​សំរាម​ចាប់​ច្បាម​យក​សម្រស់​ ​
ធានី​ស្អាត​ស្រស់​ប្រែ​អាប់មុខ​

​សំរាម​ជះក្លិន​ស្អុយគគ្រុក​ ​ ​ ​
សំរាម​ជង្រុក​ផ្ទុក​ជំងឺ​។​

 

​ពេល​ដកដង្ហើម​ក្លិន​ឆ្អើម​ឆ្អាប​ ​ ​ ​
ពេល​ហារ​មាត់​ស្ងាប​នឹកឃើញ​ព្រឺ​

​ខ្លាច​មេរោគ​ចូល​នាំ​ឲ្យ​ឈឺ​ ​ ​
​គ្រប់គ្នា​ដឹងឮ​ប្រភព​ច្បាស់​។​
 

​សំរាម​តាម​ជាប់​យើង​គ្រប់គ្នា​ ​ ​
ពុក​ម៉ែ​មីងមា​ទាំង​ក្មេង​ចាស់​

​សំរាម​គ្រប់គ្នា​អ្នកប្រើប្រាស់​ ​ ​
រឿងនេះ​ដឹង​ច្បាស់​អាច​ដោះស្រាយ​។​
 

​ដើរលេង​ឆ្ងាយ​ជិត​សូម​គិតថា​ ​
ទោះ​ញ៉ាំ​អាហារ​ចំណី​បាយ​

​វេច​ខ្ចប់​រាល់​សំណល់​ទាំងឡាយ​ ​
កុំ​ទុក​រាយប៉ាយ​គ្មាន​សណ្តាប់​។​
 

​បើ​យើង​ចាប់​ស្អាត​ក្រុង​ស្អាត​ដែរ​ ​ ​
ធ្លាប់​ខុស​គួរ​កែ​ជា​លំដាប់​

​ត្រឹម​សំរាម​ចាំបាច់​គេ​ប្រាប់​ ​ ​
ឈប់​ធ្វើ​អ្នក​យ៉ាប់​ព្រោះ​សំរាម​៕

 

​ ​ ​ ​ ​ ​ ​

​