អន្តរជាតិ
×![]()
តាមការប្រកាសរបស់នាយករដ្ឋមន្ត្រីថៃលោកឧត្តមសេនីយ៍ ប្រាយុទ្ធ ច័ន្ទ អូចា ថៃ នឹងរៀបចំការបោះ ឆ្នោតមេដឹកនាំថ្មីនៅឆ្នាំ២០១៧ខាងមុខ។ តែការបោះឆ្នោតនេះ ត្រូវបានរបបសឹកអះអាងជាថ្មីថា អាចនឹង មានលើកពេលម្តងទៀត ប្រសិនបើ ការធ្វើប្រជាមតិសេចក្តីព្រាងរដ្ឋធម្មនុញ្ញថ្មី បរាជ័យ។
ឧបនាយករដ្ឋមន្ត្រី និងជារដ្ឋមន្ត្រីការពារជាតិថៃ លោក ប្រាវីដ វង់ស៊ូវ៉ាន់ (Prawit Wongsuwon) នៅថ្ងៃទី១៧ ខែឧសភាម្សិលមិញ បានលើកឡើងពីសេចក្តីថ្លែងការណ៍របស់នាយករដ្ឋមន្ត្រីថៃ លោកប្រាយុទ្ធ ច័ន្ទ អូចា ថា «ប្រសិនបើសេចក្តីព្រាងរដ្ឋធម្មនុញ្ញបរាជ័យក្នុងដំណាក់ការនៃការធ្វើប្រជាមតិ លោក (លោកប្រាយុទ្ធ) នឹងបន្តដើម្បីធានាឲ្យបាននូវការធ្វើរដ្ឋធម្មនុញ្ញ និងការបោះឆ្នោតសកល»។ នេះបើ យោងតាមសារព័ត៌មានបាងកកប៉ុស្តិ៍។
លោកឧត្តមសេនីយ៍ ប្រាវីដ បានបន្ថែមថា នៅពេលដែលសេចក្តីព្រាងរដ្ឋធម្មនុញ្ញដែលរៀបរៀងដោយគណៈកម្មាធិការព្រាងរដ្ឋធម្មនុញ្ញដែលមានលោក មីឆៃ រួជូផាន់ ជាប្រធាន ត្រូវបានបោះឆ្នោតប្រឆាំង នៅក្នុងប្រជាមតិ នាយករដ្ឋមន្ត្រីនឹងប្រើប្រាស់អំណាចរបស់លោកក្នុងនាមជាប្រធាននៃក្រុមប្រឹក្សាជាតិដើម្បីសន្តិភាព និងសណ្តាប់ធ្នាប់។
នៅថ្ងៃចន្ទទី ១៦ ខែឧសភា កន្លងទៅ លោកនាយករដ្ឋមន្ត្រី ប្រាយុទ្ធ ច័ន្ទ អូចា បានបញ្ជាក់ដែរថាដំណើរការនៃការធ្វើសេចក្តីព្រាងរដ្ឋធម្មនុញ្ញ នឹងត្រូវត្រលប់ក្រោយវិញ ប្រសិនបើ សេចក្តីព្រាងរដ្ឋធម្មនុញ្ញនោះបរាជ័យក្នុងការធ្វើប្រជាមតិ។ នេះបើយោងតាមប្រភពព័ត៌មានដដែលដែលបានដកស្រង់សម្តីលោកនាយករដ្ឋមន្ត្រីថៃដែរថា លោក បានបន្ថែមថា «ប៉ុន្តែខ្ញុំត្រូវចុះចេញពីតំណែង? ខ្ញុំ កំពុងតែបំពេញ ការងារដើម្បីផលប្រយោជន៍ជាតិ។ ខ្ញុំ មិនមែនគំរាមក្នុងការបន្តកាន់អំណាច ប្រសិនសេចក្តីព្រាងរដ្ឋធម្ម នុញ្ញត្រូវបានច្រានចោល»។
គណៈកម្មាធិការព្រាងរដ្ឋធម្មនុញ្ញថៃ នៅថ្ងៃទី២៩ ខែមីនាកន្លងទៅ បានប្រកាសថា ថៃ នឹងរៀបចំការធ្វើប្រជាមតិជាតិមួយលើសេចក្តីព្រាងច្បាប់រដ្ឋធម្មនុញ្ញថ្មីនៅថ្ងៃទី០៧ ខែសីហាខាងមុខនេះដើម្បីស្ទង់មតិប្រជាជនថៃថាតើសេចក្តីព្រាងនោះសមស្រប និងគ្រប់ជ្រុងជ្រោយដែរឬយ៉ាងណា។
សូមរម្លឹកដែរថា កាលពីខែកុម្ភៈ កន្លងទៅ ឆ្លើយតបនឹងសំណួររបស់អ្នកសារព័ត៌មានពីកាលបរិច្ឆេទនៃការបោះឆ្នោត លោកនាយករដ្ឋមន្ត្រីរដ្ឋប្រហារយោធាប្រាយុទ្ធ ច័ន្ទ អូចា បានបញ្ជាក់ថា « គឺឆ្នាំ២០១៧ ដែលការបោះឆ្នោតនឹងត្រូវរៀបចំឡើង»។ ការអះអាងបែបនេះ ធ្វើឡើងដើម្បីបញ្ជាក់ ពីគោលជំហររបស់រដ្ឋាភិបាលយោធាបន្ទាប់ពីមានការរិះគន់ជាច្រើនលើសេចក្តីព្រាងរដ្ឋធម្មនុញ្ញថ្មី។ ហើយ លោក ក៏ធា្លប់បានអះអាងនៅថ្ងៃទី២៦ខែមករាកន្លងទៅដែរថា ការបោះឆ្នោតសកល នឹងត្រូវធ្វើឡើងនៅឆ្នាំ២០១៧ជាដាច់ខាត បើទោះបីជារដ្ឋធម្មនុញ្ញ មិនអាចឆ្លងផុតពីដំណាក់ការនៃការធ្វើប្រជាមតិក៏ដោយ៕
ឧបនាយករដ្ឋមន្ត្រី និងជារដ្ឋមន្ត្រីការពារជាតិថៃ លោក ប្រាវីដ វង់ស៊ូវ៉ាន់ (Prawit Wongsuwon) នៅថ្ងៃទី១៧ ខែឧសភាម្សិលមិញ បានលើកឡើងពីសេចក្តីថ្លែងការណ៍របស់នាយករដ្ឋមន្ត្រីថៃ លោកប្រាយុទ្ធ ច័ន្ទ អូចា ថា «ប្រសិនបើសេចក្តីព្រាងរដ្ឋធម្មនុញ្ញបរាជ័យក្នុងដំណាក់ការនៃការធ្វើប្រជាមតិ លោក (លោកប្រាយុទ្ធ) នឹងបន្តដើម្បីធានាឲ្យបាននូវការធ្វើរដ្ឋធម្មនុញ្ញ និងការបោះឆ្នោតសកល»។ នេះបើ យោងតាមសារព័ត៌មានបាងកកប៉ុស្តិ៍។
លោកឧត្តមសេនីយ៍ ប្រាវីដ បានបន្ថែមថា នៅពេលដែលសេចក្តីព្រាងរដ្ឋធម្មនុញ្ញដែលរៀបរៀងដោយគណៈកម្មាធិការព្រាងរដ្ឋធម្មនុញ្ញដែលមានលោក មីឆៃ រួជូផាន់ ជាប្រធាន ត្រូវបានបោះឆ្នោតប្រឆាំង នៅក្នុងប្រជាមតិ នាយករដ្ឋមន្ត្រីនឹងប្រើប្រាស់អំណាចរបស់លោកក្នុងនាមជាប្រធាននៃក្រុមប្រឹក្សាជាតិដើម្បីសន្តិភាព និងសណ្តាប់ធ្នាប់។
នៅថ្ងៃចន្ទទី ១៦ ខែឧសភា កន្លងទៅ លោកនាយករដ្ឋមន្ត្រី ប្រាយុទ្ធ ច័ន្ទ អូចា បានបញ្ជាក់ដែរថាដំណើរការនៃការធ្វើសេចក្តីព្រាងរដ្ឋធម្មនុញ្ញ នឹងត្រូវត្រលប់ក្រោយវិញ ប្រសិនបើ សេចក្តីព្រាងរដ្ឋធម្មនុញ្ញនោះបរាជ័យក្នុងការធ្វើប្រជាមតិ។ នេះបើយោងតាមប្រភពព័ត៌មានដដែលដែលបានដកស្រង់សម្តីលោកនាយករដ្ឋមន្ត្រីថៃដែរថា លោក បានបន្ថែមថា «ប៉ុន្តែខ្ញុំត្រូវចុះចេញពីតំណែង? ខ្ញុំ កំពុងតែបំពេញ ការងារដើម្បីផលប្រយោជន៍ជាតិ។ ខ្ញុំ មិនមែនគំរាមក្នុងការបន្តកាន់អំណាច ប្រសិនសេចក្តីព្រាងរដ្ឋធម្ម នុញ្ញត្រូវបានច្រានចោល»។
គណៈកម្មាធិការព្រាងរដ្ឋធម្មនុញ្ញថៃ នៅថ្ងៃទី២៩ ខែមីនាកន្លងទៅ បានប្រកាសថា ថៃ នឹងរៀបចំការធ្វើប្រជាមតិជាតិមួយលើសេចក្តីព្រាងច្បាប់រដ្ឋធម្មនុញ្ញថ្មីនៅថ្ងៃទី០៧ ខែសីហាខាងមុខនេះដើម្បីស្ទង់មតិប្រជាជនថៃថាតើសេចក្តីព្រាងនោះសមស្រប និងគ្រប់ជ្រុងជ្រោយដែរឬយ៉ាងណា។
សូមរម្លឹកដែរថា កាលពីខែកុម្ភៈ កន្លងទៅ ឆ្លើយតបនឹងសំណួររបស់អ្នកសារព័ត៌មានពីកាលបរិច្ឆេទនៃការបោះឆ្នោត លោកនាយករដ្ឋមន្ត្រីរដ្ឋប្រហារយោធាប្រាយុទ្ធ ច័ន្ទ អូចា បានបញ្ជាក់ថា « គឺឆ្នាំ២០១៧ ដែលការបោះឆ្នោតនឹងត្រូវរៀបចំឡើង»។ ការអះអាងបែបនេះ ធ្វើឡើងដើម្បីបញ្ជាក់ ពីគោលជំហររបស់រដ្ឋាភិបាលយោធាបន្ទាប់ពីមានការរិះគន់ជាច្រើនលើសេចក្តីព្រាងរដ្ឋធម្មនុញ្ញថ្មី។ ហើយ លោក ក៏ធា្លប់បានអះអាងនៅថ្ងៃទី២៦ខែមករាកន្លងទៅដែរថា ការបោះឆ្នោតសកល នឹងត្រូវធ្វើឡើងនៅឆ្នាំ២០១៧ជាដាច់ខាត បើទោះបីជារដ្ឋធម្មនុញ្ញ មិនអាចឆ្លងផុតពីដំណាក់ការនៃការធ្វើប្រជាមតិក៏ដោយ៕
Tag:
ថៃ
សេចក្តីព្រាងរដ្ឋធម្មនុញ្ញ
អាស៊ាន
© រក្សាសិទ្ធិដោយ thmeythmey.com
