ពីនេះ ពីនោះ
អង្កត់ខ្មៅ ឬដំបងក្រញូងបក្សីចូលចិត្តរកស៊ី និងនៅតែឯកឯង
× Black-necked Stork Ephippiorhychus asiaticus
អង្កត់ខ្មៅ ឬដំបងក្រញូង វាអាចមានលក្ខណៈខុសគ្នារវាងបក្សីញី និងបក្សីឈ្មោល។ ចំពោះបក្សីឈ្មោល មានមាឌធំ ចំពុះវែងខ្មៅ និងជើងវែងក្រហម ដងខ្លួនស តែចុងខ្នងដល់កន្ទុយខ្មៅ ឆ្នូតកណ្ដាលស្លាបពណ៌ខ្មៅ ក្បាល និងកពណ៌ខ្មៅចំណែកភ្នែកពណ៌លឿងចាំង។
ផ្ទុយទៅវិញចំពោះបក្សីញី រូបររាងមិនខុសពីបក្សីឈ្មោលនោះទេ ប៉ុន្តែវាខុសត្រងវាមនាពណ៌ត្នោត។ ជាទូទៅគេប្រទះឃើញបក្សីនេះមានវត្តមានពេញមួយឆ្នាំ និងគ្រប់ទីកន្លែងដូចជាព្រៃលិចទឹក ព្រៃតាមទន្លេ និងតំបន់ដីសើមក្រៅពីព្រៃល្បោះ ប៉ុន្តែទោះជាយ៉ាងណាបក្សីនេះបានស្ថិតនៅក្នុងប្រភេទបក្សីដែលកម្រ។ អង្កត់ខ្មៅ ឬដំបងក្រញូងគឺជាប្រភេទបក្សីដែលចូលចិត្តរកស៊ី និងនៅតែឯកឯង។ ចំពោះរដូវបន្ដពូជ វាចាប់ផ្ដើមពីខែតុលា ដល់ខែមីនា និងមានចំនួនពងចាប់ពី ៣ទៅ៥ពងក្នុងមួយរដូវបន្ដពូជ៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com