ជាតិ
កម្ពុជាស្ថិតក្នុងចំណាត់ថ្នាក់លេខ២ នៅក្នុងរបាយការណ៍ស្តីពីការជួញដូរមនុស្សឆ្នាំ២០១៦
×![]()
ដោយ: ថ្មីៗ
កម្ពុជា ស្ថិតនៅចំណាត់ថ្នាក់លេខ ២ នៅក្នុងរបាយការណ៍ស្តីពីការជួញដូរមនុស្ស ដែលចេញផ្សាយដោយក្រសួងការបរទេសហរដ្ឋអាមេរិកកាលពីថ្ងៃទី៣០ មិថុនា។ ចំណាត់ថ្នាក់នេះ គឺល្អជាងចំណាត់ថ្នាក់លេខ ២ ក្នុងបញ្ជីតាមដានកាលពីឆ្នាំមុន។ ចំណាត់ថ្នាក់លេខ ២ គឺសម្រាប់ប្រទេសដែលរដ្ឋាភិបាល មិនបានគោរពតាមឲ្យបានពេញលេញ ចំពោះបទដ្ឋានអប្បរមា ដូចមានចែងក្នុងច្បាប់ស្តីពីការការពារជនរងគ្រោះដោយការជួញដូរ (TVPA) តែកំពុងមានការខិតខំច្រើនគួរសម ដើម្បីគោរពតាមបទដ្ឋានទាំងនោះ។
តាមការកំណត់នៃច្បាប់របស់សហរដ្ឋអាមេរិក ស្តីពីការការពារជនរងគ្រោះដោយការជួញដូរ (TVPA) របាយការណ៍ TIP វាយតំលៃរដ្ឋាភិបាលនៅជុំវិញពិភពលោក លើការខិតខំរបស់គេ ក្នុងការប្រយុទ្ធប្រឆាំងនឹងទាសភាពសម័យទំនើប។
ផ្អែកតាមរបាយការណ៍ដែលចេញផ្សាយពីក្រុងវ៉ាស៊ីនតោន ការឡើងដល់ចំណាត់ថ្នាក់លេខ ២ គឺផ្អែកតាមការខិតខំគួរសមរបស់រដ្ឋាភិបាលកម្ពុជា នៅក្នុងការប្រយុទ្ធប្រឆាំងនឹងការជួញដូរមនុស្ស នៅក្នុងឆ្នាំកន្លងទៅ។ របាយការណ៍ TIP ឆ្នាំ២០១៦ បានលើកឡើថា រដ្ឋាភិបាលកម្ពុជាបានចាប់ផ្តើមអនុវត្តផែនការសកម្មភាពជាតិ ដែលត្រូវបានបង្កើតឡើងនៅក្នុងអំឡុងពេលនៃរបាយការណ៍លើកមុន ហើយបានកំណត់ផ្តល់ថវិកាចំនួន ៥០ម៉ឺនដុល្លារអាមេរិក ដល់គណកម្មាធិការអន្តរក្រសួង ដែលដឹកនាំការងារប្រយុទ្ធប្រឆាំងនឹងការជួញដូរមនុស្សរបស់ប្រទេសកម្ពុជា។ ជាមួយគ្នានោះ គោលការណ៍ណែនាំថ្នាក់ជាតិ សម្រាប់កំណត់ និងបញ្ជូនជនរងគ្រោះ ត្រូវបានអនុម័ត ហើយអាជ្ញាធរមូលដ្ឋានបានរកឃើញជនរងគ្រោះចំនួន ៥៨៩ នាក់ ដែលជាចំនួនកើនពីចំនួន ៣២៦ នាក់ កាលពីឆ្នាំទៅ។
របាយការណ៍នេះ ក៏បានកត់សម្គាល់ ពីដំណើរជឿនលឿនរបស់រដ្ឋាភិបាលកម្ពុជា ក្នុងការកាត់ទោស និងដាក់ទោស ពិសេសលើបទល្មើសនៃការជួញដូរកម្លាំងពលកម្ម។ ទន្ទឹមនឹងនេះ របាយការណ៍ ក៏បានផ្តល់អនុសាសន៍ និងចំណុចកែលំអមួយចំនួនដែរ ដល់រដ្ឋាភិបាលកម្ពុជា ដើម្បីប្រយុទ្ធប្រឆាំងនឹងទាសភាពសម័យទំនើបនេះ។
សូមបញ្ជាក់ថា របាយការណ៍ TIP ប្រចាំឆ្នាំលើកទី ១៦ នេះ មានការរៀបរាប់ពីប្រទេស និងទឹកដីចំនួន ១៨៨ ដោយរួមទាំងសហរដ្ឋអាមេរិកផងដែរ។ នៅក្នុងពិធីប្រកាសរបាយការណ៍នេះ លោក ឃឺរី ថែមទាំងបានផ្តល់កិត្តិយសដល់វីរៈជន ក្នុងរបាយការណ៍ TIP ឆ្នាំ ២០១៦ គឺមនុស្សប្រុស ស្រី ដែលមានការខិតខំផ្ទាល់ខ្លួនរបស់គេ បានធ្វើឲ្យគេមានស្នាដៃលេចធ្លោ នៅក្នុងការប្រយុទ្ធជាសាកល ប្រឆាំងនឹងទាសភាពសម័យទំនើបនេះ៕
តាមការកំណត់នៃច្បាប់របស់សហរដ្ឋអាមេរិក ស្តីពីការការពារជនរងគ្រោះដោយការជួញដូរ (TVPA) របាយការណ៍ TIP វាយតំលៃរដ្ឋាភិបាលនៅជុំវិញពិភពលោក លើការខិតខំរបស់គេ ក្នុងការប្រយុទ្ធប្រឆាំងនឹងទាសភាពសម័យទំនើប។
ផ្អែកតាមរបាយការណ៍ដែលចេញផ្សាយពីក្រុងវ៉ាស៊ីនតោន ការឡើងដល់ចំណាត់ថ្នាក់លេខ ២ គឺផ្អែកតាមការខិតខំគួរសមរបស់រដ្ឋាភិបាលកម្ពុជា នៅក្នុងការប្រយុទ្ធប្រឆាំងនឹងការជួញដូរមនុស្ស នៅក្នុងឆ្នាំកន្លងទៅ។ របាយការណ៍ TIP ឆ្នាំ២០១៦ បានលើកឡើថា រដ្ឋាភិបាលកម្ពុជាបានចាប់ផ្តើមអនុវត្តផែនការសកម្មភាពជាតិ ដែលត្រូវបានបង្កើតឡើងនៅក្នុងអំឡុងពេលនៃរបាយការណ៍លើកមុន ហើយបានកំណត់ផ្តល់ថវិកាចំនួន ៥០ម៉ឺនដុល្លារអាមេរិក ដល់គណកម្មាធិការអន្តរក្រសួង ដែលដឹកនាំការងារប្រយុទ្ធប្រឆាំងនឹងការជួញដូរមនុស្សរបស់ប្រទេសកម្ពុជា។ ជាមួយគ្នានោះ គោលការណ៍ណែនាំថ្នាក់ជាតិ សម្រាប់កំណត់ និងបញ្ជូនជនរងគ្រោះ ត្រូវបានអនុម័ត ហើយអាជ្ញាធរមូលដ្ឋានបានរកឃើញជនរងគ្រោះចំនួន ៥៨៩ នាក់ ដែលជាចំនួនកើនពីចំនួន ៣២៦ នាក់ កាលពីឆ្នាំទៅ។
របាយការណ៍នេះ ក៏បានកត់សម្គាល់ ពីដំណើរជឿនលឿនរបស់រដ្ឋាភិបាលកម្ពុជា ក្នុងការកាត់ទោស និងដាក់ទោស ពិសេសលើបទល្មើសនៃការជួញដូរកម្លាំងពលកម្ម។ ទន្ទឹមនឹងនេះ របាយការណ៍ ក៏បានផ្តល់អនុសាសន៍ និងចំណុចកែលំអមួយចំនួនដែរ ដល់រដ្ឋាភិបាលកម្ពុជា ដើម្បីប្រយុទ្ធប្រឆាំងនឹងទាសភាពសម័យទំនើបនេះ។
សូមបញ្ជាក់ថា របាយការណ៍ TIP ប្រចាំឆ្នាំលើកទី ១៦ នេះ មានការរៀបរាប់ពីប្រទេស និងទឹកដីចំនួន ១៨៨ ដោយរួមទាំងសហរដ្ឋអាមេរិកផងដែរ។ នៅក្នុងពិធីប្រកាសរបាយការណ៍នេះ លោក ឃឺរី ថែមទាំងបានផ្តល់កិត្តិយសដល់វីរៈជន ក្នុងរបាយការណ៍ TIP ឆ្នាំ ២០១៦ គឺមនុស្សប្រុស ស្រី ដែលមានការខិតខំផ្ទាល់ខ្លួនរបស់គេ បានធ្វើឲ្យគេមានស្នាដៃលេចធ្លោ នៅក្នុងការប្រយុទ្ធជាសាកល ប្រឆាំងនឹងទាសភាពសម័យទំនើបនេះ៕
Tag:
ការជួញដូរមនុស្ស
© រក្សាសិទ្ធិដោយ thmeythmey.com
