ពីនេះ ពីនោះ
តើពាក្យ «ភ័យន្តរាយ, ភយន្តរាយ និង ភ័យអន្តរាយ» មួយណាទើបត្រឹមត្រូវ?
× សម្រាប់ពាក្យថា «ភ័យន្តរាយ, ភយន្តរាយ និង ភ័យអន្តរាយ» នេះប្រហែលជានៅមានសាធារណជនជាច្រើននៅមានការស្រពេចស្រពិលក្នុងការសរសេរ ថាគួរសរសេរពាក្យមួយណាទើបត្រឹមត្រូវ។
នៅក្នុងវចនានុក្រមខ្មែរ របស់សម្ដេចព្រះសង្ឃរាជ ជួន ណាត ពាក្យដែលត្រឹមត្រូវគឺពាក្យ«ភយន្តរាយ» ចំណែកពាក្យថា «ភ័យន្តរាយ និងភ័យអន្តរាយ» ពុំមានក្នុងវចនានុក្រមឡើយ។
ពាក្យ«ភយន្តរាយ» មានថ្នាក់ពាក្យជា( ន.) និងជា(បា.)ផង។ ពាក្យនេះមកពីពាក្យថា (ភយ+អន្តរាយ) មានន័យថា អន្តរាយដែលគួរខ្លាច, អន្តរាយយ៉ាងសម្បើម ជាដើម។ ឧទាហរណ៍ កើតមានភយន្តរាយ, ភយន្តរាយ អ្នកប្រាជ្ញទាំងឡាយ លោកពោលប្រាប់ថា កើតមានព្រោះកម្ម អំពើពាលា បណ្ដាលឲ្យជាក្ដីទុក្ខលំបាក៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com