រដ្ឋមន្ត្រីក្រសួងអប់រំ និងក្រសួងបរិស្ថាន ចូលរួមទិវាបរិស្ថាន នៅវិទ្យាល័យឥន្ទ្រទេវី

ជាតិ

រដ្ឋមន្ត្រីក្រសួងអប់រំ និងក្រសួងបរិស្ថាន ចូលរួមទិវាបរិស្ថាន នៅវិទ្យាល័យឥន្ទ្រទេវី

04, Jun 2016 , 7:39 am

រូបភាព

ដោយ: ថ្មីៗ

ក្រសួងអប់រំ យុវជន និងកីឡា សហការជាមួយក្រសួងបរិស្ថាន ប្រារព្ធទិវាបរិស្ថានជាតិ និងបរិស្ថានពិភពលោក ៥មិថុនា ចាប់ពីម៉ោង៧ព្រឹករហូតដល់ម៉ោង១១ព្រឹក នៅបរិវេណវិទ្យាល័យឥន្ទ្រទេវី។

បើតាមសេចក្តីជូនដំណឹងរបស់ក្រសួងបរិស្ថាន ទិវានេះ នឹងប្រារព្ធក្រោមប្រធានបទ«ចូលរួមទាំងអស់គ្នា ដើម្បីពិភពលោកស្រស់ស្អាត» ដោយមានការចូលរួមពីរដ្ឋមន្ត្រីនៃក្រសួងទាំងពីរ គឺលោក សាយ សំអាល់ និងលោក ហង់ ជួន ណារ៉ុន និងមន្ត្រីពាក់ព័ន្ធ ព្រមទាំងដៃគូអន្តរជាតិជាច្រើនទៀត។

នេះជាលើកទី១ ដែលក្រសួងបរិស្ថាន និងក្រសួងអប់រំ ប្រារព្ធទិវានេះរួមគ្នា ក្នុងបំណងបញ្ច្រាបការយល់ដឹងអំពីបរិស្ថានដល់មន្ត្រីរាជការបុគ្គលិកអប់រំ និស្សិត សិស្សានុសិស្ស និងសាធារណជន សំដៅលើកកម្ពស់គុណភាពបរិស្ថាន និងកែប្រែផ្នត់គំនិត និងឥរិយាបថពលរដ្ឋខ្មែរឲ្យស្រលាញ់បរិស្ថាន មានស្មារតីចូលរួមគាំពារបរិស្ថាន ការពារធនធានធម្មជាតិ អភិរក្សជីវចម្រុះ និងការរស់នៅប្រកបដោយចីរភាព៕