ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
ជប៉ុនប្ដេជ្ញាជួសជុលស្ពានហាលខាងលិចអង្គរវត្តឲ្យល្អបំផុត
09, May 2016 ,
3:46 pm
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ ស្ពានហាលខាងលិចអង្គរវត្ត បានចាប់ផ្តើមបើកការដ្ឋានជួសជុលជំហានទី២ នៅព្រឹកថ្ងៃទី៩ ឧសភានេះ។ ក្រុមអ្នកជំនាញជួសជុលប្រាសាទបុរាណរបស់សាកលវិទ្យាល័យ សូហ្វីយ៉ា ជប៉ុន ដែលបានសហការគ្នានឹងអ្នកជំនាញរបស់អាជ្ញាធរជាតិអប្សរា បានប្ដេជ្ញាថា នឹងជ្រោមជ្រែង កាជួសជុលស្ពានហាលនេះដោយយកចិត្តទុកដាក់ និងឲ្យបានល្អបំផុត។
ស្ពានហាលខាងលិខអង្គរវត្ត នឹងត្រូវចាប់ផ្តើមជួសជុលជំហានទី២ចាប់ពីថ្ងៃនេះតទៅ។ ស្ពាននេះមានប្រវែងប្រមាណ ២០០ម៉ែត្រ បាននិងកំពុងស្រុតមួយចំហៀងខាងជើង និងដែលត្រូវការការជួយជុសជាបន្ទាន់។
ក្នុងពិធីបើកការដ្ឋានជួសជុលស្ពានហាលជំហានទី២ នៅព្រឹកមិញនេះ លោកសាស្ត្រាចារ្យ Toshiaki Koso ប្រធានគ្រឹះស្ថានអប់រំសាលាសូហ្វីយ៉ា បានអរគុណអាជ្ញាធរជាតិអប្សរា ដែលបានជ្រើសរើសសាកលវិទ្យាល័យ សូហ្វីយ៉ា ជាដៃគូក្នុងដំណើរការជួសជុល។
ក្រោយពីរម្លឹកពីទំនាក់ទំនងរវាងស្ថាប័នខ្លួន ជាមួយរដ្ឋាភិបាលកម្ពុជាហើយនោះ លោក Toshiaki Koso មានភាពសុទិដ្ឋិនិយមថា ការជួសជុលស្ពានហាលជំហានទី២នេះ នឹងល្អប្រសើរ។ បើតាមការលោកសាស្ត្រាចារ្យ Toshiaki Koso គ្រឹះស្ថានរបស់លោក ធ្លាប់បានបណ្តុះបណ្តាលអ្នកជំនាញខ្មែរបានយ៉ាងស្ទាត់ជំនាញក្នុងការងារជួសជុលកាលពីលើកទី១ ហើយលោករំពឹងថា វាកាន់តែល្អប្រសើរទឿតចំពោះការងារជំហានទី២នេះ។ ក្នុងនោះដែរ មានអ្នកជំនាញរបស់អាជ្ញាធរជាតិអប្សរាមួយចំនួន បានបញ្ជូនទៅសិក្សាបន្ថែមនៅប្រទេសជប៉ុន ក្នុងនោះមានទាំងថ្នាក់បណ្ឌិត និងថ្នាក់អនុបណ្ឌិត។
លោក Toshiaki Koso បានឲ្យដឹងបន្ថែមថា ការងារជួសជុលស្ពានហាលនេះ គឺត្រូវធ្វើការស្រាវជ្រាវពីកំណាយបុរាណ ការស្វែងយល់ពីគ្រឹះនៃសំណង់ក្នុងទឹក បូករួមនឹងការសិក្សាស្រាវជ្រាវផ្នែកប្រវត្តិសាស្ត្រផងដែរ។ លោកបន្តថា ចំណេះដឹងនៃការស្រាវជ្រាវនេះ នឹងត្រូវតបស្នងទៅប្រជាពលរដ្ឋខ្មែរវិញ តាមរយៈការចងក្រងឯកសារទុកដល់កូនចៅជំនាន់ក្រោយ។
ក្នុងពិធីបើការដ្ឋានជួសជុលស្ពានហាលនៅព្រឹកថ្ងៃចន្ទនេះ មានថ្នាក់ដឹកនាំជាច្រើនចូលរួម ក្នុងនោះព្រះសង្ឃ អគ្គរដ្ឋទូកជប៉ុនប្រចាំនៅកម្ពុជា អង្គការដៃគូរផ្សេងៗ មគ្គុទ្ទេសក៍ទេសចរណ៍ បុគ្គលិកអាជ្ញាធរជាតិអប្សរា អាជ្ញាធរខេត្ត សិស្សនិស្សិតច្រើនរយនាក់។ល។
ប្រធានអាជ្ញាធរជាតិអប្សរា លោក សុខ អាន បានកោតសរសើរចំពោះទំនាក់ទំនងរវាងរដ្ឋាភិបាលកម្ពុជា និងជប៉ុន លើការងារអភិរក្ស និងជួសជុលប្រាសាទបុរាណ។ លោក សុខ អាន បន្តថា ត្រឹមប្រាសាទអង្គរវត្តមួយ មានប្រទេសចំនួន២៣ហើយ ដែលចូលរួមជួយជុសជុល ក្នុងនោះប្រទេសជប៉ុន និងបារាំង ដែលជួយច្រើនជាងគេ ក្នុងនោះ មានអង្គការអន្តរជាតិជាង៣០ ។
តាមការរៀបចំត្រួសៗរបស់អគ្គនាយកអាជ្ញាធរជាតិអប្សរា ទឹកប្រាក់ដែលបានចំណាយលើការជួសជុលប្រាសាទអង្គរវត្តរហូតមកដល់បច្ចុប្បន្ននេះ មានចំនួន ជាង៥០០លានដុល្លារហើយ ក្នុងនោះជប៉ុនជាង២០លានដុល្លារ។
អំឡុងទសវត្សទី៦០ សាលាបារាំងចុងបូព៌ាដែលមានតួនាទីយ៉ាងសំខាន់ក្នុងកិច្ចការអភិរក្សតំបន់អង្គរសម័យនោះ បានជួសជុលស្ពាននេះមួយចំហៀងខាងត្បូងរួចរាល់ជាស្ថាពរ។ ចំណែកចំហៀងខាងជើងមានប្រវែង១៩០ម ទទឹង៥,៥មទៀត គឺមិនទាន់បានជួសជុលនោះទេ។ ទើបតែនៅឆ្នាំ១៩៩៦ អាជ្ញាធរជាតិអប្សរា សហការជាមួយសាកលវិទ្យាល័យ សូហ្វីយ៉ានៃប្រទេសជប៉ុន ដែលដឹកនាំដោយលោកសាស្ដ្រាចារ្យ យ៉ូស៊ីអាគី អ៊ីស៊ីហ្សាវ៉ា បានបន្តកិច្ចការជួសជុលលើចំណែកដែលនៅសេសសល់បានមួយកំណាត់ប្រវែង៩០មទៀត ដែលចំណាយពេលអស់១២ឆ្នាំ ដោយថវិកាជំនួយរបស់រដ្ឋាភិបាលជប៉ុន និងថវិកាជាតិតាមរយៈអាជ្ញាធរជាតិអប្សរា។ ហិរញ្ញប្បទានអនុវត្តន៍គម្រោងនេះមាន៣ ទីមួយ គឺរដ្ឋាភិបាលជប៉ុន រដ្ឋាភិបាលកម្ពុជា និងសាកលវិទ្យាល័យសូហ្វីយ៉ា។
យោងតាមឯកសារប្រវត្តិស្ពានហាលខាងលិចអង្គរ ដែលរៀបរៀងដោយអាជ្ញាធរជាតិអប្សរា ស្ពាននេះ មានប្រវែង ១៩០ម៉ែត្រ ទទឹង ១១,៦០ម៉ែត្រ និងកម្ពស់ ៤ម៉ែត្រ។ ស្ពាននេះសង់ពីថ្មបាយក្រៀម ក្រាលដោយកម្រាលថ្មភក់ និងលម្អដោយបង្កាន់ដៃនាគដ៏ល្អឯក៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
1 សប្តាហ៍
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
1 សប្តាហ៍
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម