ជាតិ
សម្តេច ស ខេង៖ អយុត្តិធម៌សង្គម នាំឲ្យមានបដិវត្តន៍ ប៉ុន្តែនៅកម្ពុជា គ្មានហេតុផលធ្វើបែបនេះឡើយ
× ភ្នំពេញ៖ សម្តេច ស ខេង រដ្ឋមន្ត្រីក្រសួងមហាផ្ទៃ បានណែនាំមន្ត្រីក្រោមឱវាទស្វែងយល់ពីបញ្ហាសង្គមបច្ចុប្បន្នហើយ ត្រៀមបង្កាតាមផ្លូវច្បាប់ទុកជាមុន ដើម្បីកុំឲ្យមានបដិវត្តប្រជាជន កើតឡើង ផ្ទុយពីច្បាប់។ សម្តេចយល់ឃើញថា អយុត្តិធម៌សង្គម នាំឲ្យកើតមានបដិវត្តន៍ពណ៌ ឬបដិវត្តន៍ប្រជាជន។
ប៉ុន្តែ សម្តេច ស ខេង បានថ្លែងក្នុងមិទ្ទិញរំលឹកខួបលើកទី៧១ ថ្ងៃបង្កើតកងកម្លាំងនគរបាលជាតិ នៅថ្ងៃទី១៦ ឧសភានេះ ដូច្នេះថា៖«បើការគ្រប់គ្រង ការដឹកនាំរបស់យើង មិនថា ល្អឥតខ្ចោះនោះទេ ក៏ប៉ុន្តែពលរដ្ឋអាចនឹងរួមរស់បាន សុខបានទាំងអស់គ្នានោះ វាគ្មានហេតុផលនឹងធ្វើ បដិវត្តន៍ពណ៌នោះទេ»។
សម្តេចបន្តថា ទាំងមន្ត្រី ទាំងប្រជាពលរដ្ឋ ត្រូវរស់នៅស្មើភាពគ្នាចំពោះមុខច្បាប់ ទើបបដិវត្តន៍ពុំកើតមានឡើង។ ទន្ទឹមគ្នា សម្តេចបានណែនាំកម្លាំងប៉ូលិស ត្រូវបង្កាទប់សា្កត់ការធ្វើបដិវត្តន៍តាមផ្លូវច្បាប់ជានិច្ច។ ការលើកឡើងរបស់រដ្ឋមន្ត្រីក្រសួងមហាផ្ទៃនេះ ស្របពេលអង្គការសង្គមស៊ីវិលរៀបចំយុទ្ធនាការពាក់អាវពណ៌ខ្មៅ ជារៀងរាលថ្ងៃ ច័ន្ទ ដើម្បីទាមទារដោះលែងមន្ត្រី NGO និង គ.ជ.ប ចេញពីពន្ធនាគារ។
សំឡេងសម្តេច ស ខេង៖
© រក្សាសិទ្ធិដោយ thmeythmey.com