Asian Cup៖ ដំណឹងអាក្រក់សម្រាប់អ្នកដែលមានសំបុត្រក្លែងក្លាយ

កីឡាជាតិ

ជាតិ

Asian Cup៖ ដំណឹងអាក្រក់សម្រាប់អ្នកដែលមានសំបុត្រក្លែងក្លាយ

07, Jun 2016 , 9:52 am

រូបភាព

តង់ដែល FFC រៀបចំដើម្បីជួយត្រួតពិនិត្យសំបុត្រ។ រូបថត FFC

ដោយ: ថ្មីៗ

សហព័ន្ធកីឡាបាល់ទាត់កម្ពុជា (FFC) តាមរយៈហ្វេសប៊ុកផ្លូវការរបស់ខ្លួន បានប្រកាសឲ្យដឹងថា ការត្រួតពិនិត្យសំបុត្រចូលទស្សនាការប្រកួតជើងទីពីរវគ្គ Play-Off ពានរង្វាន់ AFC Asian Cup ឆ្នាំ២០១៩ រវាងកម្ពុជា និងឆាយនីស តៃប៉ិ នឹងត្រូវបានរឹតបន្តឹង ជាពិសេសការស្វែងរកសំបុត្រក្លែងក្លាយ។

សហព័ន្ធកីឡាបាល់ទាត់កម្ពុជា នឹងរៀបចំតង់នៅក្បែរជណ្តើរទេរភាគខាងជើងនៃពហុកីឡដ្ឋានជាតិដើម្បីជួយផ្ទៀងផ្ទាត់សំបុត្រសម្រាប់អ្នកដែលមិនច្បាស់ ឬសង្ស័យថាសំបុត្រដែលទិញពីឈ្មួញកណ្តាល ឬក្លែងក្លាយ។ FFC បានបញ្ជាក់ថា ការផ្ទៀងផ្ទាត់នេះ គឺដើម្បីជៀសវាងករណីកាន់សំបុត្រក្លែងក្លាយដោយមិនដឹងខ្លួន ហើយមានបញ្ហានៅច្រកចូល។

ជាមួយគ្នានេះដែរ FFC បានអះអាងថា នឹងមិនមានការឃាត់ខ្លួននៅតង់ពិនិត្យនោះទេ ក្នុងករណីរកឃើញសំបុត្រក្លែងក្លាយ ប៉ុន្តែការរកឃើញនៅច្រកចូលពិនិត្យសំបុត្រគឺជារឿងមួយផ្សេងទៀត៕