បទយកការណ៍ / បទសម្ភាសន៍
×![]()
ព្រះសីហនុ៖ លោក ម៉ុង ឫទ្ធី ដាំស្វាយហាយវិន ដែលនាំពូជពីកោះតៃវ៉ាន់។ ស្វាយនេះ បានផ្តល់ផលរយៈពេល ៣ឆ្នាំមកហើយ ហើយវាក៏កំពុងត្រូវបាននាំចេញសាកល្បងទៅទីផ្សារប្រទេស សិង្ហបុរី។
លោក កក់ គង់ អ្នកមើលការខុសត្រូវក្នុងចំការស្វាយហាយវិន របស់លោក ម៉ុង ឫទ្ធី បានឲ្យដឹងថា ស្វាយនេះបាននាំយកមកដាំក្នុងទឹកដីខេត្តព្រះសីហនុ ក្នុងឆ្នាំ២០០៧។ ស្វាយនេះបានផ្តល់ផល ក្រោយ៣ឆ្នាំ។
លោក កក់ គង់ បានបន្ថែមថា លោក ម៉ុង ឫទ្ធី បានដាំស្វាយហាយវិននេះ លើផ្ទៃដីសរុប ៧១ ហិកតា ប៉ុន្តែមានលាយ សៅម៉ាវ ២០ហិកតា និងធុរេន ៩ហិកតា។ លោក កក់ គង់ បានឲ្យដឹងទៀតថា ក្នុងមួយថ្ងៃលោកប្រមូលផលពី ២០០ទៅ៣០០គីឡូក្រាម ក្រោយមកលោករុញបន្តទៅភ្នំពេញ ដើម្បីរៀបចំម្តងទៀត សម្រាប់វេចខ្ចប់នាំចេញទៅក្រៅប្រទេស។
ហាយវិនជាពូជស្វាយថ្មី ហើយវាមានរសជាតិប្លែកពីស្វាយដទៃ។ សម្រាប់ទីផ្សារក្នុងស្រុក ស្វាយនេះ មិនមានលក់នោះទេ។
សូមស្តាប់បទសម្ភាសខ្លី រវាងអ្នកសារព័ត៌មានថ្មីៗ និងលោក កក់ គង់ ដូចតទៅ
© រក្សាសិទ្ធិដោយ thmeythmey.com
