កីឡាអន្តរជាតិ
អន្តរជាតិ
បងប្អូនបង្កើត Xhaka អាចទតល់គ្នាក្នុងជំនួបអាល់បានី-ស្វ៊ីស មុន វេលស៍ជួបស្លូវ៉ាគី អង់គ្លេសប៉ះរុស្ស៊ី
Granit Xhaka នៃក្រុមជម្រើសជាតិស្វ៊ីស អាចជួបបងប្រុសបង្កើតរបស់ខ្លួន Taulant Xhaka នៃជម្រើសជាតិអាល់បានី។ រូបថត Euro2016.com
×![]()
ដោយ: រួបរួម
បន្ទាប់ពីម្ចាស់ផ្ទះបារាំង ទទួលជ័យជម្នះ ២-១ លើរូម៉ានីក្នុងជំនួបបើកឆាកនៃព្រឹត្តិការណ៍ Euro 2016 នារាត្រីថ្ងៃអាទិត្យនេះ អាល់បានី នឹងត្រូវប្រជែងជាមួយស្វ៊ីសសម្រាប់ជំនួបមួយគូទៀតនៅក្នុងពូល A។ ពូល B នឹងចាប់ផ្តើមការប្រកួតរបស់ខ្លួននារាត្រីនេះផងដែរ ជាមួយនឹងជំនួបជាបន្តបន្ទាប់ រវាង វេលស៍-ស្លូវ៉ាគី និង អង់គ្លេស-រុស្ស៊ី។
អាល់បានី ជួប ស្វ៊ីស ម៉ោង៨យប់នៅ Stade Bollarert-Delelis ក្រុង Lens
ជំនួបរវាងក្រុមជម្រើសជាតិទាំងពីរ ក៏ជាជំនួបលើកដំបូងបំផុតផងដែរនៅក្នុងព្រឹត្តិការណ៍ UEFA European Championship រវាងបងប្អូនបង្កើតដែលស្ថិតនៅក្នុងក្រុមជម្រើសជាតិផ្សេងគ្នា។ Granit Xhaka ខ្សែបម្រើចំណូលថ្មីក្លិប Arsenal នៃក្រុមជម្រើសជាតិស្វ៊ីស អាចជួបតទល់ជាមួយបងប្រុសបង្កើតរបស់ខ្លួន Taulant Xhaka នៃក្រុមជម្រើសជាតិអាល់បានី។
អ្នកទាំងពីរសុទ្ធតែកើតនៅក្នុងទីក្រុង Basel ដោយមានឪពុកម្តាយដើមកំណើតកូសូវ៉ូ-អាល់បានី។ ក្រៅពីបងប្អូន Xhaka ក្រុមជម្រើសជាតិទាំងពីរសុទ្ធតែមានកីឡាករដែលជាប់ពាក់ព័ន្ធជាតិសាសន៍គ្នា។ កីឡាករស្វ៊ីសដែលមានដើមកំណើតកូសូវ៉ូ-អាល់បានី ឬអាល់បានី សុទ្ធរួមមាន Valon Behrami, Admir Mehmedi, Xherdan Shaqiri, Blerim Džemaili។ រីឯកីឡាករអាល់បានី ដែលធំធាត់នៅក្នុងប្រទេសស្វ៊ីស រួមមាន Amir Abrashi, Arlind Ajeti, Migjen Basha, Shkëlzen Gashi, Frédéric Veseli, Naser Aliji, Lorik Cana, Burim Kukeli, Ermir Lenjani។
វេលស៍ ជួប ស្លូវ៉ាគី ម៉ោង១១យប់ នៅ Nouveau Stade de Bordeaux
នេះជាលើកដំបូងក្នុងពេល២០ឆ្នាំ ដែលក្រុមចំណូលថ្មី ត្រូវប៉ះគ្នានាការប្រកួតបើកឆាកក្នុងពូលនៃព្រឹត្តិការណ៍ EURO បើគិតចាប់តាំងពីជំនួបរវាង តួកគី និងក្រូអាស៊ី កាលពីឆ្នាំ១៩៩៦ ។ ក្រុមទាំងពីរ បានជួបគ្នាមួយលើកនាវគ្គជម្រុះកាលពីឆ្នាំ២០០៦ ដោយស្លូវ៉ាគី បានយកឈ្នះ ៥-១ តែនៅពេលនោះ Gareth Bale បានក្លាយជាកីឡាករដ៏វ័យក្មេងបំផុតរបស់វេលស៍ ដែលបានស៊ុតបាល់បញ្ចូលទី។
អង់គ្លេស ជួប រុស្ស៊ី ម៉ោង២យប់ នៅ Stade Velodrome ក្រុង Marseille
អង់គ្លេសក្រោមការដឹកនាំរបស់លោក Roy Hodgson បានក្លាយជាក្រុមទីមួយដែលឈ្នះរាល់ការប្រកួតនៅវគ្គជម្រុះ។ ជាមួយគ្នានេះ លោក Leonid Slutsky ក្នុងវ័យ៤៥ឆ្នាំ នឹងក្លាយជាគ្រូបង្វឹកដែលមានវ័យក្មេងជាងគេផងដែរសម្រាប់ព្រឹត្តិការណ៍ Euro 2016 ។
លោក Hodgson មានជម្រើសជាច្រើននៅតំបន់បម្រើ និងប្រយុទ្ធ ដូចជា Wayne Rooney, Harry Kane, Jamie Vardy, Daniel Sturridge និង Marcus Rashford ជាដើម។ ប៉ុន្តែលោក Hodgson នៅតែមានការគោរពចំពោះរុស្ស៊ី ដែលមានកីឡាករភាគច្រើនៅក្លិប CSKA និង Zenit បើទោះបីជាគ្មានវត្តមាន Alan Dzagoev និង Igor Denisov ក៏ដោយ៕
ប្រភពរូបថតទាំងអស់៖ EURO2016.COM
អាល់បានី ជួប ស្វ៊ីស ម៉ោង៨យប់នៅ Stade Bollarert-Delelis ក្រុង Lens
ជំនួបរវាងក្រុមជម្រើសជាតិទាំងពីរ ក៏ជាជំនួបលើកដំបូងបំផុតផងដែរនៅក្នុងព្រឹត្តិការណ៍ UEFA European Championship រវាងបងប្អូនបង្កើតដែលស្ថិតនៅក្នុងក្រុមជម្រើសជាតិផ្សេងគ្នា។ Granit Xhaka ខ្សែបម្រើចំណូលថ្មីក្លិប Arsenal នៃក្រុមជម្រើសជាតិស្វ៊ីស អាចជួបតទល់ជាមួយបងប្រុសបង្កើតរបស់ខ្លួន Taulant Xhaka នៃក្រុមជម្រើសជាតិអាល់បានី។
អ្នកទាំងពីរសុទ្ធតែកើតនៅក្នុងទីក្រុង Basel ដោយមានឪពុកម្តាយដើមកំណើតកូសូវ៉ូ-អាល់បានី។ ក្រៅពីបងប្អូន Xhaka ក្រុមជម្រើសជាតិទាំងពីរសុទ្ធតែមានកីឡាករដែលជាប់ពាក់ព័ន្ធជាតិសាសន៍គ្នា។ កីឡាករស្វ៊ីសដែលមានដើមកំណើតកូសូវ៉ូ-អាល់បានី ឬអាល់បានី សុទ្ធរួមមាន Valon Behrami, Admir Mehmedi, Xherdan Shaqiri, Blerim Džemaili។ រីឯកីឡាករអាល់បានី ដែលធំធាត់នៅក្នុងប្រទេសស្វ៊ីស រួមមាន Amir Abrashi, Arlind Ajeti, Migjen Basha, Shkëlzen Gashi, Frédéric Veseli, Naser Aliji, Lorik Cana, Burim Kukeli, Ermir Lenjani។
វេលស៍ ជួប ស្លូវ៉ាគី ម៉ោង១១យប់ នៅ Nouveau Stade de Bordeaux
នេះជាលើកដំបូងក្នុងពេល២០ឆ្នាំ ដែលក្រុមចំណូលថ្មី ត្រូវប៉ះគ្នានាការប្រកួតបើកឆាកក្នុងពូលនៃព្រឹត្តិការណ៍ EURO បើគិតចាប់តាំងពីជំនួបរវាង តួកគី និងក្រូអាស៊ី កាលពីឆ្នាំ១៩៩៦ ។ ក្រុមទាំងពីរ បានជួបគ្នាមួយលើកនាវគ្គជម្រុះកាលពីឆ្នាំ២០០៦ ដោយស្លូវ៉ាគី បានយកឈ្នះ ៥-១ តែនៅពេលនោះ Gareth Bale បានក្លាយជាកីឡាករដ៏វ័យក្មេងបំផុតរបស់វេលស៍ ដែលបានស៊ុតបាល់បញ្ចូលទី។
អង់គ្លេស ជួប រុស្ស៊ី ម៉ោង២យប់ នៅ Stade Velodrome ក្រុង Marseille
អង់គ្លេសក្រោមការដឹកនាំរបស់លោក Roy Hodgson បានក្លាយជាក្រុមទីមួយដែលឈ្នះរាល់ការប្រកួតនៅវគ្គជម្រុះ។ ជាមួយគ្នានេះ លោក Leonid Slutsky ក្នុងវ័យ៤៥ឆ្នាំ នឹងក្លាយជាគ្រូបង្វឹកដែលមានវ័យក្មេងជាងគេផងដែរសម្រាប់ព្រឹត្តិការណ៍ Euro 2016 ។
លោក Hodgson មានជម្រើសជាច្រើននៅតំបន់បម្រើ និងប្រយុទ្ធ ដូចជា Wayne Rooney, Harry Kane, Jamie Vardy, Daniel Sturridge និង Marcus Rashford ជាដើម។ ប៉ុន្តែលោក Hodgson នៅតែមានការគោរពចំពោះរុស្ស៊ី ដែលមានកីឡាករភាគច្រើនៅក្លិប CSKA និង Zenit បើទោះបីជាគ្មានវត្តមាន Alan Dzagoev និង Igor Denisov ក៏ដោយ៕
ប្រភពរូបថតទាំងអស់៖ EURO2016.COM
Tag:
Euro2016
© រក្សាសិទ្ធិដោយ thmeythmey.com
