ជាតិ
នយោបាយជាតិ
តំណាងរាស្រ្តCNRP ៥៥ រូបស្ម័គ្រដើរចូលគុក បើគ្រាន់តែថ្វាយញត្តិព្រះមហាក្សត្រ មានទោសព្រហ្មទណ្ឌ
×![]()
មន្រ្តីជាន់ខ្ពស់គណបក្សសង្គ្រោះជាតិលោក យ៉ែម បុញ្ញឫទ្ធិ បានប្រកាសថា តំណាងរាស្រ្តគណបក្សសង្គ្រោះជាតិទាំង ៥៥ រូប នឹងដើរចូលពន្ធនាគារ ប្រសិនបើគ្រាន់តែយកញត្តិថ្វាយព្រះមហាក្សត្រ ហើយត្រូវជាប់ទោសព្រហ្មទណ្ឌ។ ការប្រកាសរបស់លោក យ៉ែម បុញ្ញឫទ្ធិ ពេលនេះ ស្របពេលគណៈកម្មការរបស់ក្រសួងមហាផ្ទៃ ដែលដឹកនាំដោយលោក នេត សាវឿន កំពុងស្រាវជ្រាវ និងធ្វើកោសល្យវិច្ច័យ រកស្នាមមេដៃពលរដ្ឋក្លែងក្លាយ។ ហើយកាលពីម្សិលមិញ មន្រ្តីសា្រវជ្រាវ បានប្រាប់អ្នកកាសែតថា មានស្នាមមេដៃមិនប្រក្រតីជាច្រើន។
លោក យ៉ែម បុញ្ញឫទ្ធិ ហាក់មិនទាន់ជឿលើការសន្និដ្ឋាននេះឡើយ ព្រោះគណបក្សលោកមិនបានចូលរួមត្រួតពិនិត្យស្នាមមេដៃអ្នកគាំទ្រជាង១៧ម៉ឺននាក់លើញត្តិខ្លួន ជាមួយក្រុមការងារស្រាវជ្រាវ ដែលដឹកនាំដោយលោក នេត សាវឿន អគ្គស្នងការនរគបាលជាតិនេះ។ ឆ្លើយនិងសំនួរអ្នកសារព័ត៌មានជុំវិញករណីស្នាមមេដៃ ដែលគណៈកម្មការស្រាវជ្រាវលើកឡើងនេះ លោក យ៉ែម បុញ្ញឫទ្ធិ បានប្រកាសថា តំណាងរាស្ត្រគណបក្សលោកទាំង ៥៥ រូប ស្ម័គ្រចិត្តដើរចូលពន្ធនាគារដោយខ្លួនឯង ប្រសិនបើគ្រាន់តែយកញត្តិថ្វាយព្រះមហាក្សត្រ ហើយត្រូវជាប់ទោសព្រហ្មទណ្ឌ។
ថ្លែងចំពោះមុខអ្នកគាំទ្រខ្លួន នៅទីស្នាក់គណបក្សសង្គ្រោះជាតិ នៅព្រឹកនេះអ្នកនាំពាក្យរូបនេះបានបញ្ជាក់ដូច្នេះថា៖«ក្រុមតំណាងរាស្ត្រ ៥៥រូប ដែលដង្ហែញត្តិថ្វាយព្រះករុណា បើមានទោសព្រហ្មទណ្ឌហើយចាត់ទុកថាជារឿងមួយធ្ងន់ធ្ងរ ដោយសារបំពេញតួនាទីក្នុងនាមជាអ្នកតំណាងរាស្ត្រ ទទួលញត្តិពីប្រជាពលរដ្ឋយកទៅថ្វាយស្ថាប័ន យកទៅប្រគល់ជួនស្ថាប័នពាក់ព័ន្ធ ដើម្បីធ្វើការអន្តរាគមន៍ ទោសព្រហ្មទណ្ឌមួយឆ្នាំ ពីរឆ្នាំ (តំណាងរាស្ត្រ)៥៥នាក់ បើកទ្វាគុកដើរចូលគុកតែម្ដង»។
កាលពីថ្ងៃទី១៤ មិថុនា អនុប្រធានគណៈកម្មការស្រាវជ្រាវស្នាមមេដៃលើញត្តិគណបក្សសង្គ្រោះជាតិ លោក កង សុខន បានប្រាប់អ្នកកាសែតថា ស្នាមមេដៃអ្នកគាំទ្រលើញត្តិគណបក្សសង្គ្រោះជាតិនេះ មានភាពមិនប្រក្រតីមួយចំនួន ដោយស្នាមមេដៃខ្លះមានតែឈ្មោះ ខ្លះទៀតមានឈ្មោះអត់ស្នាមមេដៃ និងគ្មានអាស្រ័យដ្ឋានច្បាស់លាស់ ជាពិសេសស្នាមមេដៃមនុស្សម្នាក់បានផ្តិតដដែលៗលើឈ្មោះផ្សេងទៀតផងដែរ។ បើតាមលោក កង សុខន ខ្លឹមសារញត្តិក៏មានលក្ខណៈដូចៗគ្នា ព្រោះមានស្នាមបោះពុម្ពជាស្រេច ពោលគឺមិនមែនជាខ្លឹមសារដែលប្រជាពលរដ្ឋតាក់តែងសរសេរដោយដៃពួកគេផ្ញើមកគណបក្សសង្គ្រោះជាតិនោះទេ។ ត្រង់ចំណុចគណៈកម្មការលោក អាចសន្និដ្ឋានបានថាញត្តិនេះអាចចេញពីប្រភពតែមួយ។
ទាក់ទងនឹងករណីនេះដែរមន្ត្រីជាន់ខ្ពស់គណបក្សសង្គ្រោះជាតិ លោក អ៊ូ ច័ន្ទឫទ្ធិ អះអាងកន្លងមកថា ការដាក់ញត្តិ ដោយមានស្នាមមេដៃប្រជាពលរដ្ឋជាង១៧ម៉ឺននាក់ ដាក់ថ្វាយព្រះមហាក្សត្រ គឺជាស្នាមមេដៃពិតត្រឹមត្រូវ។ លោក អ៊ូ ច័ន្ទឫទ្ធិ បានបន្ថែមថា បើសិនជាមានការបង្កើតក្រុមអ្នកត្រួតពិនិត្យលើស្នាមមេដៃនេះ លោកស្នើឲ្យមានការចូលរួមផ្ទៀងផ្ទាត់ពីប្រជាពលរដ្ឋទាំងអស់គ្នាផង ដោយគណបក្សលោកនឹងឲ្យអ្នកគាំទ្រគណបក្សខ្លួនចំនួន១៧ម៉ឺននាក់ ដែលបានផ្តិតមេដៃនោះទៅបង្ហាញនៅមុខព្រះបរមរាជវាំង ដើម្បីបញ្ជាក់ពីភាពស្អាតស្អំរបស់គណបក្ស។
តែយ៉ាងណាសម្ដេច ហ៊ុន សែន បានចំអកឲ្យគណបក្សសង្គ្រោះជាតិកាលពីថ្ងៃទី១៣មិថុនាថា កុំទាន់អាលភ័យព្រួយ ហើយមិនចាំបាច់ឲ្យអ្នកគាំទ្រគណបក្សខ្លួន ដែលបានផ្តិតមេដៃនោះមកបង្ហាញនៅមុខព្រះបរមរាជវាំងនោះទេ ព្រោះគណៈកម្មាការស្រាវជ្រាវ គ្រាន់តែចង់ត្រួតពិនិត្យលើស្នាមមេដៃនេះ តាមការត្រាស់បង្គាប់ពីព្រះមហាក្សត្រប៉ុណ្ណោះ។
គួរបញ្ជាក់ថា តំណាងរាស្ត្រគណបក្សសង្គ្រោះជាតិ បានយកញត្តិចំនួន១៨ដុំ ដែលមានស្នាមមេដៃប្រជាពលរដ្ឋជាង១៧ម៉ឺននាក់ យកថ្វាយទៅព្រះមហាក្សត្រ កាលពីថ្ងៃទី៣០ឧសភាកន្លងមក ដើម្បីបង្ហាញពីក្ដីព្រួយបារម្ភរបស់ប្រជាពលរដ្ឋ និងគណបក្សសង្គ្រោះជាតិជុំវិញបញ្ហានយោបាយដែលកំពុងមានភាពតានតឹងនេះ ។ ហើយគណបក្សសង្គ្រោះជាតិក៏កំពុងប្រមូលញត្តិ និងស្នាមមេដៃ ប្រជាពលរដ្ឋរាប់ម៉ឺននាក់ ដើម្បីត្រៀមដាក់ថ្វាយព្រះមហាក្សត្រជាលើកទីពីរផងដែរ។ នេះបើតាមលោក យ៉ែម បុញ្ញឬទ្ធិ៕
លោក យ៉ែម បុញ្ញឫទ្ធិ ហាក់មិនទាន់ជឿលើការសន្និដ្ឋាននេះឡើយ ព្រោះគណបក្សលោកមិនបានចូលរួមត្រួតពិនិត្យស្នាមមេដៃអ្នកគាំទ្រជាង១៧ម៉ឺននាក់លើញត្តិខ្លួន ជាមួយក្រុមការងារស្រាវជ្រាវ ដែលដឹកនាំដោយលោក នេត សាវឿន អគ្គស្នងការនរគបាលជាតិនេះ។ ឆ្លើយនិងសំនួរអ្នកសារព័ត៌មានជុំវិញករណីស្នាមមេដៃ ដែលគណៈកម្មការស្រាវជ្រាវលើកឡើងនេះ លោក យ៉ែម បុញ្ញឫទ្ធិ បានប្រកាសថា តំណាងរាស្ត្រគណបក្សលោកទាំង ៥៥ រូប ស្ម័គ្រចិត្តដើរចូលពន្ធនាគារដោយខ្លួនឯង ប្រសិនបើគ្រាន់តែយកញត្តិថ្វាយព្រះមហាក្សត្រ ហើយត្រូវជាប់ទោសព្រហ្មទណ្ឌ។
ថ្លែងចំពោះមុខអ្នកគាំទ្រខ្លួន នៅទីស្នាក់គណបក្សសង្គ្រោះជាតិ នៅព្រឹកនេះអ្នកនាំពាក្យរូបនេះបានបញ្ជាក់ដូច្នេះថា៖«ក្រុមតំណាងរាស្ត្រ ៥៥រូប ដែលដង្ហែញត្តិថ្វាយព្រះករុណា បើមានទោសព្រហ្មទណ្ឌហើយចាត់ទុកថាជារឿងមួយធ្ងន់ធ្ងរ ដោយសារបំពេញតួនាទីក្នុងនាមជាអ្នកតំណាងរាស្ត្រ ទទួលញត្តិពីប្រជាពលរដ្ឋយកទៅថ្វាយស្ថាប័ន យកទៅប្រគល់ជួនស្ថាប័នពាក់ព័ន្ធ ដើម្បីធ្វើការអន្តរាគមន៍ ទោសព្រហ្មទណ្ឌមួយឆ្នាំ ពីរឆ្នាំ (តំណាងរាស្ត្រ)៥៥នាក់ បើកទ្វាគុកដើរចូលគុកតែម្ដង»។
កាលពីថ្ងៃទី១៤ មិថុនា អនុប្រធានគណៈកម្មការស្រាវជ្រាវស្នាមមេដៃលើញត្តិគណបក្សសង្គ្រោះជាតិ លោក កង សុខន បានប្រាប់អ្នកកាសែតថា ស្នាមមេដៃអ្នកគាំទ្រលើញត្តិគណបក្សសង្គ្រោះជាតិនេះ មានភាពមិនប្រក្រតីមួយចំនួន ដោយស្នាមមេដៃខ្លះមានតែឈ្មោះ ខ្លះទៀតមានឈ្មោះអត់ស្នាមមេដៃ និងគ្មានអាស្រ័យដ្ឋានច្បាស់លាស់ ជាពិសេសស្នាមមេដៃមនុស្សម្នាក់បានផ្តិតដដែលៗលើឈ្មោះផ្សេងទៀតផងដែរ។ បើតាមលោក កង សុខន ខ្លឹមសារញត្តិក៏មានលក្ខណៈដូចៗគ្នា ព្រោះមានស្នាមបោះពុម្ពជាស្រេច ពោលគឺមិនមែនជាខ្លឹមសារដែលប្រជាពលរដ្ឋតាក់តែងសរសេរដោយដៃពួកគេផ្ញើមកគណបក្សសង្គ្រោះជាតិនោះទេ។ ត្រង់ចំណុចគណៈកម្មការលោក អាចសន្និដ្ឋានបានថាញត្តិនេះអាចចេញពីប្រភពតែមួយ។
ទាក់ទងនឹងករណីនេះដែរមន្ត្រីជាន់ខ្ពស់គណបក្សសង្គ្រោះជាតិ លោក អ៊ូ ច័ន្ទឫទ្ធិ អះអាងកន្លងមកថា ការដាក់ញត្តិ ដោយមានស្នាមមេដៃប្រជាពលរដ្ឋជាង១៧ម៉ឺននាក់ ដាក់ថ្វាយព្រះមហាក្សត្រ គឺជាស្នាមមេដៃពិតត្រឹមត្រូវ។ លោក អ៊ូ ច័ន្ទឫទ្ធិ បានបន្ថែមថា បើសិនជាមានការបង្កើតក្រុមអ្នកត្រួតពិនិត្យលើស្នាមមេដៃនេះ លោកស្នើឲ្យមានការចូលរួមផ្ទៀងផ្ទាត់ពីប្រជាពលរដ្ឋទាំងអស់គ្នាផង ដោយគណបក្សលោកនឹងឲ្យអ្នកគាំទ្រគណបក្សខ្លួនចំនួន១៧ម៉ឺននាក់ ដែលបានផ្តិតមេដៃនោះទៅបង្ហាញនៅមុខព្រះបរមរាជវាំង ដើម្បីបញ្ជាក់ពីភាពស្អាតស្អំរបស់គណបក្ស។
តែយ៉ាងណាសម្ដេច ហ៊ុន សែន បានចំអកឲ្យគណបក្សសង្គ្រោះជាតិកាលពីថ្ងៃទី១៣មិថុនាថា កុំទាន់អាលភ័យព្រួយ ហើយមិនចាំបាច់ឲ្យអ្នកគាំទ្រគណបក្សខ្លួន ដែលបានផ្តិតមេដៃនោះមកបង្ហាញនៅមុខព្រះបរមរាជវាំងនោះទេ ព្រោះគណៈកម្មាការស្រាវជ្រាវ គ្រាន់តែចង់ត្រួតពិនិត្យលើស្នាមមេដៃនេះ តាមការត្រាស់បង្គាប់ពីព្រះមហាក្សត្រប៉ុណ្ណោះ។
គួរបញ្ជាក់ថា តំណាងរាស្ត្រគណបក្សសង្គ្រោះជាតិ បានយកញត្តិចំនួន១៨ដុំ ដែលមានស្នាមមេដៃប្រជាពលរដ្ឋជាង១៧ម៉ឺននាក់ យកថ្វាយទៅព្រះមហាក្សត្រ កាលពីថ្ងៃទី៣០ឧសភាកន្លងមក ដើម្បីបង្ហាញពីក្ដីព្រួយបារម្ភរបស់ប្រជាពលរដ្ឋ និងគណបក្សសង្គ្រោះជាតិជុំវិញបញ្ហានយោបាយដែលកំពុងមានភាពតានតឹងនេះ ។ ហើយគណបក្សសង្គ្រោះជាតិក៏កំពុងប្រមូលញត្តិ និងស្នាមមេដៃ ប្រជាពលរដ្ឋរាប់ម៉ឺននាក់ ដើម្បីត្រៀមដាក់ថ្វាយព្រះមហាក្សត្រជាលើកទីពីរផងដែរ។ នេះបើតាមលោក យ៉ែម បុញ្ញឬទ្ធិ៕
Tag:
CNRP
ស្នាមមេដៃ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
