទាប ទាំង២៥រាជធានីខេត្ត ចូលរួមក្នុងសិក្ខាសាលានេះ ដើម្បីពិភាក្សាពីបញ្ហាក្រមសីលធម៌នៃអង្គចៅក្រម ក្នុងគោលបំណងពង្រឹងនូវប្រព័ន្ធយុត្តិធម៌នៅកម្ពុជា ឲ្យកាន់ប្រសើរឡើង។ សិក្ខាសាលានេះ ក៏មានការចូលរួមពីសំណាក់មន្ត្រីនៃអង្គការក្រៅរដ្ឋាភិបាលជាតិនិងអន្តរជាតិ ផងដែរ។
បើតាមរដ្ឋធម្មនុញ្ញ អង្គការតុលាការ គឺជាស្ថាប័នឯករាជនិងអព្យាក្រឹត ដោយមិនស្ថិតនៅក្រោមអំណាចរបស់បុគ្គលណាមួយឡើយ។ បើទោះបីជាច្បាប់កំពូលចែងបែបនេះមែន តែអ្នកនយោបាយបក្សប្រឆាំង រួមទាំងក្រុមសង្គមស៊ីវិលមួយចំនួន តែងវាយប្រហារអង្គការនីតិវិនិច្ឆ័យថា សម្រេចក្តីតាមតែការចង្អុលបង្ហាញពីបក្សកាន់អំណាច ឬអ្នកមានឥទ្ធិពលណាមួយ ដែលធ្វើឲ្យការកាត់មានភាពលម្អៀងនិងភាពអយុត្តិធម៌។
ថ្លែងប្រាប់សារព័ត៌មានថ្មីៗ មន្ត្រីជាន់ខ្ពស់នៃបក្សប្រឆាំង លោក អេង ឆៃអ៊ាង បានអះអាងថា គណបក្សសង្គ្រោះជាតិ រិះគន់ប្រព័ន្ធយុត្តិធម៌បែបនេះ គឺដោយសារតែមើលឃើញភាពអយុត្តិធម៌ជាក់ស្តែងក្នុងសង្គម តែមិនមែនបង្កើតលេស ដើម្បីវាយប្រហារប្រហារស្ថាប័នតុលាការ ក្នុងគោលបំណងកេងចំណេញនយោបាយឡើយ។ លោកថា បើទោះបីជា គណបក្សប្រឆាំង មិនរិះគន់ក៏ដោយ ក៏គេគង់តែដឹងឮគ្រប់គ្នាដែរ ព្រោះនេះជាការពិត ដែលប្រជាពលរដ្ឋរងគ្រោះដោយសារតែអង្គការតុលាការនៅកម្ពុជា។
ទាក់ទងនឹងបញ្ហានេះផងដែរ ក្នុងនាមជាប្រធានគណៈកម្មការទី១នៃរដ្ឋសភា លោក អេង ឆៃអ៊ាង នឹងកោះហៅលោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ ឲ្យចូលបំភ្លឺពីការអនុវត្តរបស់តុលាការដែលទាក់ទងនឹងសិទ្ធិប្រជាពលរដ្ឋ នៅថ្ងៃទី២៥ ខែមីនា ឆ្នាំ២០១៦ ។ ក្នុងកិច្ចប្រជុំនេះ លោកនឹងលើកយកប្រធានចំនួន ៤ ទៅពិភាក្សាជាមួយ រដ្ឋមន្ត្រីក្រសួងយុត្តិធម៌។ ប្រធានបទទាំងនោះ គឺ ១. ការចាប់ ការឃុំខ្លួន និងការផ្តន្ទាទោសអនីតិជន, ២. ការឃុំខ្លួនលើសនីតិវិធីកំណត់, ៣. កំហុសនៃការអនុវត្តនីតិវិធី និងការមិនអនុវត្តតួនាទីរបស់ចៅក្រម និងព្រះរាជអាជ្ញា ជុំវិញករណីវិវាទដីធ្លី និងវិវាទផ្សេងទៀត, ៤. ឯករាជ្យភាពរបស់តុលាការ និងការជ្រៀតជ្រែក៕
លោក អ៊ិត រ៉ាឌី សមាជិកមួយរូបនៃឧត្តមក្រុមប្រឹក្សានៃអង្គចៅក្រម មិនអាចទទួលយកបានសោះឡើយ ចំពោះពាក្យនិន្ទាពីសំណាក់បក្សប្រឆាំង ឬអង្គការក្រៅរដ្ឋាភិបាល ដែលតែងវាយប្រហារថាស្ថាប័នតុលាការ សម្រេចសេចក្តី តាមការបង្គាប់បញ្ជាពីបក្សកាន់អំណាច។ លោក អ៊ិត រ៉ាឌី យល់ស្របត្រង់ចំណុចថា មនុស្សគ្រប់រូប និងស្ថាបន័គ្រប់ជាន់ថ្នាក់ តែងសហការនិងផ្សារភ្ជាប់ទំនាក់ទំនងជាមួយគ្នាទៅវិញទៅមក ដោយជៀសមិនរួច ដូច្នេះ ការរងឥទ្ធិពពីភាគីណាមួយ ទៅលើភាគីមួយផ្សេងទៀត ក៏តែងតែកើតមានដែរ។ ប៉ុន្តែ លោកមិនឯកភាពនោះទេ បើចោទថា តុលាការសម្រេចសេចក្តីតាមការបង្គាប់បញ្ជាពីបុគ្គលអ្នកមានអំណាចណាម្នាក់។
សមាជិកនៃឧត្តមក្រុមប្រឹក្សានៃអង្គចៅក្រមរូបនេះ បន្ថែមទៀតថា ការចោទប្រកាន់ពីប្រភពបក្សប្រឆាំង ឬស្ថាប័នផ្សេងៗ គ្រាន់តែជាលេសរបស់ពួកគេប៉ុណ្ណោះ។ លោកថា ដើម្បីមានរឿងប្រឆាំង បក្សប្រឆាំង ត្រូវតែបង្កើតរឿងអ៊ីចឹងហើយ។
លោក អ៊ិត រ៉ាឌី បានបញ្ជាក់ដូច្នេះថា៖«ធម្មតាទេ រឿងប្រឆាំងតែងរកលេស ដើម្បីលើកឡើង។ បើគ្មានលេស អត់មានអ្វីប្រឆាំងទេ អ៊ីចឹងចេះតែប្រឹងរកលេសនេះ លេលនោះទៅ ដើម្បីប្រឆាំង។ យើងដឹងហើយថា នៅក្នុងប្រទេសមួយ យើងមិនអាចរស់នៅតែឯង ឬផ្តាច់ខ្លួនតែឯងកើតទេ គឺយើងត្រូវស្ថិតនៅក្នុងក្របខណ្ឌនីតិរដ្ឋមួយ ដែលយើងរស់នៅជាមួយគ្នា។ អ៊ីចឹងវាត្រូវទទួលឥទ្ធិពលខ្លះពីខាងណេះ ពីខាងណោះ ដោយជៀសឥតផុតទេ។ ប៉ុន្តែ យើងឃើងហើយថា មិនទាន់មាននរណាមួយទៅបញ្ជាតុលាការ ថាអ្នកឯងសម្រេចបែបនេះ អ្នកឯងសម្រេចបែបនោះទេ គឺអត់មានទេ»។ យើងត្រូវយល់ពីបញ្ហាហ្នឹងទាំងអស់គ្នា»។
លោក អ៊ិត រ៉ាឌី បានថ្លែងបែបនេះទៅកាន់ក្រុមអ្នកសារព័ត៌មាន បន្ទាប់ពីបញ្ចប់ពិធីបើកសិក្ខាសាលាស្តីពី «ក្រមសីលធម៌ចៅក្រម» នៅវិមានរដ្ឋចម្ការមន នាពេលព្រឹកថ្ងៃទី២៤ ខែមីនានេះ។ ឧត្តមក្រុមប្រឹក្សានៃអង្គចៅក្រម បានកោះហៅប្រធានតុលាការជាន់ទាបនិងព្រះរាជអាជ្ញាអមតុលាការជាន់ទាប ទាំង២៥រាជធានីខេត្ត ចូលរួមក្នុងសិក្ខាសាលានេះ ដើម្បីពិភាក្សាពីបញ្ហាក្រមសីលធម៌នៃអង្គចៅក្រម ក្នុងគោលបំណងពង្រឹងនូវប្រព័ន្ធយុត្តិធម៌នៅកម្ពុជា ឲ្យកាន់ប្រសើរឡើង។ សិក្ខាសាលានេះ ក៏មានការចូលរួមពីសំណាក់មន្ត្រីនៃអង្គការក្រៅរដ្ឋាភិបាលជាតិនិងអន្តរជាតិ ផងដែរ។
បើតាមរដ្ឋធម្មនុញ្ញ អង្គការតុលាការ គឺជាស្ថាប័នឯករាជនិងអព្យាក្រឹត ដោយមិនស្ថិតនៅក្រោមអំណាចរបស់បុគ្គលណាមួយឡើយ។ បើទោះបីជាច្បាប់កំពូលចែងបែបនេះមែន តែអ្នកនយោបាយបក្សប្រឆាំង រួមទាំងក្រុមសង្គមស៊ីវិលមួយចំនួន តែងវាយប្រហារអង្គការនីតិវិនិច្ឆ័យថា សម្រេចក្តីតាមតែការចង្អុលបង្ហាញពីបក្សកាន់អំណាច ឬអ្នកមានឥទ្ធិពលណាមួយ ដែលធ្វើឲ្យការកាត់មានភាពលម្អៀងនិងភាពអយុត្តិធម៌។
ថ្លែងប្រាប់សារព័ត៌មានថ្មីៗ មន្ត្រីជាន់ខ្ពស់នៃបក្សប្រឆាំង លោក អេង ឆៃអ៊ាង បានអះអាងថា គណបក្សសង្គ្រោះជាតិ រិះគន់ប្រព័ន្ធយុត្តិធម៌បែបនេះ គឺដោយសារតែមើលឃើញភាពអយុត្តិធម៌ជាក់ស្តែងក្នុងសង្គម តែមិនមែនបង្កើតលេស ដើម្បីវាយប្រហារប្រហារស្ថាប័នតុលាការ ក្នុងគោលបំណងកេងចំណេញនយោបាយឡើយ។ លោកថា បើទោះបីជា គណបក្សប្រឆាំង មិនរិះគន់ក៏ដោយ ក៏គេគង់តែដឹងឮគ្រប់គ្នាដែរ ព្រោះនេះជាការពិត ដែលប្រជាពលរដ្ឋរងគ្រោះដោយសារតែអង្គការតុលាការនៅកម្ពុជា។
ទាក់ទងនឹងបញ្ហានេះផងដែរ ក្នុងនាមជាប្រធានគណៈកម្មការទី១នៃរដ្ឋសភា លោក អេង ឆៃអ៊ាង នឹងកោះហៅលោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ ឲ្យចូលបំភ្លឺពីការអនុវត្តរបស់តុលាការដែលទាក់ទងនឹងសិទ្ធិប្រជាពលរដ្ឋ នៅថ្ងៃទី២៥ ខែមីនា ឆ្នាំ២០១៦ ។ ក្នុងកិច្ចប្រជុំនេះ លោកនឹងលើកយកប្រធានចំនួន ៤ ទៅពិភាក្សាជាមួយ រដ្ឋមន្ត្រីក្រសួងយុត្តិធម៌។ ប្រធានបទទាំងនោះ គឺ ១. ការចាប់ ការឃុំខ្លួន និងការផ្តន្ទាទោសអនីតិជន, ២. ការឃុំខ្លួនលើសនីតិវិធីកំណត់, ៣. កំហុសនៃការអនុវត្តនីតិវិធី និងការមិនអនុវត្តតួនាទីរបស់ចៅក្រម និងព្រះរាជអាជ្ញា ជុំវិញករណីវិវាទដីធ្លី និងវិវាទផ្សេងទៀត, ៤. ឯករាជ្យភាពរបស់តុលាការ និងការជ្រៀតជ្រែក៕
Tag:
តុលាការ
ឧត្តមក្រុមប្រឹក្សានៃអង្គចៅក្រម
© រក្សាសិទ្ធិដោយ thmeythmey.com
